الموضوع: عاوز أعرف معلومات عن نظام التربتك

اولا لازم يكون ليك اقامه بره يا زعيم
ثانيا التربتيك بيكون لمدة ٦ شهور بس
و بعدين يا تتطلع بيها بره البلد و ترجع تاني او بتتخزن في مخازن الجمارك ٦ شهور تانيه

اما بالنسبه للاسعار مفش فاكر بصراحه
غير ان العربيات اللي اكتر من 2000 سي سي بيدفع لها حوالي 3000-4500 جنيه تقريبا

المشاركة الأصلية كتبت بواسطة wasta

ههههههههههههههه فعلا القر هنا إييييييييه على ودنه

هههههههههههههههه

ربنا يسترها علينا وعليه

الغربة ليها تمنها وديه ابسط حاجه ممكن تتمتع بيها فى غربتك فى بلد زى السعودية
كل يوم والتانى بيخترعوا فى اساليب علشان يمصوا دم المغتربين ويمشوهم من بلدهم
لإنهم أولى بيها
واللى بيفهم بجد عمره ما هيبص لعربية جمرك
بس كل الحكاية الواحد بيقارن بين اللى بيحصل فى بلد وبلد تانية مجاورة لينا
السيارة جمرك نويبع ولا سفاجا أو غيره أنا بعتبرها مش ملك صاحبها بعتبره كإنه مأجرها فقط ولما يخلص عقده هناك هيرميها بتراب الفلوس هناك مضطراً
فى عام 81 والدى اشترى عربية مازدا موديل 81 هاتش باك كبيرة جدا بحوالى 8000 ريال وكانت حالتها زيرو صاحبها استخدمها شهور وباعها بنص تمنها
وماشاء الله فضلت معاه 4 سنوات متحطش فيها مسمار
ولما خلصوا تعاقدهم باعها بحالتها بـ 3000 ريال وكانت لسه بحالتها
أيامها الريال كان بحوالى 20 قرشاً

بالنسبة لموضوع التريبتك انا شايف انه مش عملى ومكلف وزى اللعب بالبيضه والحجر
مش معقولة هدفع كل 6 شهور 3 آلاف
واسافر بيها آلاف الكليومترات وابدلها بواحده تانى
ياعنى تضييع وقت وفلوس لمجرد ركوب عربية فخمه بسعر قليل
ربنا يباركلنا فى عربيتنا فى مصر وخلاص مهما كانت
وعلى رأى المثل حمارتك العارجه
أنا شايف ان الصح لواحد مغترب فى الخليج لو الماديات متوفرة اشترى عربية أوروبيه زيرو وبعد 5 سنوات تدخل مصر بجمارك مخفضة وتبقى ملكك