فكرو معايا فى حل ... علشان انا غلبت مع والدى .....

دلوقتى انا معايا هيونداى اكسيل 1.5 وطبعا العربيه بأسم والدى لانها كانت معايا من سنتين وانا مش مطلع الرخصه غير من قريب وضاعت وطلعت واحده غيرها وفكرت اغيرالعربية من 3 شهور وعاوز اجيب هوندا sir ووالدى معندوش مانع انى اغير العربيه وقالى هات العربيه اللى تعجبك بس تكون موديل حديث واشترط عليا انها تكون موديل فوق 2005 واقترح عليا تويوتا ( ياريس ) بتاعت واحد صاحبه وكان هيجيبهالى وانا رفضت لانى عارف انه لو جابهالى انا مش هركب هوندا نهائى وحاليا انا تعبت معاه فى المناقشات وهو سأل على الهوندا sir والناس قالتله بلاش لمحمد وخصوصا انى بحب الجرى والحرق على الطرق السريعة وكل ما اكلمة يقولى ماتفتحش معايا سيرة الهوندا وهو حاليا واخد العربيه منى مسافر الغردقه رايح يشترى عربيه بيجو 406 موديل 2010 ليه هو وانا قاعد من غير عربية قولولى اقنعة ازاى انا زهقت بصراحه وركبت عربيات كتير ومفيش حاجه مقتنع بيها غير الهوندا مش علشان هى بتجرى وموتورها حلو لا هى راحة نفسية مش اكتر ... ياريت حد يشوفلى حل

صلي استحارة يا محمد علي الهوندا وفاتح والدك ..... لو نصيبك يبقي ربنا هاييسرهالك :d

ااااااااه يا كوشري
انا كنت زيك كده قبل عشرة خمسطاشر سنة .... بس لقيت حل وحيد لهذه المشكلة. ... هو مش الحج هيجيب عربية بيجو ٤٠٦. بص ياسيدي هتعمل ايه .... اول مايجبها. اعمل نفسك مهتم بعربيتوا وكل شوية اغسلهالوا غسلة تمام .... وكل شوية هغيرلها زيت. هروح بيها اشيك على مقاس ضغط الهوى هروح اكنس العربية من جوا كده يعني .... المهم انك تعمل نسخة على مفتاح عربية الحج زي ما عملت انا .... وكل يوم والتاني كنت بنط على عربيت الحج ... لدرجة الحج زهق مني. وكنت اخليه يروح الشغل مواصلات. ولمن يرجع من الشغل كان بيبهدلني عادي. يجيب خرزانة ويمدني على رجلي عاااااااااااادي رجلي اتعودت وهكزا. لغايت مايعني. بقة يكلم نفسوا. .... وجه في يوم من الايام قالي يا ابني يا حبيبي شاورلي على اي عربية في السوق وانا اشتريهالك بس اعتق عررررررررربيتي لوجه الله ههههههههه

انا ابني دلوقتي بقه يعمل نفس الطريقة دي معايا بس على مين ده ابوووه صايع ههههه. ... بقيت اقولوا لا يابابا. عاوز تغسلها اغسلها من برة مليكش دعوة بالمفاتيح خالص ولا بالصالون انا هبقى انضفها بنفسي ... يقوم يقلي طب علشان خاطري بس اقعد ورى الدريكسيون. والنبي يا بابا والنبي يا بابا فاقوم فتحلو عربيت اموا ههههههه دعبس فيها براحتك بس عربيتي لأ يعني لأ .

للاسف معرفش اعمل كدا ياميدو انا لما دماغى بتتعلق بحاجه خلاص قال يعنى البيجو قطع غيارها اققل من الهوندا لا و 2010 كمان انا هموت من الغيظ

اقتباس:

---

المشاركة الأصلية كتبت بواسطة sonasteel

صلي استحارة يا محمد علي الهوندا وفاتح والدك ..... لو نصيبك يبقي ربنا هاييسرهالك :d

---

بأذن الله ياسحس شكرا على مرورك الطيب

مش عارف بس أنا عن نفسي هاحوش وأجيب اللي على مزاجي
حضرتك بتشتغل ولا طالب؟

اقتباس:

---

المشاركة الأصلية كتبت بواسطة Khaled Online

مش عارف بس أنا عن نفسي هاحوش وأجيب اللي على مزاجي
حضرتك بتشتغل ولا طالب؟

---

لسه بدرس

اركب الموجود وقول
الحمــــــــــــــــــد لله

مش انت بتجري يبقى عندو حق

اقتباس:

---

المشاركة الأصلية كتبت بواسطة koshary

لسه بدرس

---

طيب خلينا نقسم البلد نصين
والدك مش موافق بالهوندا وانت مش عايز غيرها
شوف حاجة تانية تريحك وترضي الوالد
فيه أكتر من 10 ماركات و100 آاات الموديلات أكيد هتلاقي حاجة تعجبك

على فكرة فيه حاجات بتحصل الواحد بيبقى مضايق منها فى وقتها و بيبقى مش عارف ليه و فى الاخر بتبقى حكمة ربنا انها رحمة من عنده

انت بتقول بنفسك انك بتجرى و بتشد يعنى لما تجيب عربية زى ديه ممكن لا قدر الله يحصلك حادثة و تبقى سبب فى تعاستك

اكيد فيه عربيات كتير تانية حلوة

و صدقنى و الله عن تجربة لما حاجة تلاقيها مقفلة كده متقعدش تحاول فيها لأنها ممكن تكون سبب حزن مش سعادة

لا وهو انا زعلان منك بقه ياراجل اليارس ووحشة
ده الناس بتشتريها بالاسم .... انا ليا عندك حق عرب هههه :)

عموما لو البيجو مافيش 406 2010
بس عسى ان تكرهوا شيئا وهو خيرا لكم
بمعنى انك لاقدر ممكن تجيب الهوندا وماتلحقش تتهنى بيها لاى سبب من الاسباب
زى ماحصل معايا قبل كدة
فاحاول تقسم البلد نصين منها انك تكون جايب عربية راضياك وراضية الوالد
علشان ماتبقاش نفسيتك تعبانة منها ولا هو قلقان عليك وانتا راكبها
وعلى فكرة ال406 جراية جدا

اقتباس:

---

المشاركة الأصلية كتبت بواسطة nab!l

اركب الموجود وقول
الحمــــــــــــــــــد لله

---

الحمد لله على كل حال بس هو معندوش مانع للتغيير بس انا اللى دماغى قفل شوية

اقتباس:

---

المشاركة الأصلية كتبت بواسطة mohammadrashee

مش انت بتجري يبقى عندو حق

---

فى جرى عن جرى يفرق لما تجرى وتخاف على اللى بيجرى معاك وفى فرق لما تجرى لوحدك وانا بحب اجرى لوحدى ومش ببص لحد جنبى حتى لو راكب طيارة

اقتباس:

---

المشاركة الأصلية كتبت بواسطة Khaled Online

طيب خلينا نقسم البلد نصين
والدك مش موافق بالهوندا وانت مش عايز غيرها
شوف حاجة تانية تريحك وترضي الوالد
فيه أكتر من 10 ماركات و100 آاات الموديلات أكيد هتلاقي حاجة تعجبك

---

بففكر كتير وكل ماشوف هوندا فى الشارع وخصوصا ان قدام شباك الاوضة بتاعتى 2 سيفيك بيركنو وياسلام لما تصحى على صوت مثلا ال si وهى بتسخن او حتى موتوسيكل هوندا معدى فى الشارع ليه نغمه صوت مميزة جدا

اقتباس:

---

المشاركة الأصلية كتبت بواسطة Mohab.Nabil

على فكرة فيه حاجات بتحصل الواحد بيبقى مضايق منها فى وقتها و بيبقى مش عارف ليه و فى الاخر بتبقى حكمة ربنا انها رحمة من عنده

انت بتقول بنفسك انك بتجرى و بتشد يعنى لما تجيب عربية زى ديه ممكن لا قدر الله يحصلك حادثة و تبقى سبب فى تعاستك

اكيد فيه عربيات كتير تانية حلوة

و صدقنى و الله عن تجربة لما حاجة تلاقيها مقفلة كده متقعدش تحاول فيها لأنها ممكن تكون سبب حزن مش سعادة

---

الكلام ده محتاج تفكير كتيييير شكرا بجد للمشاركه دى

اقتباس:

---

المشاركة الأصلية كتبت بواسطة Y a r i s

لا وهو انا زعلان منك بقه ياراجل اليارس ووحشة
ده الناس بتشتريها بالاسم .... انا ليا عندك حق عرب هههه :)

---

حقك محفوظ يازعيم بس انا مقولتش ان الياريس وحشه ههههه

اقتباس:

---

المشاركة الأصلية كتبت بواسطة omar-saad

عموما لو البيجو مافيش 406 2010
بس عسى ان تكرهوا شيئا وهو خيرا لكم
بمعنى انك لاقدر ممكن تجيب الهوندا وماتلحقش تتهنى بيها لاى سبب من الاسباب
زى ماحصل معايا قبل كدة
فاحاول تقسم البلد نصين منها انك تكون جايب عربية راضياك وراضية الوالد
علشان ماتبقاش نفسيتك تعبانة منها ولا هو قلقان عليك وانتا راكبها
وعلى فكرة ال406 جراية جدا

---

انا كلمته دلوقتى وقالى انها 407 موديل 2009 وهو كان فاكرها 2010 وربنا يسهل ويجيبها ويمكن اغير رأئى مع انى عارف دماغى مش هتروح يمين ولا شمال وربنا يسترها والايام دى تعدى على خير

اقتباس:

---

المشاركة الأصلية كتبت بواسطة koshary

بففكر كتير وكل ماشوف هوندا فى الشارع وخصوصا ان قدام شباك الاوضة بتاعتى 2 سيفيك بيركنو وياسلام لما تصحى على صوت مثلا ال si وهى بتسخن او حتى موتوسيكل هوندا معدى فى الشارع ليه نغمه صوت مميزة جدا

---

في دي مقدرش أجادلك هههههه أخوك كان راكب cbr400 سنة والrpm لما يعلى حاجة بسيطة قلبي كان بيرفرف معاه هههههههههههههه

اقتباس:

---

المشاركة الأصلية كتبت بواسطة Khaled Online

في دي مقدرش أجادلك هههههه أخوك كان راكب cbr400 سنة والrpm لما يعلى حاجة بسيطة قلبي كان بيرفرف معاه هههههههههههههه

---

من ضمن الحاجات الاساسية اللى مخليانى عاوز الهوندا vtech sound بجد صوته خررافه احساس فظيع

هوندا ابدعت صراااحه وصوت الهوندا ميختلفش عليه اتنين بصراحه

من طبيعة الانسان انه لما يبقى نفسه فى حاجه يبقى هايموت عليها وبتبقى اهميتها وقيمتها عنده عاليه جداً جداً وأول ما بيمتلكها بيبقى هايطير من الفرح والدنيا مش سايعاه انما بمرور الوقت بتبدأ اهميتها تقل شيئا فشيئا (شفت فشيئاً دي هههه)
راجع كده شريط الذكريات وأول موبيل اشتريته وأول عربية جبتها وأول لابتوب و و و ......
ان شاء الله مسيرك هاتجيبها سواء بفلوس والدك او بفلوسك .. فماتخليش صربعتك على العربية دي بالذات تضايق والدك منك ويبقى مش راضي عنك .. لإن لذة العربية الجديدة هاتروح انما والدك مش هاينسى انك عارضته ونفذت اللى فى دماغك

اقتباس:

---

المشاركة الأصلية كتبت بواسطة koshary

من ضمن الحاجات الاساسية اللى مخليانى عاوز الهوندا vtech sound بجد صوته خررافه احساس فظيع

هوندا ابدعت صراااحه وصوت الهوندا ميختلفش عليه اتنين بصراحه

---

في أنهي موديلات ال V-Tech ؟

هى 2000 سى سى ؟؟

اقتباس:

---

المشاركة الأصلية كتبت بواسطة Khaled Online

في أنهي موديلات ال V-Tech ؟

---

على حسب كود الموتور بس اللى اعرفه ان ال sir الجيل الاول 160 حصان والجيل التانى 170

وده موضوع سمسم كان عامله لمواتير الهوندا بجد مجهود هايل

http://www.nilemotors.net/Nile/189865-a.html

اقتباس:

---

المشاركة الأصلية كتبت بواسطة matrix_it

هى 2000 سى سى ؟؟

---

لا 1600 170 حصان 2 كامة

اقتباس:

---

المشاركة الأصلية كتبت بواسطة koshary

على حسب كود الموتور بس اللى اعرفه ان ال sir الجيل الاول 160 حصان والجيل التانى 170

وده موضوع سمسم كان عامله لمواتير الهوندا بجد مجهود هايل

http://www.nilemotors.net/nile/189865-a.html

---

شكرا جزيلا. الموضوع ده هحوشه لبكرة أمزمز فيه براحتي :)

لا انا مش داخل ارد انا داخل اسلم عليك يا باشا
وحشنا والله فالقسم
وعلي فكرة الياريس مش بطة لا بتجري بس عمرها ما هتكون فثبات الهوندا
وربنا يوفقك للخير فيهم وتكون مرتاح ..

عن اخ اكبر منك فى السن
الطريق مالوش كبير
ووالدك معذور فى خوفه عليك
لان خوف الاب لابنه وحبه ليك لا يوصف
وطاعته سبب لرضا ربك وتوفيقه فى الدنيا

نصيحه كل العربيات زى بعضها ((بمعنى انها بتقضى الغرض المطلوب منها ))
بس حب انت الشىء علشان تلقيه زى الفل معاك ولو اتن كارهه هتلاقيها كل يوم فيها مشكله
فارضى بالموجود

حبيبى قلبى يامحمد واحشنى جدا والله وعايز اشوفك

عموما ياباشا هقولك لو والدك اعتراضة على الهوندا انها سريعة وهو خايف عليك فدة محدش يقدر يتكلم فية لانك مش هتحس الاحساس دة هو بس اللى هيحسة , ولا قدر الله جابلك اللى انت عايزة وحصل حاجة ساعتها هو اللى هيحس بالذنب وهيفضل فاكرة طول عمرة

عموما ياحبى لو انت غاوى الهوندا اوى وعلى طريقة سواقتك اللى انا شوفتها دية لما كنت راكب معاك نصيحة منى وخدها من واحد راكب SiR بقالة كتيييييييييييييييييير

العربية دية عايزة واحد عاقل يتحكم فى نفسة يجرى امتى ومايجريش امتى مع ان الحمد لله العربية ثباتها فوق الممتاز وفرامل فوق الممتازة , بس التحكم فى القوة اللى بالطريقة دية عايزة واحد الادرينالين عندة مش شغال عمال على بطال

يعنى انا مثلا عمرى ماجريت مع حد وجيبت اكتر من الرابع لانى عارف كويس ان الطريق مش هيستحمل غير القوة دية ماينفعش انقل خامس واطير بية

اللى عايز اقولك علية اسمع كلام والدك ولو عايز هوندا هات سيفيك موديل 2000 او 2005 بردة حلوة وجراية هية طبعا لاتمت اى صلة بال SiR ولا بصوت ماتور ولا اداء بس اديك راكب هوندا , وحلوة ونظيفة وقطع غيارها ارخص فى البيجو 407 انا مش عارف والدك هيجيبها لية , هية العربية ممتازة وكل حاجة بس كبيرة جدا كفاية اصلا كابوتها , وبعدين خلى بالك لحسن والدك يجيبها ديزل لان صوتها بشع

خلى بالك ان العربية دية اعطالها كتير جدااااااااا, وحاجاتها غالية جدااااااااا , واتوقف انتاجها اصلا بعد فترة بسيطة ومابقيتش تنزل تانى هية والسفينة 607

اسمع كلام والدك واشترى ياريس

انا فى الغردقه ياكشرى ممكن اوقفلك البيعه لا تقلق :D
لا بجد نصيحه ارضى باللى والدك عايزه ليك وبعد كده اشترى انت اللى انت عاوزه بمالك لما تتخرج وتشتغل ان شاء الله وكله بيفى بالغرض
انا معايا واحد صخبى معاه sir وعارضها للبيع كمان :D هى حكايه واحلى مافيها موتورها وقوته انا معاك وكنت مقتنع بيها جدا بس برضو جبت حاجه كده على قد الحال الفتره دى وبعد كده برضو ان شاء اله هجيب هوندا
طالما انت مقتنع بيها ان شاء الله هتجيبها بس كل وقت وله اداان ياكشرى باشا
بالتوفيق

اقتباس:

---

المشاركة الأصلية كتبت بواسطة S O P H O S

لا انا مش داخل ارد انا داخل اسلم عليك يا باشا
وحشنا والله فالقسم
وعلي فكرة الياريس مش بطة لا بتجري بس عمرها ما هتكون فثبات الهوندا
وربنا يوفقك للخير فيهم وتكون مرتاح ..

---

تسلم ياحبى على ردك انت عارف بقا المشاغل والجامعه الواحد بيدخل يتابع المواضيع بالعافية تسلم على مرورك الكريم

اقتباس:

---

المشاركة الأصلية كتبت بواسطة A.Saad

عن اخ اكبر منك فى السن
الطريق مالوش كبير
ووالدك معذور فى خوفه عليك
لان خوف الاب لابنه وحبه ليك لا يوصف
وطاعته سبب لرضا ربك وتوفيقه فى الدنيا

---

ربنا بيسترها وانا بردو مش عاوز اعصى والدى وبحاول اسمع كلامه

اقتباس:

---

المشاركة الأصلية كتبت بواسطة mohammedabdallh

نصيحه كل العربيات زى بعضها ((بمعنى انها بتقضى الغرض المطلوب منها ))
بس حب انت الشىء علشان تلقيه زى الفل معاك ولو اتن كارهه هتلاقيها كل يوم فيها مشكله
فارضى بالموجود

---

الحمد لله انا راضى بالعربيه اللى معايا والحمد لله كل يوم بنزل اشيك على كل حاجه فيها وبغسلها بأيدى كل يومين بره وجوه ومش مخليها محتاجه حاجه الحمد لله بس التغير مطلوب بردو

اقتباس:

---

المشاركة الأصلية كتبت بواسطة semsem kane

حبيبى قلبى يامحمد واحشنى جدا والله وعايز اشوفك

عموما ياباشا هقولك لو والدك اعتراضة على الهوندا انها سريعة وهو خايف عليك فدة محدش يقدر يتكلم فية لانك مش هتحس الاحساس دة هو بس اللى هيحسة , ولا قدر الله جابلك اللى انت عايزة وحصل حاجة ساعتها هو اللى هيحس بالذنب وهيفضل فاكرة طول عمرة

عموما ياحبى لو انت غاوى الهوندا اوى وعلى طريقة سواقتك اللى انا شوفتها دية لما كنت راكب معاك نصيحة منى وخدها من واحد راكب SiR بقالة كتيييييييييييييييييير

العربية دية عايزة واحد عاقل يتحكم فى نفسة يجرى امتى ومايجريش امتى مع ان الحمد لله العربية ثباتها فوق الممتاز وفرامل فوق الممتازة , بس التحكم فى القوة اللى بالطريقة دية عايزة واحد الادرينالين عندة مش شغال عمال على بطال

يعنى انا مثلا عمرى ماجريت مع حد وجيبت اكتر من الرابع لانى عارف كويس ان الطريق مش هيستحمل غير القوة دية ماينفعش انقل خامس واطير بية

اللى عايز اقولك علية اسمع كلام والدك ولو عايز هوندا هات سيفيك موديل 2000 او 2005 بردة حلوة وجراية هية طبعا لاتمت اى صلة بال SiR ولا بصوت ماتور ولا اداء بس اديك راكب هوندا , وحلوة ونظيفة وقطع غيارها ارخص فى البيجو 407 انا مش عارف والدك هيجيبها لية , هية العربية ممتازة وكل حاجة بس كبيرة جدا كفاية اصلا كابوتها , وبعدين خلى بالك لحسن والدك يجيبها ديزل لان صوتها بشع

خلى بالك ان العربية دية اعطالها كتير جدااااااااا, وحاجاتها غالية جدااااااااا , واتوقف انتاجها اصلا بعد فترة بسيطة ومابقيتش تنزل تانى هية والسفينة 607

---

ياسمسم ياحبى انت كمان والله واحشنى جدا وبأذن الله فاقرب فرصه نتقابل ..

انا اللى مجننى والله ياسامح انى كل يوم بصحى على صوت ال si اللى بتركن قدام الشباك عندى وصاحبها مهتم بيها وبيغسلها بأيده ومش بيسيب الغفير يغسلها وكمان سيبك انت من الانسر والتويوتا والبى ام والحاجات اللى بتركن جنبها العربيه دى لما بتمشى الناس كلها بتعملها حساب كأنك راكب مرسيدس بالظبط وكفاية صوتها الجبار ( ماشاء الله ) .. واللون الاسود فيها تححفه ...
الواحد بياخد دفعه انه يغير ويجيبها ومش معنى انى عاوز اجبها انى كرهت عربيتى لا انا الحمد لله مهتم بيها جدا وانا مقدر خوف والدى عليا بس انت عارف هى فترة وهتعدى والواحد كل يوم بيتعلم ...
وعامة هو خلص فى البيجو وهيجى بيها بوكره وعربيتى هيجيبها سواق من الغردقة اما نشوف يمكن نغير فكرتنا عن ال sir مع انى عارف انها مش هتتغير هههههههههه ....

اقتباس:

---

المشاركة الأصلية كتبت بواسطة ahmedkhairy

اسمع كلام والدك واشترى ياريس

---

يامسهل يارب

اقتباس:

---

المشاركة الأصلية كتبت بواسطة amrelsha3er

انا فى الغردقه ياكشرى ممكن اوقفلك البيعه لا تقلق :D
لا بجد نصيحه ارضى باللى والدك عايزه ليك وبعد كده اشترى انت اللى انت عاوزه بمالك لما تتخرج وتشتغل ان شاء الله وكله بيفى بالغرض
انا معايا واحد صخبى معاه sir وعارضها للبيع كمان :D هى حكايه واحلى مافيها موتورها وقوته انا معاك وكنت مقتنع بيها جدا بس برضو جبت حاجه كده على قد الحال الفتره دى وبعد كده برضو ان شاء اله هجيب هوندا
طالما انت مقتنع بيها ان شاء الله هتجيبها بس كل وقت وله اداان ياكشرى باشا
بالتوفيق

---

الحمد لله انا راضى بكل شىء وهستنى شوية شهرين او تلاته وابتدى اخد عربيته لغاية اما يزهق ويقولى هات السيفيك ههههههههههه وياترا صاحبك عاوز يبيعها ليه

اقتباس:

---

المشاركة الأصلية كتبت بواسطة koshary

ياسمسم ياحبى انت كمان والله واحشنى جدا وبأذن الله فاقرب فرصه نتقابل ..

انا اللى مجننى والله ياسامح انى كل يوم بصحى على صوت ال si اللى بتركن قدام الشباك عندى وصاحبها مهتم بيها وبيغسلها بأيده ومش بيسيب الغفير يغسلها وكمان سيبك انت من الانسر والتويوتا والبى ام والحاجات اللى بتركن جنبها العربيه دى لما بتمشى الناس كلها بتعملها حساب كأنك راكب مرسيدس بالظبط وكفاية صوتها الجبار ( ماشاء الله ) .. واللون الاسود فيها تححفه ...
الواحد بياخد دفعه انه يغير ويجيبها ومش معنى انى عاوز اجبها انى كرهت عربيتى لا انا الحمد لله مهتم بيها جدا وانا مقدر خوف والدى عليا بس انت عارف هى فترة وهتعدى والواحد كل يوم بيتعلم ...
وعامة هو خلص فى البيجو وهيجى بيها بوكره وعربيتى هيجيبها سواق من الغردقة اما نشوف يمكن نغير فكرتنا عن ال sir مع انى عارف انها مش هتتغير هههههههههه ....

---

هههههههههه صوت si طيب كويس انك مش بتصحى على صوت ال SiR كان زمانك اتجننت

ودية حقيقة فعلا الهوندا بتمشى جنب اى عربية كلة بيقلق على طول عارفين انها مفترية وبتكسر عين اى عربية

انت عارف من فترة كنت بجرى مع سيتروين c5 2012 ال 156 حصان التيربو , والله العظيم نفختة نفخة السنين والواد صوت ماتورة هيخرج برة العربية , وفرقت عنة بتاع اربع خمس عربيات واول لما فرملت قولت كفاية علية كدة لقيت واحد طاير من جنبى , هههههههههههههه , فعلا ال SiR وحش صعب ترويضة

وياباشا الف مبروك وربنا ان شاء الله يباركلكوا فيها , ويحفظهالكوا يارب

طبعا هتلاقى فرق فى الاتى ( البيجو تكنولوجيا اعلى - افخم - مواصفات امان اعلى ) لان دية فئة ودية فئة تانية خالص

اقتباس:

---

المشاركة الأصلية كتبت بواسطة koshary

تسلم ياحبى على ردك انت عارف بقا المشاغل والجامعه الواحد بيدخل يتابع المواضيع بالعافية تسلم على مرورك الكريم



ربنا بيسترها وانا بردو مش عاوز اعصى والدى وبحاول اسمع كلامه




الحمد لله انا راضى بالعربيه اللى معايا والحمد لله كل يوم بنزل اشيك على كل حاجه فيها وبغسلها بأيدى كل يومين بره وجوه ومش مخليها محتاجه حاجه الحمد لله بس التغير مطلوب بردو



ياسمسم ياحبى انت كمان والله واحشنى جدا وبأذن الله فاقرب فرصه نتقابل ..

انا اللى مجننى والله ياسامح انى كل يوم بصحى على صوت ال si اللى بتركن قدام الشباك عندى وصاحبها مهتم بيها وبيغسلها بأيده ومش بيسيب الغفير يغسلها وكمان سيبك انت من الانسر والتويوتا والبى ام والحاجات اللى بتركن جنبها العربيه دى لما بتمشى الناس كلها بتعملها حساب كأنك راكب مرسيدس بالظبط وكفاية صوتها الجبار ( ماشاء الله ) .. واللون الاسود فيها تححفه ...
الواحد بياخد دفعه انه يغير ويجيبها ومش معنى انى عاوز اجبها انى كرهت عربيتى لا انا الحمد لله مهتم بيها جدا وانا مقدر خوف والدى عليا بس انت عارف هى فترة وهتعدى والواحد كل يوم بيتعلم ...
وعامة هو خلص فى البيجو وهيجى بيها بوكره وعربيتى هيجيبها سواق من الغردقة اما نشوف يمكن نغير فكرتنا عن ال sir مع انى عارف انها مش هتتغير هههههههههه ....



يامسهل يارب



الحمد لله انا راضى بكل شىء وهستنى شوية شهرين او تلاته وابتدى اخد عربيته لغاية اما يزهق ويقولى هات السيفيك ههههههههههه وياترا صاحبك عاوز يبيعها ليه

---

اتجوز بقى وعاوز يجيب حاجه عائلى
انت عارف ان الهوندا غالبا شبابى
كفايه كده تروويش وشد ولعب
:d:d