السلام عليكم
انا طلبوا منى شهادة البيانات فى مرور ابيس فى اسكندرية وانا المفروض اجيبها من مرور النزهة فى القاهرة مع مطابقة البصمة فايه هى بقى
وشكرا
عرض للطباعة
السلام عليكم
انا طلبوا منى شهادة البيانات فى مرور ابيس فى اسكندرية وانا المفروض اجيبها من مرور النزهة فى القاهرة مع مطابقة البصمة فايه هى بقى
وشكرا
تعتبر بديل للرخصه لأنها فيها كل بيانات العربيه وبتحتاجها لما تكون بتنقل من مرور للتاني. شكلك بتنقل من القاهره لاسكندريه وفي الحاله دي هتعمل مطابقه بصمه في اسكندريه وتاخدها وتروح بيها على القاهره هتعمل مطابقه بصمه هناك تاني على نفس النموذج وتجيب براءه ذمه ان معلكش مخالفات وتجيب شهاده البيانات وممكن تسلم الرخصه واللوحات القديمه لو عايز. تاخد ده كله وترجع على اسكندريه تشتري ملف جديد للعربيه وتحط فيه الورق كله وتعمل الرخصه الجديده.
أنا عملت الموضوع ده الاسبوع اللي فات من السبت للخميس عرض مستمر. ربنا معاك...
طب هو انا لازم اروح بالعربية هناك فى المرور ولا اروح بورق الفحص اللى انا عملته هنا فى اسكندرية بس؟؟
طيب ما هو ملف العربية اصلا عندهم فى مرور النزهة وانا عملت فحص هنا فى اسكندرية خلاص وادونى ورق الفحص مينفعش اسافر بيه هناك من غير العربية ويطابقوا البصمة بالورق؟؟
انا روحت بالعربية وعملت المطابقة من غير ما المهندس يبص عليها
هتقولي ازاي هقولك كوسا طبعا وتخلف
الموظف خد الملف ونزل للمهندس وقالي خليك هنا ياباشا مستريح
ورجعت ورقة المطابقة مختومة واديته عشرة جنيه
بس طبعا البيانات طلعها من الملف وطابق
بس مرور النزهة معتقدش فيه الكلام ده فانت لازم تاخد العربية معاك
وموضوع شهادة البيانات ده المفترض ان معاك رخصة سارية ليه طلبوا شهادة
الا لو كانت تصريح مثلا مش رخصة فلازم تطلع شهادة
وهي بسيطة بيطلع بيانات العربية من الملف اللي عندهم وبتبقى موجهة لمرورك الاخر
الى اعرفه ان شهاد البيانات لازم تكون معاك فى حالة انتهاء الرخصه فقط لكن لو الرخصه ساريه مش ضروريه حتى لو بتنقل من مرور لمرور اخر
أعتقد والله اعلم انهم عملولي شهاده بيانات عشان خدو مني الرخصه في المرور القديم فبقى لازم حاجه تبقى معايا أروح بيها للمرور الجديد. وكان مكتوب في شهاده البيانات
غير مطالب بلوحات
غير مطالب برخصه التسيير
غير مطالب ببرائه الذمه
وده عشان الحاجات دي كلها استلمها مني المرور القديم.
ملحوظه: أنا مشيت بالعربيه يومين بدون لوحات وكنت بعدي على الكماين عادي ومحدش كان بيسألني فين اللوحات والرخصه وأنا مكنش معايا رخصه أصلا ولكن كان معايا شهاده البيانات والفحص في العربيه لحد ما عملت تصريح 3 شهور لحد ما الملف يتنقل للمرور الجديد.