محتارة ما بين سماعات كمبيوتر عاديه و السماعات الكبيرة أوى

**MaNoLa** · 04-12-2012 06:16 AM

عايزة أجيب سماعات كمبيوتر جديدة بس أهم عوامل عندى (البيز يكون قوى + الصوت نقى + عالى)

فشوفت الفتره الأخيره سماعات كتيرة جدا أشكال وألوان

بس إلى فهمته أن فيه

سماعات عاديه (صب ووفر و سماعاتين أو 4 صغيرين) و دا بيبتدى من 80 جنيه لحد فوق
و دة بيبقى شكله

سماعات كبيرة (بتاع ضخم كدة وفيه كذا فتحه) و دا بيبتدى من 180 جنيه لحد فوق
و دة بيبقى شكله

لو حد له خبره فى الحاجات دى يقولى أية الأفضل
و يا ريت يحدد الماركة بالظبط و أخر سعر شافة ليها أية

**eng.m7md.ali** · 04-12-2012 06:26 AM

الصبات دي بالذات متتجبش غير ماركة نضيفة زي كريتف مثلا عشان يعيش ويطلع انقى صوت

انزلي حضرتك كومبيومي في شارع الاهرام او اي مول كومبيوتر محترم وهاتي منه صب نضيف بس بلاش اللي في الصورة التانية ده لاني زفت

**koshary** · 04-12-2012 07:01 AM

بلالاش الصب الكبير ده صوته زبااله والصغير ده لو فضل شغال عالى لمدة ربع ساعة مثلا بيسخن ويبوظ فيه نوع اسمه mazoree و كريتيف وانواع تانية كويسة بس اهم حاجه يكون من مول كمبيوتر علشان بتبقى البضاعه بتبباع بسرعه ومفيش حاجه مركونة وحاجات كتير قدام وبلاش الاسترخاص يعنى لو نوع ب 120 مثلا 1200 وات ونفس الماركة ب 160 بس 2200 وات يبقا اللى ب 160 احسن وعلى حسب استخدامك بردو يعنى لو صب وسماعتين وهيشتغلو فى اوضة مثلا هيبقو تمام وهيطلعو بيز وتريبل حلوين وياسلام لو تحت مكتب مثلا يبقا الصوت فى الجون انما مثلا لو هيتحطو فى ريسبشن او ليفنج كبيرة يبقى لازم سماعات كبيرة ونوع حلو علشان لما الصوت يعلى يطلع بيز وتريبل حلوين ويستحسن يكون الصب فيه اوبشنات كتير مش بيز وتريبل واون واوف بس .... ده ملخص تجربتى مع 3 صبات اشتريتهم واخيرا جالى صب من السعودية واستقريت عليه

**S O P H O S** · 04-12-2012 07:21 AM

بلاش دولا اشتري كريتف من مكان موثوق فيه افضل
والله اعلم ..

**dede_dodo88** · 04-12-2012 07:50 AM

Logitech طبعاً..

في الموديل ده أو في حاجات تانية أرخص..
Logitech Z506 5.1 Subwoofer Speaker - e3050 Egypt

**ابو لؤى** · 04-12-2012 02:40 PM

بصى بلاش الكبير اوى ده شكل بس انما صوته معفن انا عندى كريتيف 5*1 صوته مش عالى جدااااا بس حلو مظبوط للبيت وفى نوع تانى فانتوم تقريبا بيقولو حلو جداا

**Mohab.Nabil** · 04-12-2012 08:06 PM

creative

صوته حلو جدا و معقول جدا جدا للبيت

**hazoom2006** · 04-12-2012 09:01 PM

انتى عايزة حاجة فى حدود كام وعايزه سماعتين وصب ولا 4.1 ولا اية ؟

**aw2100** · 04-12-2012 09:40 PM

انا اشتريت كرييتف 5.1 m4500 من كارفور الأسكندرية صوت ممتاز وبيز معقول وفية a 520 صوتها اقوى اما اقوى بيز الموديل t6160 انصحك تبعدى عن mazoree بتتحرق بسرعة وخصوصا لو انت من هواة الصوت الجبار كرييتف معمرة بس خلى بالك اشترى الأصلى فية مضروب كتيير ودة موقع بيوضح صورة وامكانيات كل نو ع منهم ومبروك مقدما!!!
Creative :: Brands :: nefsak.com