محتاج خبرتكم فى تعديل هيدرز نوبيرا

**ggaamm** · 04-12-2012 01:51 PM

السلام عليكم ورحمة الله وبركاته

لو سمحتوا كنت عاوز خبرتكم فى تعديل الهيدرز بالعلب بكله

العربية نوبيرا 2009

هل دلوقتى لازم اركب ديفل ولا ممكن على العلبة الأصلية ؟؟
هل هشيل علبة البيئة ولا هتتغير ولا هتفضل زى ماهى ؟؟

ادونى اى معلومات وياريت مكان اجيب منه الهيدرز الرياضى ويكون خامات نضيفة

وشكراً مقدماً للجميع

**ahmedeihab** · 04-12-2012 02:00 PM

نصيحه اخويه الهيدر العموله ولا ليه اى تلاتين لزمه

و هيموت العربيه

خليك فى هيدر العربيه الاصلى و شيل كل العلب اللى فى النص و علبه سايلنت سبور فى الاخر و شكرا على كده

انا و الله رامى الهيدر بتاعى فى البيت ولا بعمل بيه اى حاجه و ماشى بالاصلى

فرق السما و الارض

الهيدر الاصلى العربيه صاحيه تحت و فوق

الهيدر العموله العربيه صاحيه تحت و ميته فوق جداااااااااا

^_^

**ggaamm** · 04-12-2012 02:20 PM

المشاركة الأصلية كتبت بواسطة ahmedeihab

نصيحه اخويه الهيدر العموله ولا ليه اى تلاتين لزمه

و هيموت العربيه

خليك فى هيدر العربيه الاصلى و شيل كل العلب اللى فى النص و علبه سايلنت سبور فى الاخر و شكرا على كده

انا و الله رامى الهيدر بتاعى فى البيت ولا بعمل بيه اى حاجه و ماشى بالاصلى

فرق السما و الارض

الهيدر الاصلى العربيه صاحيه تحت و فوق

الهيدر العموله العربيه صاحيه تحت و ميته فوق جداااااااااا

^_^

اممممممممممم معقولة ؟؟
ده كل الناس بتقول بيفرق فى الآداء
بالذات تعديل الهيدرز من الأول عند الموتور
طيب يمكن عشان عمولة اتعمل بطريقة مش صح مثلاً ؟؟

طيب هو كلف كام معاك ؟؟

على العموم انا مش عاوز صوت انا عاوز أداء لأن أصلاً النوبيرا صوت الشكمان بتاعها عالى فحت ، ده انا عاوز اكتمه فمش عاوز اشيل علبة البيئة ولا ناوى اركب ديفل :)

شكراً ياباشا لنصيحتك ومرورك ومنتظر باقى الآراء قبل ما اقرر

وتقبل تحياتى

**ahmedeihab** · 04-12-2012 02:29 PM

المشاركة الأصلية كتبت بواسطة ggaamm

اممممممممممم معقولة ؟؟
ده كل الناس بتقول بيفرق فى الآداء
بالذات تعديل الهيدرز من الأول عند الموتور
طيب يمكن عشان عمولة اتعمل بطريقة مش صح مثلاً ؟؟

طيب هو كلف كام معاك ؟؟

على العموم انا مش عاوز صوت انا عاوز أداء لأن أصلاً النوبيرا صوت الشكمان بتاعها عالى فحت ، ده انا عاوز اكتمه فمش عاوز اشيل علبة البيئة ولا ناوى اركب ديفل :)

شكراً ياباشا لنصيحتك ومرورك ومنتظر باقى الآراء قبل ما اقرر

وتقبل تحياتى

باشا العموله معمول بطريقه صح جدااااا جداااا جدااااااا و كنت بشرف عليه و هو بيتعمل و كان معايا صوره للهيدر الاصلى

و قلتله لو مطلعش زى ده مش هدفع فلوس

و فعلا الراجل طلعه زيه بالظبط معرفش بقا العيب فى الخامه ولا العيب فى ايه

ما انا معلش مش هروح اشترى هيدر سبور اصلى بتاع العربيه ب 3000 جنيه

حرام عليا

و التكلفه كانت 600 جنيه و مش بيدفع فى العموله اكتر من كده

لو عايز اداء يبقى مفيش اى حاجه تعوق اتجاه سير العادم

يعنى كل العلب تتشال عدا السوسته

و لازم علبه سبور سايلنت ( يعنى بدون صوت )

علشان تظبط الدنيا

صدقنى يا باشا لو هتعمل عموله هتندم و هترمى فلوسك فى الارض

لو معاك تمن الهيدر الاسبور الاصلى بتاع النوبيرا روح هاته

لكن انك تعمل عموله دى شلها من دماغك نهائى

^_^

**smsm_nabawy** · 04-12-2012 04:01 PM

مش اي حد يعمل هيدرز عمولة

كلهم هنا أغبية بيوسعوا وبس
الهيدرز الصح لما بيتوصع بيتعمل مسارات و لفات الأنابيب بطريقة معينة كده علشان يحافظ على أفضل أداء و في معظم الأحوال يمنع الباك بريشير أنه يزيد أو الدوامات أنها تتكون

الكهم يا تجيبه أستيراد أو ماركة .. يا تعمله عند حد موثوق فيه و متجرب قبل كده !! و لو أن دلوقتي في الحرفين ناس كتير ماشاء الله عليها و أكثر من واحد مجرب يعدل هيدرز عند كذا واحد و كله مبسوط بالنتيجة
أسأل يوكو !! "محمد النكلاوي" عدل أكزوزت العربية بتاعته بالكامل عند واحد بيفهم .. مش أي كلام .. و الموضوع طالع زي الفل .. ماشاء الله

العلب "أوعى تشيل علبة البيئة" !! ولو شيلتها ركب واحدة أوسع أو علبة بيئة رياضية و دش مش حتلاقيها غير عند حد بتاع تعديلات نظيف ممكن زي TPS أو سبشيال أوردر ...

طبعاً حتشيل العلب الأصلية ... و عايز تركب علب أوسع ماشي.. بس لضمان أحسن أداء.. شيل العلبة الي في النصف خاالص.. و متركبش أوسع ولا أضيق

و العلبة الأخيرة .. ممكن تحط علبة عادية واسعة !! "واسعة يعني القطر بتاع ال inlet بتاعها واسع و القطر الداخلي بتاعها واسع و يتحمل التعديل مش يكتمهولك" !! و دي بتكون مثلاً زي علب العربيات الي نازلة تربو "زي الجيتا و اللينا و الحاجات دي !!
تفيدك أوي !!

طبعاً المواسير كلها حتتوسع :))

وسع ربع أنش كفاية !!

عايز مظهر سبور "بس في المقابل الصوت حيبقى عالي" حتركب علبة كتم صوت ريياضية .. بدل العلب العادية

العلب العادية حتققلك الاداء سنه طبعاً حتى لو جبتها واسعة .. لأنها حتكتم السريان بتاع العادم علشان تقلل الزبزبات بتاعته و كذلك صوته !!

ركب علبة رياضية "جازما أو HKS و أشمعنى دول بالذات ؟؟

لأن دول بأمانة أنظف حاجتين موجودين في السوق المصري.. الباقي كله مضرووووووووووب .. ألا الأستيراد :(

خد في عين الأعتبار .. أن لو ركبت علبة كبيرة عن اللزوم حتقلب معاك بالضد !! و حتقلل الأداء لأنها حتزود ممانعة خروج الهواء بتاع العادم !!

و أحنا معاك !! واحدة واحدة !! و أن شاء الله تلاقي حد كويس بتاع هيدرز علشان تعمله كويس !!

**ggaamm** · 05-12-2012 05:11 PM

المشاركة الأصلية كتبت بواسطة ahmedeihab

باشا العموله معمول بطريقه صح جدااااا جداااا جدااااااا و كنت بشرف عليه و هو بيتعمل و كان معايا صوره للهيدر الاصلى

و قلتله لو مطلعش زى ده مش هدفع فلوس

و فعلا الراجل طلعه زيه بالظبط معرفش بقا العيب فى الخامه ولا العيب فى ايه

ما انا معلش مش هروح اشترى هيدر سبور اصلى بتاع العربيه ب 3000 جنيه

حرام عليا

و التكلفه كانت 600 جنيه و مش بيدفع فى العموله اكتر من كده

لو عايز اداء يبقى مفيش اى حاجه تعوق اتجاه سير العادم

يعنى كل العلب تتشال عدا السوسته

و لازم علبه سبور سايلنت ( يعنى بدون صوت )

علشان تظبط الدنيا

صدقنى يا باشا لو هتعمل عموله هتندم و هترمى فلوسك فى الارض

لو معاك تمن الهيدر الاسبور الاصلى بتاع النوبيرا روح هاته

لكن انك تعمل عموله دى شلها من دماغك نهائى

^_^

امممممممم انا فعلاً بفكر اجيبه جاهز المهم مايكونش ب3000
ههههههههههههههههه

يعنى لو لغاية 2000 جنيه ماشى انا معنديش مانع لأن بصراحة صوت العربية اساساً خانقنى جداً عالى بغباء لما بسافر ولا لما أشد ، تحس ان العربية جايبة 6 عالأر بى أم مع انى بكون لسه على ال3 :d

شكراً مرة تانى ياحج على الإهتمام والمساعدة

**smsm_nabawy** · 05-12-2012 11:07 PM

أنا آسف لو طولت عليك ... و أنا تحت أمرك في أي وقت مفيش تعب ولا حاجة

المفروض تعمله
1-هيدرز عمولة من حد نظيف او مستورد
2-شيل علبة الي في النصف و الأخيرة
3-وسع قطر الأنابيب كلها ربع أنش
4-تحط علبة ديفيل في الآخر بس و تكون علبة أصلية و نظيفة
5-لو الصوت كان عالي بالنسبة ليك حتحط علبة أسمها "صد رد" و دي بتحل محل العلبة الي في النصف.. :) بتكتم الصوت شوية و تخنف العربية سنه ... بس مش بالدرجة الملحوظة

في حاجة سقطها أو عايز تسأل فيها أكثر ؟؟