الموضوع: 100 جنيه تصليح كاوتش

هقولك ايه معلش
كان لازم تسأل الاول قبل التصليح
ولو انا كنت سبتله الفردة كلها وقلتله مبروك عليك الكاوتش كله ..

هههههههههههههه حصلت مع واحد صاحبي في بنزينه العجله نامت منه وبعدين لما جاب الاستبن لقاه نفس القصه العجله نايمه فدخل يصلحصها طلعله 10 اخرام والمفاجاه كانت العجله الاستبن اللي في العربيه بصراحه زعقت معاه في استبن بيتخرم 10 اخرام وهو اصلا جوه العربيه وممكن يكون من الركنه نامت منه المهم حقول لحضرتك القصه دي بتيجي ازاي الشخص اللي بيبقي معاه الحاجه اللي بيفك بيها بلف العربيه مسنونه جامد من الناحيه الاخري ويخلي حضرتك مشغول في اي حاجه وبسرعه يبدا يخرم الكاوتش وانت وحظك 9 10 11 خرم وانت نصيبك صاحبي دفع 120 جنيه زي الباشا ربنا علي المفتري كان المفروض دخل لمدير البنزينه واتخانق معاه و مكنش ساب حقه لان كدا بصراحه الكاوتش مينفعش تاني واستغلال و نصب عيني عينك لكن علشان معاه عيلته خاف ودفع الفلوس وحسبي الله في الناس دي وشكرا

انا قلت فلوس ولا ابهدل الناس اللي معايا ... كان نفسي اكون لوحدي .. يا رب صبرني

انا مش بتاع فلوس والله ولا بتفرق معايا لاكن بمزاجي مش خزوقه

المشاركة الأصلية كتبت بواسطة ashraf_ibrahim

ايوة انت شفت بعينك بس العجلة فعليا مش مخرومة !
العجلة بتتنفخ زيادة على ضغط عالي بيوسع المسام بتاعتها وبمية وصابون بتعمل فقاعات بيختار المكان اللي تكون كتيرة فيه ويقلك ادي خرم اهه ويعد يعد بقا وهو ورزقه !
تخليه يكشف على العجلة بالطريقة العادية يفكها ويكشف عليها وبعدين يفكها ويلحمها ويركبها تاني
انت تروح تعمل شكوى ضد بتاع الكاوتش دا في البنزينة عند مدير المحطة وتاخد فردة غيرها ودا حقك ولو مارتجعوش تفهمهم انك مش هتسكت وهتروح لجهاز حماية المستهلك وهتبهدل الدنيا
او انك تسكت وترتضي بالأمر الواقع وربنا يعوض عليك !

مش بنزينه دا في مكان مقطوع جنب الدائري ناحيه المريوطيه