بركولى تليفونى الفخم جدا نوكيا x1 ابو خطين اتسرق

وانا ماشى فى امان الله فى الزحمه وفاتح الزجاج اليمين نص كدة علشان الطراوة
هوب لقيت واحد بيخبط على العربيه مش تحاسب يا استاذ دوست على رجلى -انا -يا عم انا جيت جنبك -يا بيه الارض مش ليك لوحدك فيه ناس ماشيه عليها زيك-تانى هوة حد لمسك يا عم-قال روح ربنا يسامحك
كملت طريقى ومشيت
ببص على التليفون الفاخر ابو 100 جنيه بحالهم ملقتوش
طبعا مقدرتش امسك نفسى من الضحك
اتعملت قيا
بس انا كمان عملتها فى الحرامى -مش هيعرف يبيع التليفون 20 جنيه على بعض ههههههههههه-اصل حالته وحشه قوى وعرة قوى-دة حتى لما بروح مكان مهم مش بطلعه من جيبى علشان حاجه تكسف
حد يقلى وانته ليه يا استاذ مش شايل تليفون محترم
اقوله كان فيه يوم معايا تليفون محترم ووقع- ولقيت نفسى زعلت شويه عليه-ومن يومها بطلت اشترى حاجه غاليه
--المهم خلى بالكوا فى الزحمه والاشارات -بدل اما يتعمل فيكو زى ما حصل معايا وخاصه انى بشوفكوا ماشاء الله شايلين تليفونات بتتكلم لوحدها
كل واحد يتبرع بربع جنيه علشان محتاج 50 جنيه اجيب تليفون بخطين
على حساب رقم -هنيالك يا فاعل الخير-ومن قدم شىء بيداه التقاه-وحسنه قليله تمنع بلاوى كتيره-وادينى جنيه اجيب سندوتش-معايا عيال عاوزين يتعشوا-نعناع-مناديل-عاوز اجيب حق الدوا -وتلاقى الروشته طالعه من مستشفى بيطرى

لسه الموضوع ده حاصل مع صاحبى و تليفونه كان صينى و طالع عينه بس الزعل كله كان فى الارقام

الموضوع ده حصل معاك فين ؟؟!

حط تليفونك في جراب الباب اللي شمالك تحت

قدر الله و ما شاء فعل

فداك مليون تليفون

^_^

فكرتني باللي حصلي بس كان iphone أحمد ربنا

يستاهل اللى حصل فيه....... ( أقصد الحرامى )

أحنا ممكن نعمل موضوع بعنوان ( مبروك مقدماً )
للي هيتسرق أو يتنصب عليه - لأنه واضح أوي إن موضوع السرقات والنصب دا زايد بشكل مبالغ فيه
عموماً - ربنا يعوض عليك وعلى كل اللي أتسرقوا من قبلك ومن بعدك
وأعتقد بالوصف بتاع التليفون الجبار دا ممكن الحرامي يدور عليك علشان يرجعه لك - ويسيب لك معاه خط تليفون هدية ( سرقه من حد تاني ) :grinder:
ربنا يستر

الشريحه راجعه

اقتباس:

---

المشاركة الأصلية كتبت بواسطة youssef_u

الشريحه راجعه

---

انجليزى دة-وضح اكتر -

الناس مبتزعلش علي التليفونات قد ما بتزعل علي الارقام اللي فيها
يا ريت كل واحد ياخد نسخه من الارقام اللي علي تليفونه علي الكمبيوتر وفي كذا مكان تانيين
نسخه علي جهاز الشغل ونسخه علي جهاز البيت ونسخه تترفع علي الميل

اقتباس:

---

المشاركة الأصلية كتبت بواسطة lanos2004

بس انا كمان عملتها فى الحرامى -مش هيعرف يبيع التليفون 20 جنيه على بعض ههههههههههه-اصل حالته وحشه قوى وعرة قوى-دة حتى لما بروح مكان مهم مش بطلعه من جيبى علشان حاجه تكسف
حد يقلى وانته ليه يا استاذ مش شايل تليفون محترم
اقوله كان فيه يوم معايا تليفون محترم ووقع- ولقيت نفسى زعلت شويه عليه-ومن يومها بطلت اشترى حاجه غاليه
--المهم خلى بالكوا فى الزحمه والاشارات -بدل اما يتعمل فيكو زى ما حصل معايا وخاصه انى بشوفكوا ماشاء الله شايلين تليفونات بتتكلم لوحدها

---

10/10 :)

اقتباس:

---

المشاركة الأصلية كتبت بواسطة shnory

الناس مبتزعلش علي التليفونات قد ما بتزعل علي الارقام اللي فيها
يا ريت كل واحد ياخد نسخه من الارقام اللي علي تليفونه علي الكمبيوتر وفي كذا مكان تانيين
نسخه علي جهاز الشغل ونسخه علي جهاز البيت ونسخه تترفع علي الميل

---

ما فيش اسهل من استرجاع الارقام- طبعا لما الواحد يكون مطلوب اكتر ما بيطلب
والحمد لله كل الارقام المهمه بالنسبه ليا اصلا مش بسجلها بحفظها واتصل بيها من الذاكرة
المشكله الى بيحط صور عائليه وصور شخصيه ليه على تليفونه
والى بيشترى تليفون غالى 3000 ولا 5000 جنيه ويتسرق فى ثانيه اكيد احساس بايخ جدا
عن نفسى اتسرق منى تليفون كان غالى جدا جدا صراحه
ورجعته بسبب ان الى سرقه الغبى اتصل بمحل علشان يبيع له التليفون من تليفونى
وانا جبت اخر ارقام اتصل بيها التليفون وبعلاقاتى جبت البيانات الشخصيه كمان بتاعت الى هيتباع ليه التليفون-واتصلت بيه قلت له انته اسمك كذا وعنوانك كذا والتليفون كذا عندك يا يرجع يا==== ومكملتش ساعه التليفون رجع--حظوظ بقه
وبعته بعدها

المشكله مش فى نوع الموبيل ممكن اللى سرقوة يعمل يعمل بيه مصيبه مثلا يطلم صاحب عربيه مسروقه او اى حاجه كدة

اقتباس:

---

المشاركة الأصلية كتبت بواسطة kh_fawzy

المشكله مش فى نوع الموبيل ممكن اللى سرقوة يعمل يعمل بيه مصيبه مثلا يطلم صاحب عربيه مسروقه او اى حاجه كدة

---

ما الواحد فورا بيوقف الخط او يغير الشريحه

حصلت معايا قريب في دخلة الكورنيش من الزراعي

كان والدي اللي سايق وانا جنبه وحاطط التليفون قدامي بس مبفتحش الازاز غير بالكتير 10 سم

الطريق بيقف ويمشي ، لسه هيمشي واحد جه جري يرزع علي العربيه يا بشمهندس حاسب يا حاج زنقتني مش عارف ايه ... وقف

الراجل مش واقف جنب الشباك لأ ده بيقف جنب الباب اللي ورا علشان لما تبص عليه تكون ملووح متشوفش يمين خالص واحنا الاتنين طبعا باصين كده

لاقيت الكلام اهبل الحمد لله ربنا ألهمني وافتكرت الحوار والحكاوي بتاع الناس اللي حصل معاهم الموقف هنا

بصيت علي اليمين لاقيت واحد واقف زيه بالظبط موطي وبيستعد

روحت قافل الازاز خالص لاقيته بيزعق في ايييه يا عممم :)) ورجعو طبعا

عاوزين قسم للسرقات :(

كان معايا جلاكسى y وكنت فى مرسى مطروح مع اصحابى واتسرق من عالبحر وزمان كان معايا 6670 وكنت جايبه ب 1800 جنية واتسرق منى وانا سايق العجلة بتاعتى من ساعتها وانا مش بجيب موبايلات غالية تانى بقالى 3 شهور وجبت موبايلين صينى وبغير ومره نوكيا مستعمل انما مش هجيب حاجه غاليه تانى..... وكويس انها بتيجى فى االتليفون وفداك مليون تليفون يابوحمييد

انا أتسرق في العيد الصغير اللي فات موبايلي نوكيا 5800 كنت محافظ عليه من الزيرو ومظبطة برامج والعاب واتسرق تقريبا بنفس الطريقة دي واحد رزع علي الباب اللي ورا يمين ومهتميتش راح فاتحه ع الاخر بصيت وبشدة وانا بلف قولت الموبايل اتسرق
وفعلا ملقتوش قدام العدادات
واشتريت موبايل نوكيا بخطين x1 وزي الفل ونغمات اغاني ومشرفني ومش مهتم اجيب موبايل غالي تاني لاني لحد الان زعلان علي اللي اتسرق لانه كان كويس ومكفيني وبيساعدني احيانا في شغلي.
:D

اتسرق من اما م البرنس بتاع امبابه
العربيه كانت عطلانه وكنت بازقها وقال ايه جاي يساعدني
وهوب زميله خبط التليفون من الباب
كان معايا 2 زمايلي
جريوا وراء العيال والتوكتوك اللي كانو راكبيه اتقلب بيهم
حتي لو عطلت
وجاي حد يساعدك خلي بالك

اقتباس:

---

المشاركة الأصلية كتبت بواسطة kemoztanta

انا أتسرق في العيد الصغير اللي فات موبايلي نوكيا 5800 كنت محافظ عليه من الزيرو ومظبطة برامج والعاب واتسرق تقريبا بنفس الطريقة دي واحد رزع علي الباب اللي ورا يمين ومهتميتش راح فاتحه ع الاخر بصيت وبشدة وانا بلف قولت الموبايل اتسرق
وفعلا ملقتوش قدام العدادات
واشتريت موبايل نوكيا بخطين x1 وزي الفل ونغمات اغاني ومشرفني ومش مهتم اجيب موبايل غالي تاني لاني لحد الان زعلان علي اللي اتسرق لانه كان كويس ومكفيني وبيساعدني احيانا في شغلي.
:d

---

اتسرق فين في طنطا علشان الواحد ياخد باله وهو ماشي ...؟

اقتباس:

---

المشاركة الأصلية كتبت بواسطة kemoztanta

انا أتسرق في العيد الصغير اللي فات موبايلي نوكيا 5800 كنت محافظ عليه من الزيرو ومظبطة برامج والعاب واتسرق تقريبا بنفس الطريقة دي واحد رزع علي الباب اللي ورا يمين ومهتميتش راح فاتحه ع الاخر بصيت وبشدة وانا بلف قولت الموبايل اتسرق
وفعلا ملقتوش قدام العدادات
واشتريت موبايل نوكيا بخطين x1 وزي الفل ونغمات اغاني ومشرفني ومش مهتم اجيب موبايل غالي تاني لاني لحد الان زعلان علي اللي اتسرق لانه كان كويس ومكفيني وبيساعدني احيانا في شغلي.
:d

---

اتسرق فين في طنطا علشان الواحد ياخد باله وهو ماشي ...؟

اقتباس:

---

المشاركة الأصلية كتبت بواسطة kemoztanta

انا أتسرق في العيد الصغير اللي فات موبايلي نوكيا 5800 كنت محافظ عليه من الزيرو ومظبطة برامج والعاب واتسرق تقريبا بنفس الطريقة دي واحد رزع علي الباب اللي ورا يمين ومهتميتش راح فاتحه ع الاخر بصيت وبشدة وانا بلف قولت الموبايل اتسرق
وفعلا ملقتوش قدام العدادات
واشتريت موبايل نوكيا بخطين x1 وزي الفل ونغمات اغاني ومشرفني ومش مهتم اجيب موبايل غالي تاني لاني لحد الان زعلان علي اللي اتسرق لانه كان كويس ومكفيني وبيساعدني احيانا في شغلي.
:d

---

اتسرق فين في طنطا علشان الواحد ياخد باله وهو ماشي ...؟

اقتباس:

---

المشاركة الأصلية كتبت بواسطة lanos2004

انجليزى دة-وضح اكتر -

---

ألشة من باسم يوسف يا باشا :grinder: يقصد لما حد بيتثبت و بيتسرق موبايله الحرامي بياخد الجهاز و يرجعله الشريحه ( الخط ) و دي الحلقه لو حضرتك حبيت تشوفها ‫برنامج البرنامج مع باسم يوسف - الموسم 2 - الحلقة 1 كاملة‬‎ - YouTube

ربنا يعوض عليك يا احمد

اقتباس:

---

المشاركة الأصلية كتبت بواسطة kareem fawzy

ربنا يعوض عليك يا احمد

---

شكرا على شعورك الجميل
بس ياعم تمن التليفون مجبش سندوتش هههههههههههههه

تصدق يا أحمد، أنا معايا الموبايل العظيم ده نوكيا (x1) ومعايا سامسونج جالاكسي، خايف على النوكيل أكثر مش عارف ليه، تفتكر يمكن علشان بخطين:grinder::grinder:

اقتباس:

---

المشاركة الأصلية كتبت بواسطة Sehsss

تصدق يا أحمد، أنا معايا الموبايل العظيم ده نوكيا (x1) ومعايا سامسونج جالاكسي، خايف على النوكيا أكثر مش عارف ليه، تفتكر يمكن علشان بخطين:grinder::grinder:

---

لسببين
بيفكرك bmw x1
وفيه كشااااااااااااااااااااااا اف

اقتباس:

---

المشاركة الأصلية كتبت بواسطة lanos2004

لسببين
بيفكرك bmw x1
وفيه كشااااااااااااااااااااااا اف

---

ههههههههه (إجابة صحيحة):grinder:

ربنا يعوض عليك...
انا بستغرب من الدناوة...
يعني لو جهاز عليه العين ماشي انما يأخذ ذنب السرقه وهيقف قدام ربنا يحاسبه على حاجة مش مستاهله... مش متخيلها...

Sent from my SE Arc S using Forum Runner

ربنا يعوض عليك

قلبي معاك والله
تحيا مصر ..

ربنا يعوض عليك و احمد ربنا انه x1بس نوكيا مش bm

اقتباس:

---

المشاركة الأصلية كتبت بواسطة s o p h o s

قلبي معاك والله
تحيا مصر ..

---

بدل اما تبعتلى جنيه اعانه تقلى قلبى معاك
ههههههههههههههه

نفسى فى اوبشن التليفون اللى يبقى ليه باص وورد ولو دخلت الباص ورد غلط 3 مرات ينفجر فى وش اللى ماسكه ههههههههههههههههههههههههه ه
ولو حد قريبك يبقى عرفت انه هوه اللى عملها معاك ههههههههههههههههه

اقتباس:

---

المشاركة الأصلية كتبت بواسطة misry

اتسرق فين في طنطا علشان الواحد ياخد باله وهو ماشي ...؟

---

كان يوم الوقفة ياباشا - اللي هو يعتبر ازحم يوم في العيد والحرامية اكتر من الناس اللي ماشية- وانت داخل شارع أحمد ماهر بتهدي طبعاً قدام اصالة بتاع الكشري الحوار دا اتعمل معايا
خللي بالك بقي ويستحسن الأتي .. موبايلك اوعي يتحط علي العدادات قدامك نهائيا + ان شباك العربية الازاز ع الاقل نصفة مقفول.

ربنا يعوض عليك يابو حميد بسندويتش من عند cook door كدة ولا حاجة تاخدة مجانا بس انا مش هينفع اديك اعانة لانى لسة مسروق منى تليفون samsung galaxy s advance تمنة 2500 جنية حسبى الله ونعم الوكيل فى اللى سرقة

واحب انصح كل شاب وكل فتاة بعدم مسك التليفون فى الشارع وخصوصا ناحية الشارع عشان محدش يلطشة منك ويجرى ولا هتعرف تجيبة , ويفضل طول مانتوا فى الشارع تكلموا فى الهيد فون

انا ان شاء الله ناوى اعمل كدة , وحاليا ماشى ب n73 ربنا يكرمة شالنى لمدة 5 سنين , وتقريبا زعل لما رميتة فى الدرج , ورجعلى تانى وشكلة هيكمل معايا شوية حلوين ان شاء الله

اقتباس:

---

المشاركة الأصلية كتبت بواسطة semsem kane

ربنا يعوض عليك يابو حميد بسندويتش من عند cook door كدة ولا حاجة تاخدة مجانا بس انا مش هينفع اديك اعانة لانى لسة مسروق منى تليفون samsung galaxy s advance تمنة 2500 جنية حسبى الله ونعم الوكيل فى اللى سرقة

واحب انصح كل شاب وكل فتاة بعدم مسك التليفون فى الشارع وخصوصا ناحية الشارع عشان محدش يلطشة منك ويجرى ولا هتعرف تجيبة , ويفضل طول مانتوا فى الشارع تكلموا فى الهيد فون

انا ان شاء الله ناوى اعمل كدة , وحاليا ماشى ب n73 ربنا يكرمة شالنى لمدة 5 سنين , وتقريبا زعل لما رميتة فى الدرج , ورجعلى تانى وشكلة هيكمل معايا شوية حلوين ان شاء الله

---

يا نهار ابيض ربنا يعوضك خير