معروض عليا اوبل فيكترا 2008 اليجانس ماشية 80.000 كم فبريكة بره وجوه على 98.000 ج
فعاوز اعرف ايه رأيكم فى السعر والفكترا عمتاً + اسعار وتوافر قطع الغيار + الفرق بين الفتيس الاوتو العادى والايزى ترونيك او كيفية الاستخدام
عرض للطباعة
معروض عليا اوبل فيكترا 2008 اليجانس ماشية 80.000 كم فبريكة بره وجوه على 98.000 ج
فعاوز اعرف ايه رأيكم فى السعر والفكترا عمتاً + اسعار وتوافر قطع الغيار + الفرق بين الفتيس الاوتو العادى والايزى ترونيك او كيفية الاستخدام
الفتيس الإيزى ترونيك مختلف تماما عن الاستبترونيك
أو بيسموه مانيوال بدبرياج كهرباء بيديك عزم المانيوال وسهولة الأوتوماتيك وهو أحدث من الأوتوماتيك العادى وبيشتغل بزيت فتيس عادى ونفس تروس الفتيس العادى اللعب كله فى الكنترول والدبرياج وعصا الفتيس
لذلك فهو أوتوماتيك غير نظام قيادته الممتع والمتطور عن الفتيس العادى وبيبقى حتى فيه بدال شفت فى الدريكسيون
ودا الفتيس اللى نزل التويوتا كورولا جنوب أفريقى وفشل جدا
ونزل فى الفيكترا وسمعت شكاوى للناس منه فى المنتدى برضه بإن فيه ترييحه وهبدة فى النقل
لكن الفتيس دا فكرة عمله أفضل من الأوتو ولو شغال ومتصمم تمام هيبقى أفضل بالتأكيد
أما الفتيس الأوتوماتيكى فهو شغال بقربة ضخ وضغط الزيت ومحول عزم torque converter
وبيبقى عزم أقل وسحب وتسارع أقل من الفتيس المانيوال والإيزى ترونيك ( الكلام دا مش بخص أوبل بتكلم بصفة عامة *
وكمان استهلاك بنزين أقل فى الإيزى ترونيك والمانيوال عن االفتيس الأوتوماتيكى دا فى ظل الاستخدام العادل ليهم كلهم لكن ممكن واحد معاه عربية مانيوال بتاكل أكتر من واحد معاه نفس العربية أوتوماتيك أو أيزى ترونيك لأنه مثلا بيحرق على الغيارات جامد أو مش عامل صياناته كويس أو أو أو
يعنى اتوكل على الله واجيبها ولا بلاااااش :mahf(5):
لو متعود تسوق مانوال الايزى ترونك مش هيسببلك مشكلة.... هو كان مضايقنى فى الاول عشان كنت متعود اسوق اوتوماتك لكن دلوقتى ابتديت اتعود عليه و بقيت اعشق العربية و ادائها و ثباتها.بالنسبة للسعر اعتقد جيد و لكن خللى بالك ان 80000 الف كيلو ديه هتحتاج منك تصرف شوية فى الاول عشان تظبتها. و لو العربية حالتها حلوة اتكل على الله و لكن اكشف عليها فى التوكيل او عند حد متخصص اوبل.انا ساكن فى اول عباس و لكن كشفت عند عبد الراضى فى المعادى. و اوعى ابدا ابدا ابدا ابدا تشتريها من غير كشف و الف مبروك مقدما
80 ألف كرقم مش كبير ولا حاجة عادى جدا
حالة العربية كصاج ومحرك وكهرباء وصالون هى اللى هتفرق ولو صاحبها متابع صيانتها فى التوكيل هيبقى متغيرلها كل حاجة لازم تتغير بالميعاد ولو عايزة مصاريف هتكون إيه غير زيوت وفلاتر وسيور وجايز
+1اقتباس:
المشاركة الأصلية كتبت بواسطة MohammedAladel
80 الف كم بالنسبه للالماني يبقي الموتور لسه بيلين .
المواتير دي عمرها بيعدي 500 الف كم والسعر حلو علي فكره