الموضوع ده اتقال هنا كذا مرة واعتقد انه فاكس
لو اختراع بكل المميزات دي كان صناع السيارات عملوه من زمان
وفي انتظار باقي اراء الاعضاء
عرض للطباعة
الموضوع ده اتقال هنا كذا مرة واعتقد انه فاكس
لو اختراع بكل المميزات دي كان صناع السيارات عملوه من زمان
وفي انتظار باقي اراء الاعضاء
السلام عليكم
اللي انا فهمته علي قد فهمي ان الموضوع ان الواحد بيعمل زي حفرة او اخدود في طرف الاسطوانة, الاخدود ده بيساعد في عملية الحرق, و احد الدراسات بتقول انه بينزل حرارة العربية 20 درجة و بيوفر في البنزين
الموضوع سهل, حل وش الموتور, حتلاقي اسطوانتين جنب بعض, بالمبرد اعمل اخدود بينهم و شكرا
الموضوع قديم علي النت و بيقولوا انه بيساعد في حالة المواتير الصغيرة اكثر من الكبيرة و حتي الان مفيش حاجة موثقة عن الموضوع ده
انا اعتقد ان المنطق بيقول ان البنزين حينزل في الاخدود ده و ده ضد عملية الحرق الكاملة بس بيخلي كمية البنزين اللي داخلة الموتور اكبر مش اكثر.
علي العموم التجربة و الايام هما الدليل الوحيد علي فاعلية الموضوع ده
ارجو اني اكون وصلت الموضوع و اني اكون فهمت اصلا اساسا
متابع
مش عارف الكلام ده صح و غلط
بس انا مشايف اى علاقه ما بين عمل المشقبيه و توفير البنزين و الصوت و التبريد
سؤال بقى
الشركات
عاملت كده فى موديلات 2010 او 2011او 2012
لو عاملت كده هيبقى تمام اما لو معاملتش يبقى اكيد ملوش صحه من الاساس
و مع احترامى لصاحب الموضوع انتا لسه جديد معانا هنا فى المنتدى يعنى كلامك مش هيكون موثوق فى قووووى عذرا يا صديقى
والله يا جدعان انا عملتها والمكنة زى الفل ومفهاش اى مشكلة انا عديت 10 تلاف كيلو بيها والاداء بتاعها زى حلو اوى انا عاوز اخلى الناس تطبقها عشان نستفيد من المميزات بتاعتها وعشان ازمة البنزين الى بنعانى منها حاليا وبالنسبة للى بيسال على 10 لتر بيعملو 200 كيلووبعدين انا موتورى صغير 1200 دة فى حالة ان انت لو بتمشى مشى اقتصادى يعنى يبقى اخرك 80 كيلو او 70 لكن انا بقول لو انت بتجرى بسرعة النسبة دية بتقل طبعا وبقول للى كان بيسال لية شركات العربيات معملتهاش عندها للاسف حرد عليك واقولك ان شركات البترول مش عاوزة شركات العربيات تنتج عربية استهلاكها قليل عشان مبيعاتها تزيد ولو تلاحظ حتلاقى فى اختراعات كتير فى الطاقة النظيفة مطلعتش للنور
بالنسبة للصور انا ان شاء الله حنزلها
متابع
السلام عليكم جميعا الصور الى حطيت لنكتها دية انا رفعتها للشرح والتوضيح وفيها صور الموتور بتاعى الى عدلتة
خلونى الاول اشرح وبعدين تشوفو الصور لتاكيد الشرح.
اولا:بالنسبة لنوع الموتور:
مش شرط نوع الموتور اية اى كان بينفع على كل الانواع المهم ان يكون فية مساحة يتعمل فيها الشق فى الوش .
ثانيا : المقاسات: باختصار شديد ودون الدخول فى حسبات وتعقيدات ان الشق الى بيتعمل دة مش بيضعف من اى حاجة فى الموتور لكن كل الموضوع كانك عندك لوح خشب وبتعمل فية مجرى صغير اكيد دة مش حيكسر اللوح دة قصدى ان المجرى الصغير دة مش بيعمل حاجة فى الموتور ودة مرتبط بالمكان او المساحة الى بين الجوان بتاع وش السلندر والمكان الى جنب السوبابات وانت مربوط بالمساحة دية لو كبيرة او صغيرة يعنى
بالنسبة للمقاسات فى مقاس ثابت ومقاس حسب المساحة لو محتاج تكبر مفيش مشكلة
والمساحة دية بتكون بعمق 1 سم على طول المجرى وتكون موازية للبوجية اظبتها بالمسترة لو ميلة سنة مش مشكلة المهم تكون موازية للشمعة بالظبط وطول المجرى مرتبط بمساحة المكان بس اهم حاجة اوعى توسع لبعد الجوان حاول تبعد عنة بنص سم عشان تضمن الجوان مينفس بالنسبة للعرض لو زاد عن 1 سم مفيش مشكلة يعنى لو زادت 2او3 من عشرة مفيش مشكلة وبعدين بعد ما تخلص المجرى سنفرة بسنفرة حدادى لتنعيم المجرى .
سواء انت حتعملها بمنشار حدادى للتوسيع او مبرد حدادى مفيش مشكلة ولو عملتها عند خراط مفيش مشكلة بس حاول الاربع مجارى فى الاربع بساتم يبقو مقاستهام متساوية
وبكدة يبقى خلصت والف مبروك
ملحوظة للعربيات القديمة بعد ما تقفل اظبط هوا وكهربا تانى
منتظر الردود والى محتاج اى مساعدة يقولى