فعلا انا حسيت بيه وكملت نوم تاني :)
عرض للطباعة
فعلا انا حسيت بيه وكملت نوم تاني :)
دى أعلى درجات التفاؤل :D ... أحييك
*******
أنا بقى نزلت الساعة 6 الصبح كده عشان أجرى فى النادى .... كنت خلصت نص التراك على 6:20 قلت أستريح شوية .. حسيت بحاجة .. بس فكرت رجلى هى اللى تعبت من الجرى و بقت بتترعش .... طلعت الأرض هى اللى بتترعش. :willy_nilly:
أنا محستش بيه خالص
أصلى كنت نايم
طب هو الزلال دا كان مصدره فين ؟
انا كمان حسيت بيه جدا جدا الساعة 6 ونص لدرجة إنه صحاني من النوم من كتر الهزة زإعتقدت إن في حد بيهز ألارض من تحتي..... كنت نايم فبصراحة لم أدرك إنه زلزال إلا لما فوقت!
الحمد لله ربنا ستر
انا حسيت بيه وتمسمرت مكاني علي السرير
الحمد لله
ربنا يستر من التوابع
ملحوظة: مش قادر استطعم أي هزار في الموضوع ده
أستاذ اسلام... الزلزال حصل و عدى بخير و الحمد لله... و احنا في ظل الظروف اللي بنمر بيها و حال البلد اللي يفرح...معتقدش انه صعب علينا نكتئب و نزعل...مش هتغلب .. عندك مليون سبب و سبب... دا العكس هو الصعب...
لو هنتكلم على الموت فده بيكون ليه موعد محدد... لا بيتأخر ولا بيتقدم.... و مالوش علاقة بالسبب.... تعددت الأسباب و الموت واحد...
خليني أستغل الفرصة ديه و أحكي حكاية يقال انها من الواقع.. و حتى لو كانت خيالية... هدفها عجبني برضه..
يقال ان كان مرة واحد مسافر بالطيارة و ميعاده الساعة 6 صباحا... فطلب من والدته تصحيه و دخل نام...
باليل والدته حلمت ان الطيارة وقعت و ان ابنها مات فيها... فقررت انها متصحيهوش عشان الطيارة تفوته و ياخد اللي بعدها...
جت تصحيه الساعة 10 الصبح ... لقيته ميت :(
معنى ذلك ان الموت لو جه ميعاده... لا يمكن تفاديه...
هدفي من كل الكلام ده اني أقول مافيش داعي للحزن و الاكتئاب و قبضة القلب طالما ربنا سترها و عدت على خير... و يا سيدي ابقا حوش الحزن ده لما تحصل مصيبة تاني ... متقلقش.. انتا مستعجل ليه؟ البلاوي جاية كتير :D
بهزر طبعا اوعا تزعل من كلامي :)