صني سوبر صالون 2011 للخبراء - تسعير وتقييم

السلام عليكم ورحمه الله
اسعار المستعمل فالسوق بقت مجنونه بشكل رهيب وانا بدور لقيت عربيه صني موديل 2011 سوبر صالون ممتازه عامله 23 الف كيلو فيها خدشين صغيرين وحاله العربيه ممتازه
سؤالي لاهل الخبره وارجو ماحدش يبخل علي
1- هل السوبر صالون منه فئات لاني قريت عن حاجه اسمها هاي لاين وازاي اعرف لو فيه فئات ؟
2-سعر العربيه ده يعمل كام فالطبيعي بعيدا عن سعر السوق الحالي لاني ممكن انتظر لحد السوق ما يعقل تاني هي مطلوب فيها 93 الف وهرخص ( بيقولي فيها فاتوره يعني تحط اسمك وترخص )
3- وده اهم سؤال هو ايه عيوب الصني 2011 ؟؟؟؟؟؟؟؟؟
وجزا الله كل من افاد بكل خير وفرج همه ووسع رزقه

صني مو2012 او 2013 (مش عارف بالظبط )زيرو ب 94 الف

العربية آخر سعر ليها زيرو 102 الف
وسوق المستعمل لموديل 2011 من 86 الى 90 الف حسب الحالة .

ماحدش عاوز يقول رايه تاني

اقتباس:

---

المشاركة الأصلية كتبت بواسطة mahmoud85

2-سعر العربيه ده يعمل كام فالطبيعي بعيدا عن سعر السوق الحالي لاني ممكن انتظر لحد السوق ما يعقل تاني هي مطلوب فيها 93 الف وهرخص ( بيقولي فيها فاتوره يعني تحط اسمك وترخص )

---

بصراحة مش فاهم النقطة دى وعاوزة توضيح وتفسير اضافة
اللى فهمته ان العربية ماشية اكتر من سنة وعاملة 23000 كم بدون ترخيص !!!
لو ده صحيح يبقى بناقص احسن حتى لو حالة زيرو وببلاش

هي معلقه نمر اولها ف بس انا بقا مش فاهم الفاتوره دي يعني ايه
طب والسعر ايه رايك فيه ؟

انا هحاول أفيد حضرتك فى كام حاجه من اللى سألت عليهم:-
- السوبر صالون اللى نزلت فى موديل ٢٠١١ متميزه و كانت إصدار خاص بمناسبه مرور خمس سنوات على تجميع الصنى فى مصر و لذلك هتلاقى فيها من أبرز الحاجات المميزه عن السوبر صالون الزجاج الفاميه و المثبت فى الرخصه و فوانيس رياضية كاربونيت و طبعا ده بيبقى ليه سعر
- بالنسبه لمشاكلها العربيه ما شاء الله ممتازه لكن يعيبها فقط ان الكنبه الخلفيه ضيقه فلو كان حد عندك بيقعد ورا و طويل ممكن الموضوع ده يتعبه.