عاوز اجيب نيو اكسنت ار بى بس مانيوال ايه رأيكم فى مميزاتها وعيوبها؟
عرض للطباعة
عاوز اجيب نيو اكسنت ار بى بس مانيوال ايه رأيكم فى مميزاتها وعيوبها؟
انت هاتجيبها مانيوال عشان بتحب المانيوال ؟ ولا عشان مش معاك تجيب الاوتو ؟؟
عموما الار بي مميزاتها حلوة جدا اكثر من عيوبها
تقفيل كوري و ده ممتاز
موتور قوي جدا و فيس كويس
شكلها حلو
قطع غيار موجودة
سعر اعادة بيع كويس لما ان شاء الله تيجي تبيع
عيوبها انعدام وسائل الامان في الفئات الاولي
جنط صغير
مشكلة المساعدين اللي كانت نازلة بيها في موديل 2011 و بيقولو حلوها في الموديلات الجديدة
بس دي المميزات و العيوب من وجهة نظري استني الاعضاء يقولولك لو في اي حاجة تانية
عندك بدائل تانية تقدر تشوفها زي الصني الجديدة
في رينو
عربية كويسه جدا بس انعدام وسائل الامان دي مشكله ... ايه رايك في الصني الجديدة ب102 و اوتوماتك 2 ايرباج و abs +abd + ba و وسع رائع للصالون بس تقفيل مصري و صاج خفيف شوية و مدة حجز طويلة
اه فيها زجاج كهرباء اعتقد الاكر انتهت من زمان و تكييف و باور
عربية ممتازة طبعا ... لو سوقتك فى شوارع زحمة فالنصيحة اللى اقولهالك اضغط نفسك و هات اتو ان شاء الله تشحت و لو معرفتش شوف حاجة اقل...
رايي فكر فى الجين تو او البيرسونا او الصنى الجديدة مع تحفظى علييها بسبب موتورها العيان و الشكل جوه و بره و التقفيل المصرى بس فيها حجات كوبسة برضو اللي هى عوامل الامان لو مش فارقة معاك العيوب اللى انا قولت عليها هاتها و طبعا كل ده اوتو و انا استبعدت ال ار بي عشان غالية لكن هى عربية مدينة للاستعمال العادى و بتقدى الغرض جدا
السلام عليكم ورحمه الله
مع احترامى لكل أراء الاخوه الاعضاء المحترمين
حضرتك انا معايا اكسنت اربى 2012 مانيوال استلمتها فى 10-6-2012
يعنى بقالها حوالى 6 شهور معايا وحكلمك عن مميزات العربيه وعيوبها
1-طبعا من غير انحياز للعربيه وربنا يوفقك للخير والاصلح العربيه دى جميله جدا من حيث المبلغ هو ممكن يكون المبلغ عالى عليها علشان موضوع وسائل الامان بس لما تيجى تبص للعربيات اللى فيها وسائل الامان زى الصنى وكده بتلاقى حجات اساسيه فى العربيه تخليك تصرف نظر عنا زى الموتور الضعيف جدا الشكل الخارجى للعربيه غير متناسق مع بعضه كمان فمش حفرح بعربيه اوتو 102 الف جنيه واقعد ادلل عليها للبيع بعد شهر زى ما اغلب اصحابها بيعملو .لكن تعالى على سعر المانيوال من ار بى انا كنت جايبها بــ 96000 دلوقتى عامله 104 الف جنيه وتقريبا ممكن تلاقيها بصعوبه لانى كنت فى المصريه فى اسكندريه وسالت عنها قالو صعب وجودها دلوقتى عموما
انا زهقت من الكتابه وانتم زهتم من القراءه بس معلش علشان النصيحه ؟؟؟
ممكن ميزات العربيه دى كمان انها واسعه فى الصالون بالنسبه للفئه دى من السيارات الصغيره واسعه وجميله من الداخل كمان
موتور قوى 1600 سى سى وهو موتور الالنترا الى 2011
وسائل الامان فيها على الله فهو خير حافظا وهو ارحم الراحمين :))
سرعه وتسارع موجود فيها شكل واستايل جميل كمان
فيها بور - سنتر لوك- مرايات كهربا -ازاز كهربا -تكييف 0فتيس مانيوال
عيب العربيه كان بالنسبه بالى فى المساعد الخلفى هو كان فعلا ضعيف جدا وبيرقص العربيه فى السرعات العاليه لكن لما قدمت شكوى عليهم الحمد لله اتغير فمبقاش فى اى مشكله بالنسبه لى فى المساعد
الحمد لله العربيه جميله جدا وحتى فى استهلاك البنزين محترمه جدا جدا فى الموضوع دا بالذات
انصحك بيها وان شاء الله مش حتندم صدقنى
العربيه دى زادت 10 الاف جنيه فى 6 شهور
انا بحبها جدا وبحترمها جدا لانه بتعمل اى شئ انا عاووزه منها ولاى استفسار لحضرتك كلمنى على الايمل دا
elmo7amed@yahoo.com
بصراحه تجبها اوتو احسن هتفرق معاك كتير والفرق مش كتير حوالي 7000 جنيه بدال طول مانت ماشي في الشارع عمال تجدف بلعربيه من الزحمه وتنقل من الاول للتاني او العكس الاوتو راحه ما بعدها راحه