اول موقف وحش للكورسا معايا
السلام عليكم ....
انهرده اول يوم احس اني شاري عربيه مستعمله ..... المهم انا شاري الكورسا 2005 من شهر و 22 يوم بالضبط
كنت انهرده في الشروق ..... و كنت بلف في حته فاضيه باخد فكره عن المنطقه,,,
ومره واحده ببص علي موشر الحراره .... لقيته علي الثلاث ارباع .....طفيت العربيه و فتحت الكبوت
لقيت غطا القربه مش موجود و القربه فاضيه خالص
حسيت ان الدنيا ضلمت في وشي ...
المهم كلمت واحد صحبي في المعادي .... بصراحه عرفت يعني ايه صحوبيه .... في اقل من نص ساعه كان عندي في الشروق بعربيته ,,,مش عارف ليه مقولتلوش هات معاك الغطا و هو جاي
رحنا حطينا ميه من الحنفيه للاسف في العربيه ... و مشيت بيها لحته عمار عشار اركنها
و كلمت واحد تاني ساكن في السلام ... قولتله يجيب الغطا و احنا جايين في الطريق
صدمني و قال انهرده الحد و منفيش حد في الحرفيين فاتح ....ضلمت تاني في وشي
كنا وصلنا الحرفيين ... بدور في الكروت اللي معايا ... لقيت كارت ل محل قطع غيار في مدينه نصر ,,كلمته و الحمد لله لقيته فاتح ... رحنا علي مدينه نصر ..
جبت غطا القربه ... الماني ... ب 35 جنيه
و صحبي وصلني تاني للشروق و ركبت الغطا ....و الحمد لله و انا راجع الحراره معليتش خالص
السوال دلوقتي ... غطا القربه راح فيبن ؟؟؟؟؟
و اكتر حاجه مضيقاني اني حطيت ميه حنفيه .... عايز اغسل دوره و احط تاني مياه خضرا ....
فياريت لو حد يعرف بنزينه كويسه بتعمل كده؟؟؟