رفايع رفايع ... عندي شوية مشاكل رفيعة
بسم الله الرحمن الرحيم
مساء الفل والياسمين علي أحلي أعضاء سهرانين ( بيت شعر عالسريع :ask: )
إبيزتي الحلوة فيها شوية مشاكل رفيعة كده .. الحمد لله الحوارات التخينة خلصت كلها ما عدا واحدة هيتم ذكرها في نهاية الموضوع .. الرفايع هسردها في نقاط ومعلش هما كتير شوية:grinder: :
1. فانوس الشبورة اليمين بيدخله مية مش عارف ازاي
2. كان في صوت صفارة كده في أول دوسة البنزين .. غيرت بلية شداد الدينامو وراح مده بس رجع تاني علي بسيط
3.الفريم المربع اللي فيه الكاسيت والتكييف فيه حتت كتير اتكسرت وبقي بيعمل دوشة فكنت عاوز أجيب واحد سليم و الحرفيين كلهم بيقولو لازم تشتري التابلوه علي بعضه وده حرااام يعني .. محدش يعرف بيتباع فين وعامله كلم ؟؟
4. لما أمشي علي أسفلت خشن أو ارض فيها طوب السقف بيزن بطريقة مزعجة جدا جدا زي ما يكون فيه زلط
5. لما العربية تتغسل بلاقي تسريب مياه علي الدواسة اللي جمب السائق .. تقريبا بتيجي من ورا درج التخزين .. برضو دي مش عارف علاجها
6.الفتيس زي ما يكون سايب يعني لما احركه وانا ممور بيكون مش ثابت خالص .. ومن عند الغيار التاني لما أزود بنزين بيترعش كده ويزن
7. كرسي السواق بيزيق مع أقل حركة .. واحد نصحني بإسبراي اسمه WD 40 .. بس هل برش علي مجري الكرسي بس ولا في خطوات تانية ؟؟
أما المشكلة التخينة (كان العضو المحترم misoalex حاول يحلها معايا)هي لما أحود شمال بالدركسيون بيطلع صوت تزييق وسيد عبده قالي مفيش حاجة وطبعا ده كلام مش منطقي بقيت حاسس ان مش عاوز يوجع دماغه .. برضو مش عارف سببه
بس يا شباب وأسف بشدة علي الإطالة
مستني مشاركاتكم