ايه رئيكم يا شباب في التحكم مع الثبات وعدم الانزلاق
[youtube]http://www.youtube.com/watch?v=sosYOftoV3Q&feature=player_embedded[/youtube]
عرض للطباعة
ايه رئيكم يا شباب في التحكم مع الثبات وعدم الانزلاق
[youtube]http://www.youtube.com/watch?v=sosYOftoV3Q&feature=player_embedded[/youtube]
ما شاء الله
ده المتوقع ..
أنا شفت الفيديو دا قبل كدا
طبعا الكلام دا مينفعش فى الشارع بس العربية دى جميلة بجد
ثبات غير عادى و عربية رائعة
أولا أسجل اعتراضي الشديد على الفيديو دة لأن اقل وصف له "مسخرة" و "استهتار" وعدم اكتراث بحياة الآخرين.
ثانياً لو الشخص دة معروف والفيديو وصل للداخلية ، الإدارة العامة للمرور . يجب عليها إتخاذ اللازم.
ثالثاً الحركات اللى فى الاوتو كروس ، تمام ودة مكانها واحي الشخص صاحب العربية اللى فى الاوتو عليها .
رابعاً بالنسبة للشخص المخالف ، هو مستغل ان الدنيا مطرت والشوارع غرقانه وعمل يتزحلق والاسفلت مساعده .
هو اللي في الفيديو ده ولا اي دليل على ثبات العربية
اي عربية في الدنيا هتعمل كدة بس السواق هو المتحكم وطبعا مع اللي حواليه في الشارع ده خطر كبير والخطر الاكبر هي الطينة اللي في الارض دي ممكن تعمل كارثة
شكراً على الفيديوو بس منصحش حد يعمل كدة
اكيد مش معني اني انشره اني بنصح الناس تعمل كده الفكرة اني بقيس عليها اتزان العربيه و منع الانزلاق يعني لو نفس الظروف مع فيرنا مثلا مش هيبقي رد فعل العربيه كده
لا ياباشا منع انزلاق العربية ده من السواق مش من العربية
ده حتى ال 128 ممكن تعمل كدة :)
كان في فيديو تاني بس مش لاقيه على اليوتيوب واحد سايق جين2 وبياخد غرز وتهور
ماشي يا باشا جزاك الله خيرا بس كان ممكن الاسلوب في الانتقاد يبقي احسن من كده للاخ MounT بالاخص ولا ايه راي السادة الاعضاء ومشرفي القسم وكما ان نشر موضوع بغرض الافادة يفترض اذا لوحظ خطا فيه او اختلاف في وجهات النظر ان يتم فتح باب النقاش افضل من كده ولسبب اخر قد يكون ردا مثل ذلك الرد سببا في تنفير الكثير من الاعضاء وامتناعهم عن كتابة مواضيع خشية من الاستهزاء وعدم التقدير وجزاكم الله خيرا جميعا
شكرا جزيلا لحضرتك اولا وثانيا الله اعلم علي السرعات العالية بس اكيد كل ما السرعة تزيد الكنترول بيقل والاستابلتي بالتالي بتاع العربية بيقل وارجع تاني واقول لحضرتك شوف انا كاتب قبل الفيديو ايه ((ايه رئيكم يا شباب في التحكم مع الثبات وعدم الانزلاق)) واضع تحتها مائة خط بما يعني ان الموضوع مطروح للنقاش ولكن للنقاش قواعد بما يعني ان لا تكن حادا كالسيف ، أترك دائما مساحة للفهم و التسامح وفرض حسن النية وليس العكس والشكر موصول مرة اخري لحضرتك لسرعه الرد واتمني ان لا اكون اذيت احدا بكلامي بغير قصد
يا استاذ تيتو انا اسف لو كلامي ضايقك
وانا مقصدش حاجة ولا تريقة ولا اي حاجة احنا هنا كلنا اخوات ومفيش الكلام ده بينا
أستاذ تيتو ... الناس اللي سجلت اعتراضها مكنش عليك بشخصك و لكن على صاحب السيارة المتهور اللي عمال يعمل حركات خطيرة جدا في وسط الشارع و في وسط مطر رهيب .
تخيل لو العربية عرضت منه و دخل في حد واقف على الرصيف او دخل في عربية خرشمها ؟؟؟
حضرتك أعمل مواضيع زي ما أنت عايز و أحنا هنا علشان نفيد و نستفيد من بعض و ما ننشرش على الغلط على الموقع بقدر الامكان .
لا حول ولا قوة الا بالله
الراجل عارض فيديو وبيتكلم فى نقطة واحدة وحط تحتها خط وبيسال عن راينا فى النقطة دى
كلة راح فى حتة تانية خالص واللى بيحتج واللى بيرفض واللى بيشكك فى قدرات العربية اللى هى ولا حاجة فى الفيديو اصلا
اكتر حاجة فى النت ان الناس ساعات كتير اوى بتعرضها بزيادة مش عارف لية
مين فيكوا سيدنا يوسف ؟؟؟؟؟
الى صاحب الموضوع
الفيديو دة قديم طبعا
ولو استفسارك بالنسبة لاتزان العربية وثباتها
فالفيديو دة ولا حاجة بالنسبة لقدرات الجين2 الحقيقية
واللى مش حيعرفها الا ملاكها بس
الاخوة الاعضاء طبعا كلهم مشكورين بس انا صراحة انحني تقديرا لحضرتك لانك ببساطة فهمت كلامي و اتكلمت في ما اقصده علي عكس اخرين غيروا الموضوع خالص وجعلوها كانها خصومة لا قدر الله جزاك الله خيرا ولا كلام بصراحة بعد كلامك الي فعلا ما قل ودل ((فالفيديو دة ولا حاجة بالنسبة لقدرات الجين2 الحقيقية
واللى مش حيعرفها الا ملاكها بس))
نشكرك يا عم ميدو عن الدفاع عن السيارة .
و إن كان التعليقات اللي تمت على حركة الزحلقة كلها صحيحة و المفروض حضرتك أو صاحب الموضوع ميزعلوش من كدا
لو صاحب الجين 2 دي عمل كدا في حتة محترمة (بلد فيها قانون) كان زمانه في السجن
أنا شوفته بعيني بيعمل الحركات دي على طريق مصر اسكندرية في 2008 قبل عز العرب و كارفور بعد نزلة المحور
تفتكر لما نشوف فيديو متصور للأخ و هو متحكم في العربية
الناس هاتعلق على أيه .......... على الثبات بتاع العربية و لا على التهور اللي صاحب العربية بيمارسه ؟؟؟؟؟؟؟؟؟؟؟؟؟؟؟
معلش متزعلش الناس وضحت لصاحب الموضوع هي بتعلق علي ايه و مكنتش تقصد صاحب الموضوع الاستاذ تيتو لا من بعيد و لا قريب .
تحياتي ليك و لصاحب الموضوعو لصاحب كل كلمة حق .
ولا يهمك اخي العزيز بالعكس حضرتك كبرت في نظري الان لتفهمك الامر واتمني نفس الكلام لو كلامي ضايقك او بعض الاعضاء سخنت الاجواء انا واجب عليا ايضا اني اقولك اسف لو كلامي ضايقك في حاجة واكيد كلنا اخوات وعلي فكرة انا ممكن مشاركاتي قليلة شوية بس بتابع القسم ده من فترة كبيرة اوي بس كان بدون مشاركات واول ما بدات اشارك يحصل صدام فضايقني الموضوع شوية بس الحمد لله حصل خير فعلشان كده اخدتها بحساسية شوية بس في النهاية باكد علي كلامك فعلا كلنا اخوات هنا
اولا حضرتك اخر واحد كنت اتوقع انه يدخل في مصادمات مع احد من خلال متابعتي لردودك في المواضيع ودائما تقول الحق ولكن انا ليا اعتراض بسيط علي اسلوب حضرتك اني حسيت شوية باستخاف بيا او بصاحب الرد نهاية بحديثك تحياتي ليك ولصاحب الموضوع بكلمة بس طبعا اكيد انا غلطان وفهمت غلط ثانيا حضرتك انا عارف ومتاكد انه مخالف للقانون ولو كل حاجة مخالفة لقانون المرور منزلنهاش في القسم يبقي محدش يقول اعمل الفامية فين او تاثير الفامية علي الزجاج من الخلف او تسقيط المواتير او تركيب تربو لانه ايضا مخالف او طبعا موضوع كموضوع الشد الي كان متضمن كل واحد علم علي ايه في العربيات واتعلم عليه من مين او اي مواضيع خاصة بالاتزان مثلا لان مش هنحتاج نسال عن الاتزان لو اتلزمنا بالسرعه القانونية الي مفروض علي انظف الطرق في مصر 100 فكل العربيات متساوية في الاتزان علي 100 فاكيد مش هنحتاج المواضيع ديه لان غرضها تعريض سلامة وممتلكات الافراد للخطر وهناك الكثير ايضا ولكن اكتفي بهذا القدر واتمني من حضرتك تفهم كلامي وعدم اخده بحساسية فكلنا اخوه والاختلاف في الراي لا يفسد للود قضية وشكرا وفي النهاية اكرر كلمة حضرتك تحياتي ليك ولصاحب كل كلمة حق .
الفيديو دا مفيهوش اى حاجة تثبت ولا تورينا اتزان العربية
وبعدين فين عدم الانزلاق دا والعربية عمالة تتزحلق يمين وشمال
وكمان اللى بيساعد فى تماسك العربية فى المياه هو الكاوتش مش الثبات
وعدم الانزلاق دا نظام بيكون فى العربية ملوش دعوة بثابتها
اسمه ESP ودا مش موجود فى الجين 2
و ادى يا سيدى فيديو لفيرنا بتعمل نفس الكلام باردوا
‫تفحيط اكسنت ن ر س‬‎ - YouTube
ودا للاكسنت
‫تفحيط اكسنت 2010‬‎ - YouTube
ودا للسيراتو
‫تفحيط مقروشهم على كيا سيراتو 12 بالقصيم‬‎ - YouTube
‫سمارت - كيا سيراتو 2012‬‎ - YouTube
الأخ صاحب الموضوع ، اولاً تحياتي لشخصك الكريم
ثانياً ياريت نفرق بين مخالفة القانون بس ، وتعريض حياة الآخرين للخطر
يعني اللى مش بيربط الحزام او بيفيم عربيته مثلا دة بيأذي نفسه بس اذا اتمسك فى لجنة ولا حاجة إنما مش بيأذي غيره
إنما الحركات بالهلوانية دي مكاتها السرك مش الشوارع بتاعة الناس العادية ، لو الحركات دي فى شارع فاضي مثلا عمرك ما هتلاقي حد معترض.
وانا مش فاهم انت معترض علي ايه ولا انا غلطت فيك فى ايه
لأن
اول نقطتين فى ردي اللى فات ، كانت على الشخص المتهور مش ليك
و آخر نقطتين فى ردي اللى فات ، كانت على ثبات السيارة فى الاوتو كروس او الزحلقة فى الشوارع.
انت شوفت أول نقطتين ومكملتش باقي الرد المتعلق بثبات العربية تقريبا!!
--
استاذ ميدو ، ياريت موضوع "الناس اللى بتعرضها بزيادة" دة ميكونش موجه ليا.
حاشى لله أني أستخف بحد ..... و أنا مش مش بصادم حد خالص .
بالعكس
ده أنا قلتلك في الأول .... أهلا بك و عايزينك تشارك لما أنت زعلت من ردود الأخوة على الفعل في الفيديو .
يا باشا فيه مخالفات ضد القانون و لكن ليس لها تأثير مباشر عليا .
و لكن اللي لها تأثير مباشر اللي صاحب الجين 2 بيعمله في الفيديو
قمة الأستهتار .
و مرة تانية لو حضرتك أو أي حد فهم كلامي غلط ......... أنا بعتذر و مش عايز حد يزعل مني لأني لا أستخف بأحد نهائيا لأن أنا مين علشان أستخف بالناس .... كلنا في التراب أخي الفاضل .
تحياتي لك شخصيا
:hlopaet_prv:
ربنا ما يجيب زعل يا رجالة بروتون .......
هو صاحب الجين 2 يخرب الدنيا في الشارع و أحنا هانتخانق و لا ايه ؟؟؟؟؟؟؟؟؟
أستاذ مونت ............ و الأستاذ ميدو ......... و الأستاذ تيتو صاحب الموضوع .............. كبروا دماغكم و احنا كلنا اخوات ...
و مش عايزين نفهم بعض غلط ........... و يارب ما يجيب زعل ابدا ما بينا
انا شايف الموضوع هياخد اكبر من حجمه بكيتر
سوء تفاهم وقولنا كذا وكذا وكذا اعتقد كده يكفي
ده فيديو مدته كام دقيقية واحنا هنا هنقعد ايام نتكلم عليه !!!!
اتمني ننسي الي حصل ..
يا باشا ومين جاب سيرتك بس
دا انا كنت لسه حبعتلك اقولك اشتري مخزن كبير حنجيبلك قطع غيار بروتون اصليه تبيع الي تبيعه واللي تحتاجه خده
امال العربيات الي حيتعلم عليها دي حتروح فين
هههههههههههههه
علي فكره
يشرفني اني لاول مره من ساعه ما دخلت المنتدي اشترك معاك في موضوع واحد
حصل خير يا جماعه ومفيش اي حاجة كفاية ان الموضوع اشترك فيه ناس من عتاولت المنتدي:nemoflow: وقدرنا نجمعهم وده شرف ليا ومن ناحيتي مفيش اي حاجة وربنا يديم المحبة والود واشكر كل المشاركين بالموضوع ولهم كل الاحترام جميعا ومجتمعبن دوما ان شاء الله بس في حاجة احسن مش كل فترة هنعمل مشكلة علشان نتجمع :tank:وفرصة بالمناسبة ديه صورة تذكارية :camera2: وبالنسبة ليا انا مفيش حاجة من ناحيتي ويا رب نفس الكلام مع كل الاعضاء ومحدش يشيل من حد واكد دوما الاختلاف في الراي لا يفسد للود قضية :grouphug::bye2: