بركولى تليفونى الفخم جدا نوكيا x1 ابو خطين اتسرق

**SHNORY** · 03-12-2012 04:00 PM

الناس مبتزعلش علي التليفونات قد ما بتزعل علي الارقام اللي فيها
يا ريت كل واحد ياخد نسخه من الارقام اللي علي تليفونه علي الكمبيوتر وفي كذا مكان تانيين
نسخه علي جهاز الشغل ونسخه علي جهاز البيت ونسخه تترفع علي الميل

**lanos2004** · 03-12-2012 04:55 PM

المشاركة الأصلية كتبت بواسطة shnory

الناس مبتزعلش علي التليفونات قد ما بتزعل علي الارقام اللي فيها
يا ريت كل واحد ياخد نسخه من الارقام اللي علي تليفونه علي الكمبيوتر وفي كذا مكان تانيين
نسخه علي جهاز الشغل ونسخه علي جهاز البيت ونسخه تترفع علي الميل

ما فيش اسهل من استرجاع الارقام- طبعا لما الواحد يكون مطلوب اكتر ما بيطلب
والحمد لله كل الارقام المهمه بالنسبه ليا اصلا مش بسجلها بحفظها واتصل بيها من الذاكرة
المشكله الى بيحط صور عائليه وصور شخصيه ليه على تليفونه
والى بيشترى تليفون غالى 3000 ولا 5000 جنيه ويتسرق فى ثانيه اكيد احساس بايخ جدا
عن نفسى اتسرق منى تليفون كان غالى جدا جدا صراحه
ورجعته بسبب ان الى سرقه الغبى اتصل بمحل علشان يبيع له التليفون من تليفونى
وانا جبت اخر ارقام اتصل بيها التليفون وبعلاقاتى جبت البيانات الشخصيه كمان بتاعت الى هيتباع ليه التليفون-واتصلت بيه قلت له انته اسمك كذا وعنوانك كذا والتليفون كذا عندك يا يرجع يا==== ومكملتش ساعه التليفون رجع--حظوظ بقه
وبعته بعدها

**kh_fawzy** · 03-12-2012 05:06 PM

المشكله مش فى نوع الموبيل ممكن اللى سرقوة يعمل يعمل بيه مصيبه مثلا يطلم صاحب عربيه مسروقه او اى حاجه كدة

**lanos2004** · 03-12-2012 05:12 PM

المشاركة الأصلية كتبت بواسطة kh_fawzy

المشكله مش فى نوع الموبيل ممكن اللى سرقوة يعمل يعمل بيه مصيبه مثلا يطلم صاحب عربيه مسروقه او اى حاجه كدة

ما الواحد فورا بيوقف الخط او يغير الشريحه

**pro_samir** · 03-12-2012 05:21 PM

حصلت معايا قريب في دخلة الكورنيش من الزراعي

كان والدي اللي سايق وانا جنبه وحاطط التليفون قدامي بس مبفتحش الازاز غير بالكتير 10 سم

الطريق بيقف ويمشي ، لسه هيمشي واحد جه جري يرزع علي العربيه يا بشمهندس حاسب يا حاج زنقتني مش عارف ايه ... وقف

الراجل مش واقف جنب الشباك لأ ده بيقف جنب الباب اللي ورا علشان لما تبص عليه تكون ملووح متشوفش يمين خالص واحنا الاتنين طبعا باصين كده

لاقيت الكلام اهبل الحمد لله ربنا ألهمني وافتكرت الحوار والحكاوي بتاع الناس اللي حصل معاهم الموقف هنا

بصيت علي اليمين لاقيت واحد واقف زيه بالظبط موطي وبيستعد

روحت قافل الازاز خالص لاقيته بيزعق في ايييه يا عممم :)) ورجعو طبعا

**koshary** · 03-12-2012 06:38 PM

كان معايا جلاكسى y وكنت فى مرسى مطروح مع اصحابى واتسرق من عالبحر وزمان كان معايا 6670 وكنت جايبه ب 1800 جنية واتسرق منى وانا سايق العجلة بتاعتى من ساعتها وانا مش بجيب موبايلات غالية تانى بقالى 3 شهور وجبت موبايلين صينى وبغير ومره نوكيا مستعمل انما مش هجيب حاجه غاليه تانى..... وكويس انها بتيجى فى االتليفون وفداك مليون تليفون يابوحمييد

**KemozTanta** · 03-12-2012 08:13 PM

انا أتسرق في العيد الصغير اللي فات موبايلي نوكيا 5800 كنت محافظ عليه من الزيرو ومظبطة برامج والعاب واتسرق تقريبا بنفس الطريقة دي واحد رزع علي الباب اللي ورا يمين ومهتميتش راح فاتحه ع الاخر بصيت وبشدة وانا بلف قولت الموبايل اتسرق
وفعلا ملقتوش قدام العدادات
واشتريت موبايل نوكيا بخطين x1 وزي الفل ونغمات اغاني ومشرفني ومش مهتم اجيب موبايل غالي تاني لاني لحد الان زعلان علي اللي اتسرق لانه كان كويس ومكفيني وبيساعدني احيانا في شغلي.
:D

**hugan** · 03-12-2012 09:11 PM

اتسرق من اما م البرنس بتاع امبابه
العربيه كانت عطلانه وكنت بازقها وقال ايه جاي يساعدني
وهوب زميله خبط التليفون من الباب
كان معايا 2 زمايلي
جريوا وراء العيال والتوكتوك اللي كانو راكبيه اتقلب بيهم
حتي لو عطلت
وجاي حد يساعدك خلي بالك

-

-

الموضوع: بركولى تليفونى الفخم جدا نوكيا x1 ابو خطين اتسرق

LinkBack

أدوات الموضوع

عرض

-

-

-

-

-

المواضيع المتشابهه

تليفونى اتسرق من العربية فى 3 دقائق

نوكيا n73 وسامسونج خطين للبيع او للبدل بهاتف اعلى

بعد ما 5800 اتسرق قررت هجر نوكيا والتوجه الى Apple

معلشى - تليفونى اتسرق

نوكيا 52 للبيع او للبدل بسامسونج خطين

الكلمات الدلالية لهذا الموضوع

المفضلات

المفضلات

ضوابط المشاركة