هل تتوقع العربيه الكهربا إلى أسمها برايفت هتنزل مصر ولا لأ ؟ و سعرها هيكون كام ؟

شوفت أعلان عربيه من فتره كدة عجبتنى أوى فكرتها و هيا بالكهربا بـ 220 فولت , و بيقولوا بتسحب مش عارفة 12 كيلو واط يتهئ لى حاجة زى كدة فى الشحن و مش عارفة معنى الكلام دة كله

لكن خلينا فى إلى أنا فاهماه لحد دلوقتى
العربيه دى فيها منها كابورليه و ببابين بس
و فيه منها بأربع أبواب

الفكرة فى حد ذاتها كويسة بس مش عارفة لو دخلت هيتحسب الجمارك بتاعتها فى مصر أزاى
لأن فيه دول كتيرة أوى بتعمل تخفيضات على العربيات الكهربا حاليا عشان تعتمد على الطاقة النظيفة
و كمان هتحل مشاكل كتيرة أوى فى المرور لأنها صغيرة جدا و هتبقى جميلة جوة المدن

و دة موقع الشركة الأجنبى
Private Motor

و دة الجروب بتاعها و بيأكدوا أنها لسه مدخلتش مصر
Private smart car | Facebook


تتوقعوا هتنزل مصر ولا لأ ؟
و لو نزلت هيبقى سعرها كام ؟

معتقدش عشان شركات البترول هتموتها قبل ماتنزل وهتلاقي سعرها هلامي

ايه الأحلام الوردية ديه ... الكهرباء غليت يافندم
سيبونا فى الوكسه اللى احنا فيها
كل نهضة وانتوا طيبين

اقتباس:

---

المشاركة الأصلية كتبت بواسطة shaddadfalcon1

معتقدش عشان شركات البترول هتموتها قبل ماتنزل وهتلاقي سعرها هلامي

---

تصدق مجاش فى دماغى برضة الموضوع دة
كدة مفيش عربيات كهربا هتنزل مصر الحمد لله :ask:
خلينا فى البنزين لحد ما يخلص من عندنا و فى الأخر نركب كارو

اقتباس:

---

المشاركة الأصلية كتبت بواسطة Elawany13

ايه الأحلام الوردية ديه ... الكهرباء غليت يافندم
سيبونا فى الوكسه اللى احنا فيها
كل نهضة وانتوا طيبين

---

و أنت بالصحة و السلامة :satelite:
و الحمد لله طائر النهضه مستمر فى أنتاج البيض

لا اعتقد انها هتكون عملية و احنا طبيعى شعب مهمل..... فجأة تلاقى اللى قدامك عربيته عمالة تقطع ووقفت و لان الشارع اتجاه واحد هيوقف و يوقف الشارع معاه.... ايه يا عم الحكاية؟ تلاقيه يستعبط ويفولك اصلى نسيت احط العربية فى الشحن :grinder:..... طب يا عم هى مش المفروض لو الشحن خلص تشتغل بنزين..... يفرسك اكتر و يقولك اصلى نسيت احط بنزين :grinder: :grinder:...... و خد عندك من ده كتير لحد ما الواحد يبقى عايز ي :crashcomputer4: هو و عربيته

شحن كهربا !! استغفر الله العظيم

ياجماعة الله يباركلكم كفاية "شحن" بقي العملية مش ناقصة

في الاردن هنا في عربيات كتير جدا هايبرد.. يعني هجينه
بتشتغل بنوعين طاقه مختلفين..
العربيات دي هنا بتشتغل ببطارية ذاتيه الشحن لحد سرعة 80..بعد ال80 بتتحول اوتوماتك عالبنزين...
طبعا كل الشركات او اغابها منزله عربيات هايبرد وانتشرت هنا جامد بسبب غلو البنزين جدا...
والدوله حفعلا بتعمل تخفيض على جماركها في مقابل انك تشطب عربية قديمه اكتر من 10 سنين..
يعيبها حاجة واحده فقط...
لو البطاريه خربت (عمرها 5 سنين في المتوسط) تمنها غالي جدا والعربية هتقف و مينفعش تبقى بنزين بس..
تمن البطارية يتراوح من 3 الى5آلاف دينار اردني ما يقرب من 24-40 ألف جنيه مصري..
تحياتي

Sent from my SE Arc S using Forum Runner

عقبال ما النظام ده يبقى عندنا بعد 200 سنة ان شاء الله :-)

اقتباس:

---

المشاركة الأصلية كتبت بواسطة dr.hazem

في الاردن هنا في عربيات كتير جدا هايبرد.. يعني هجينه
بتشتغل بنوعين طاقه مختلفين..
العربيات دي هنا بتشتغل ببطارية ذاتيه الشحن لحد سرعة 80..بعد ال80 بتتحول اوتوماتك عالبنزين...
طبعا كل الشركات او اغابها منزله عربيات هايبرد وانتشرت هنا جامد بسبب غلو البنزين جدا...
والدوله حفعلا بتعمل تخفيض على جماركها في مقابل انك تشطب عربية قديمه اكتر من 10 سنين..
يعيبها حاجة واحده فقط...
لو البطاريه خربت (عمرها 5 سنين في المتوسط) تمنها غالي جدا والعربية هتقف و مينفعش تبقى بنزين بس..
تمن البطارية يتراوح من 3 الى5آلاف دينار اردني ما يقرب من 24-40 ألف جنيه مصري..
تحياتي

sent from my se arc s using forum runner

---

ياساتر يارب 40 ألف جنيه بطارية ؟؟
وياعنى ايه ذاتيه الشحن ؟؟
بتتشحن من الدينامو ؟؟

العربيات الكهربا لسه في بداية تطويرها وادامها مشوار طويل
مش عملية للاسف
بس اكيد يوم ما الحكومة هتنزلها هتحسب عليها جمارك زيها زي اللي ببنزين
لان الكهرباء عليها دعم هي التانية فالدولة مش هتستفاد كتير

اقتباس:

---

المشاركة الأصلية كتبت بواسطة Elawany13

ياساتر يارب 40 ألف جنيه بطارية ؟؟
وياعنى ايه ذاتيه الشحن ؟؟
بتتشحن من الدينامو ؟؟

---

بتتشحن بانفيرتر راكب عالعجلات فهيا بتحرك العربية اللي بدورها بتشحنها...
وحاليا طلع بعض الأشخاص اللي بيصلحوها بتكلفه اقل...
واكبر فايده موجودة في العربيات الكبيره زي الاسكاليد والتاهو لان اكيد لو اتعبو بنزين بسعر اللتر الحالي هتبقى البطارية في متوسط 5 سنين هتبقى ارخص...
تحياتي

Sent from my SE Arc S using Forum Runner

اظن التويوتا البريوس hybrid و توكيل تويوتا نزلها هنا و مرة شفتها فى مدينة نصر بس مرة واحدة بس و سعرها حوالى 250 الف اظن .. عموما العربيات الـ hybrid اصلا اغلى من العربيات البنزين العادى فلو نزلت مصر حتى لو جمارك اقل هتبقى تمنها تقريبا زى البنزين ان مكانش اعلى عشان هى اصلا غالية

لو هيكل عربية صغيره ماروتي مثلا او حتي زستافا وماتور كهربا 15 حصان علي كام بطارية 70 امبير في الشنطة و مولد كهربا بالبنزين ,,,,يعملوا احلي شغل

فيه شيفروليه فولت

2013 Chevy Volt | Electric Car | Chevrolet

وفيه ستروين هايبرد وفيه عربيات تانيه نزل منها هايبرد برضه اللي هيا فيها موتور كهربا للسرعات المنخفضه وموتور بنزين للسرعات العاليه.

الكهربا اصلا حرام

المشكلة ليست في السيارة الكهربا ولكن في كهربة السيارة

يعني السيارة الكهربائية موجودة لكن مش هتنفع في مصر لأن عندنا أزمة كهربا

وأزمة الكهربا ناتجة من أزمة وقود

والحل الوحيد الذي ليس له بديل هو إنشاء محطات نووية والتي يستغرق بنائها حوالي عشر سنوات

يعني لو بدأنا اليوم ممكن بعد عشر سنوات نبتدي نفكر في السيارات الكهربائية

مش عارف موقف مشروع النهضة من هذا الأمر إيه ؟؟
ربنا يستر

-

يجماعة مصر Excluded من الأفكار المبهجة دي ...

الإتجاة دلوقتي لتعديل الساوند سيستم للتوكتوك ... شباب المطرية مش عاجبهم عمق البيز ...
.

العربيات دي في ناس بتحربها برا
اومال فمصر هيحصل ايه !

هو حد لاقي كهربا يا سيد الناس