الموضوع: مشكلة مع زيت شيل

المشاركة الأصلية كتبت بواسطة riolover

شكراً يا باشا ع ردك

بس المشكلة انى مش بسافر واستخدامى بسيط
يعنى انا عامل 5000 ك ف سنة تقريباً
فال 7000 ك هيقعدوا معايا كتير اوى
وانا قريت انى الزيت مينفعش يتساب ف العربيه اكتر من 6 شهور
فال 1500 ك بمشيهم ف حوالى 4 او 5 شهور مثلاً

فمش ينفع معايا ال 7000 ك للاسف

فياباشا بالنسبه للمعلومة بتاعت ان لازم الزيت يتغير كل 6 شهور ديه انا فاهمها صح ولا لأ؟

وشكراً ليك

طيب اولا ياباشا المعلومة بتاعة 6 شهور دية قليلة جدا , هو الزيت المفروض مايقعدش فى المحرك اكتر من 10 شهور عشان مواد الزيت ماتعملش اكسدة وتتفاعل مع مواد المحرك الداخلية

نيجى بقى لنقطة الزيت وانة يكون متوافق مع المحرك ؟؟؟

مش انت عشان مثلا بتمشى قليل يبقى تحت زيت يضر المحرك , لأ حاول تحط زيت مناسب للحالة المحرك عشان تحافظ علية

فهنقول لو انت مثلا مش عايز تحط ال7000 الاف كيلو , يبقى ممكن بحد ادنى تحط شيل الاصفر
ودة بيتغير كل 5000 كيلو وممكن تنزلهم على 4500 كم , والزيت دية معدنى

دة اقل حاجة تقدر تحطها لعربيتك اقل من كدة يبقى انت بتضطر المحرك لان الزيوت اللى بتقعد 1500 كم بتبقى اسمها زيوت احادية الدرجة , ومافيهاش اى مواد تحافظ على المحرك

فحتى لو انت استخدام قليل للعربية دة مايمنعش بردة انك تحافظ على الماتور