عرض للطباعة
يا جماعه انا بكرة هتفرج على عربيه واحد صاحبها معدلها لجنوط 17 سبور وقالى انه كمان معدل العفشه بتاعتها علشان تقدر تمشى بالجنط ال 17
العربيه لانسر 2008 هاف سبورت خليجى
انا بقى احاول ابص على ايه فى العفشه علشان اطمن انها سليمه
وكمان ايه الاصح للعربيه ؟
وكمان ايه الكويس فى بلدنا من ناحيه الجنوط ؟؟؟ جنط كبير ولا صغير ؟؟؟
هو الصح طبعا الجنط الصغير بما ان الشوارع مش مليانة مطبات ولا حفر ولا اي حاجة ماشاء الله حرير :)
بس لو 17 مع العفشة السبور هتحس بأختلاف كبير في ثبات العربية للاحسن طبعا
طيب فى واحد قالى انه هيخلى سحب العربيه ضعيف وهيزود استهلاك البنزين
الكلام ده صح ولا غلط ؟
الجنوط ال 17 لو وزنها اتقل من الستوك هزود استهلاك البنزين ويقلل السحب بس مش الفرق الكبير اللي حضرتك متخيله
كمان لو العربية واطية عن الستوك عشان العفشة السبور هتزود السحب وتقلل استهلاك البنزين وده لان العربية هتبقى اوطى على الارض وهيقل الهواء اللي داخل من تحتها فابالتالي السحب هيزيد
طيب انا اعرف الكلام ده ازاى ؟؟؟اقتباس:
المشاركة الأصلية كتبت بواسطة eng f3lix
على حسب نوعه .. كمان الوزن بيبقى مكتوب على الجنط نفسه من ورا .. تقدر تقارن الوزن ده بوزن جنط ستوك وتشوف الفرق
معلش ياباشا متأخذنيش ... مش فااااااااااااااااهم اى حاجه خااااااااااااااااالصاقتباس:
المشاركة الأصلية كتبت بواسطة eng f3lix
يعنى ايه اصلا جنط ستوك ده ؟
وايه الوزن اللى اقرن بيه اصلا وهو مال وزن الجنط بسحب البنزين ؟
معلش لو تشرحلى بس علشان ابقى رايح فاهم ايه المواصفات اللى المفروض اعرفها علشان اتأكد ان العربيه مش هتسحب بنزين كتير وميبقاش فى ضرر على العفشه فى نفس الوقت ؟؟؟
معلش انا عارف انى هتعبك بس علشان مشتريش العربيه واتدبس انا فى الاخر ؟
وقدامى واحده تانيه بس بجنوط العربيه الاصليه ؟ ايه هيبقى احسن ؟ المتعدله ولا الاصليه ؟
ياباشا ولا اي تعب
المووضوع بسيط
لما عرض الكاوتش يزيد عن الستوك "الاصلي" بيزود الاستهلاك بتاع البنزين بس مش بالدرجة المخيفة
الجنوط الستوك يعني الاصلي اللي كانت نازلة مع العربية
ووزن الجنط مرتبط بالتسارع واستهلاك النيزين
يعني لو وزن الجنط قريب من الجنط الاصلي او زيه تقريبا هيبقى نفس الاستهلاك
اما لو وزن مبالغ فيه هتلاقي العربية تقيلة معاك في السحب واستهلاك بنزين اكتر
لو نوع الجنوط السبور دي ماركة معروفة او اصلي بيبقى وزنه خفيف عن الجنوط التانية من نفس المقاس
الف شكر ياباشا
وان شاء الله هشوف الوزن وربنا يسهل ميبقاش فى فرق عن الجنط الاصلى وربنا يكرم بقى واشترى
علشان انا دايخ على عربيه بقالى شهر
ربنا يكرمك ويوفقك ان شاء الله
متنساش لو حصل نصيب ان شاء الله تدينا تقرير حلو عن ثبات العربية
ومتنساش بردو اول لفة انا حاجزها :)
الله يخليك ياباشااقتباس:
المشاركة الأصلية كتبت بواسطة eng f3lix
بس محصلش نصيب بعد ما ركبت القطار ووصلت لنصف المسافه عند بنها كده كلمت صاحب العربيه قالى العربيه اتباعت
والله ناس زى الفل :hitwall3:
والله ناس معندهاش دم بجد
ربنا يوفقك في واحدة احسن منها ان شاء الله
يارب ياباشااقتباس:
المشاركة الأصلية كتبت بواسطة eng f3lix
بجد والله الواحد زهق :breakpc2: