أوبل أسترا سيدان 2013 !!! ؟؟؟

السلام عليكم ..

أنا قررت أخيراً والحمد لله بعد تفكير لمدة 3 سنين انى اغير عربيتى اللى هى اصلا لانسر بوما 2004 ... وبصراحة كنت خلاص مقبل على شراء التويوتا 2013 بس لما قريت شوية هنا حسيت انى بفكر لسة جوة الصندوق ونفس التفكير المصرى اللى هو ( يبنى هات توتيوتا عشان لما تيجى تبيعها متخسرش) كلنا بنفكر كدة بصراحة بس انا قررت أغير تفكيرى المرة دى وأركب "عربية" بجد مش مجرد عربية اعرف ابيعها .. للعلم انا مليش خبرة كبيرة فى العربيات .. بالعكس انا اصلا فكرتى عن العربيات زفت بسبب ان عربيتى اللانسر جايبها مستعملة من 2006 وطلعت عين اللى خلفونى وصرفت عليها كتير اوى وللعلم بردة مبجربش عربيات كتير لان العربيات مش من هواياتى .. عموما انا مبحبش ابيع ولا اشترى كتير فى العربيات والعربية بتفضل عايشة معايا فترة من الزمن مش اقل من 6 سنين .. انا حبيت العربية الاوبل الاسترا دى لما قريت كلامكم عنها ونزلت اتفرجت عليها النهاردة هى وال 408 الجديدة والاوكتافيا والتويوتا وعجبتنى جدا جدا بس اللى مستغربلة انى ملقتش ال cosmo اللى انا عايز اجيبها بس مش مشكلة مدام انتوا قولتوا كويسة هتوكل على الله وأسمع كلامكم .. انا قررت انى اشترى الأسترا cosmo وأخاطر بكل ما املك فيها .. انا مش من مستخدمين الاوبل خالص واول مرة اركب عربية ملهاش بيع فى مصر اوى وبصراحة خايف يبقى اختيارى خاطىء بسبب تقييمات سمعتها هنا .. انا مش خايف انا مرعوب بصراحة .. يا حضرات لو سمحتوا ممكن حد يطمنى شوية عن العربية دى ويقولى انى مش هرمى فلوسى فى الارض وانا بأمانة هاخد كلامة ثقة طالما هو بيفهم فى الاوبل او فى العربيات عموما .. اسف على الكلام الكتير وأتمنى حد يفيدنى .. شكراً :)

باشا اولا الف مبروك لحضرتك ايا كان اختيارك تويوتا اوكتافيا او حتى استرا
ثانيا انا نفس حالتك مش بهوى البيع يعني زبون ركيب عربية بركب عربيتي لغرض متعة القيادة والاحساس بالرفاهية عشان كده جيبت الفيكترا سي ومش جيبت اوكتافيا الفرش البيج والابانوس والزراير السيمبل ووسع الصالون ولم التفت مطلقا لضعف ماتورها ع حجمها او حتى قطع غيارها ( اللى هو كلام الناس اللى بيعيبوا فيها ) والحمدلله كان قراري صائب باختياري لها ومستمتع لحد الان الحمدلله
ثالثا انا روحت اتفرجت ع الاسترا عند الوكيل وشوفت فئة الكوزومو المهم العربية من جوة التابلوه غني بتجهيزاته ولا تقولي كوري ولا ياباني ولا تقولي اصل التابلوه بلاستك ولا اصل كذا التابلوه معمول صح ومن خامات نضيفة العربية بتسمى بالحوت الصغير تبعا لتسمية الفيكترا سي بالحوت الكبير والاسترا بالفعل حوت وشكلها الانسيابي العائلي والشبابي عربية محترمة بجد وقطع غيارها معقولة بالنسبة للالماني ف التوكيل وهي كالاتي
اسعار بعض قطع غيار استرا سيدان الكوزومو

فانونس امامي 1925 ج
فانوس خلفي ناحية الرفرف 850 ج
فانوس خلفي ناحية الشنطة 775 ج
تيل فرامل امامى 597 ج
تيل فرامل خلفي 575 ج
اكصطدام امامي 3750 ج
اكصطدام خلفى 3708 ج
كبوت 2820 ج
شنطة 3027 ج
زجاج امامي 2020 ج ف حين ف الفيكترا سي ب 2500 ج

اي خدمات تانية احنا ف الخدمة

عربية شكلها كويس جدا بينزل منها محركين واحد منهم تربو بيطلع 180 حصان تقريبا وشكلها شيك جدا فى الهاتش باك

بس ناس كتير بتذم فى توكيل منصور

أنا رأي تشوف برضو الفورد فوكس الجديدة على مستوى التقيمات الأجنبية واخدة سكور أحسن من الأسترا
وكمان شركة أوبل على ماأسمع أفلست خلاص وكل إللي جاب الفيكترا الشكل بتاع 2007 ندم جامد وبتعطل كتير ونفس الكلام عالأسترا بموديلاتها إللي قبل الشكل الجديد وأسعارهم في المستعمل أكيد مببتنزلش تحت الأرض من فراغ
من الآخر الأوبل سمعته وحشة أوي في الإعتمادية وطبعا ملاك الأوبل يفيدوك أكتر من لإن الكلام إللي أنا قلته عالسمع
بس الصراحة مقدرش أنكر إن الأسترا السيدان الجديدة تحفة فنية وكشكل خارجي وداخلي من أحلى العربيات في فئتها

طبعاً لو دخل فى المقارنه الانسر او الاوكتافيا او الكرولا كل دول خسرانين الاسترى شكل 2013 كل ما سبق اشكال عدى عليها 5 سنين وهيغيرو شكل فى خلال سنه واضافه لهذا الاسترا اكثر تقدماً وسلامه وكل شيئ ولا تقلق العربيه عليها ضمان 3 سنين او 100 الف كيلو وده دليل على الثقه والاعتماديه على العربيه

مين قال ان فيكترا 2007 فيها مشاكل ما العربية تمام مع الناس كلها ولو ف مشاكل حصلت فهى حصلت ف موديل 2008 بسبب الفتيس وده ملهوش دعوة بالاعتمادية العربية كعفشة وصاج وميكانيكة ف العربية تعيش العمر يعنى طرمبة البنزين مش اتغيرت عندي ف فيكترا سي غير ع 130 الف كيلو و ده يدل ع ان قطع غيارها معمرة

العربية دي بجد مكسب حقيقي لاي حد يشتريها ومن خبرتي في الالماني عربية موتورها كويس وثبات روعه اللي هوا اهم حاجه بالنسبة ليا بس السوال الاهم هل منصور كتوكيل عامل ايه وهل هوا كويس

اعتقد ان الاسترا الجديدة قيمة مقابل فلوسها
1- موتور قوى 115 حصان (انجوى و كوزمو من غير تيربو) - الاوروبى بيقيس قوة الموتور وهو داخل السيارة مش زى الكورى
2- فتيس اوتوماتيك عادى بتكنولوجيا مش معقدة بست سرعات - اعتقد هايدى سلاسة وتوفير فى البنزين
3- نظام esp - يعتبر ميزة ومكسب كبير فى عربية بالسعر ده
4- صالون وتابلوه شيك اوى
5- عربية المانى - صحيح تجميع بولندى - بس دى اوبل المانى
6- عربية معمرة لو احسنت قيادتها وصيانتها فى المواعيد
7- أعتقد العربية دى هاتكسر الدنيا فى 2013 - ويمكن منصور يزود السعر
8- شايف فيه تغيير للاحسن ملحوظ فى تعامل الوكيل - لان السوق فيه وحوش كتير
9- باختصار الاسترا ثم الاسترا ثم الاسترا

اقتباس:

---

المشاركة الأصلية كتبت بواسطة ali wika

اعتقد ان الاسترا الجديدة قيمة مقابل فلوسها
1- موتور قوى 115 حصان (انجوى و كوزمو من غير تيربو) - الاوروبى بيقيس قوة الموتور وهو داخل السيارة مش زى الكورى
2- فتيس اوتوماتيك عادى بتكنولوجيا مش معقدة بست سرعات - اعتقد هايدى سلاسة وتوفير فى البنزين
3- نظام esp - يعتبر ميزة ومكسب كبير فى عربية بالسعر ده
4- صالون وتابلوه شيك اوى
5- عربية المانى - صحيح تجميع بولندى - بس دى اوبل المانى
6- عربية معمرة لو احسنت قيادتها وصيانتها فى المواعيد
7- أعتقد العربية دى هاتكسر الدنيا فى 2013 - ويمكن منصور يزود السعر
8- شايف فيه تغيير للاحسن ملحوظ فى تعامل الوكيل - لان السوق فيه وحوش كتير
9- باختصار الاسترا ثم الاسترا ثم الاسترا

---

معتقدش إن الأوروبى بيقيس قوة الموتور داخل السيارة

عربية جميلة وبالنسبه لركيب الاوبل صافقة بس بالنسبه للى مش فارق معاه الاوبل.
1-فورد فوكاس
2-رينو فلوانس
3-الاسترا
دى من جهة نظرى المتواضعة