الموضوع: بنزينة بها كبس موتور ... ارجو الرد

المشاركة الأصلية كتبت بواسطة m_18c_m

انا مش عارفة ايه المشكلة بالظبط ، انا هاقول لكم الاعراض وانتم اللي ممكن تقولولي ممكن يكون العيب ايه .

الاعراض :

* صوت الموتور غريب جدا كانه غضبان صوته كانه عربية ديزل مش عربية كيا صغيرة ، الصوت ده بيقل خالص بعد سرعة 80 ولكن عندما اصل لهذه السرعة او ازيد اجد رجة شديدة في الدركسيون ودواسة البنزين وتزداد مع زيادة السرعة مع الخفة الملحوظة في العربية وانحرافها يمينا ويسارا .

* وجود صوت طقطقة او حكة عند الفرملة للوقوف او الرجوع للخلف ( مع العلم بأنني قمت بتغيير تيل الفرامل حديثا جدا )

العربية هي كيا برايد 1300 cc
بجد ردوا عليا لو الموتور محتاج اني اكشف عليه هل دا يتم في بنزينة مثلا
وهل كبس الموتور ده بيخليني اعرف لو الموتور في مشكلة ولا لا
وان كان ذلك ايه هي اقرب بنزينة او اي حد ممكن يكشفلي علي الموتور في المهندسين اوالجيزة

باشا الف لا بأس علي برايدك :)

بص بقي رجة الدركسيون جامد ممكن العربية تكون محتاجة ترصيص عشان كده الدركسيون بيترج جامد دي نتيجة الاحتياجد للترصيص

الصوت طالما بيتغير جرب تكشف علي التاكيهات تكون محتاجة ظبط في ال 280 عندي كانت محتاجة ظبط تاكيهات تلاقي الصوت رهييييييييييب و هي واقفة بعد ما تمشي الصوت بيقل عند سرعة معينة كده دلوقتي التاكيهات اتظبطت و العربية سلانسيه سلانسيه مش مسموع صوتها اصلا

الصوت اللي عند الفرملة متبرروش بأنك غيرت التيل حديثا شوف انا لافف و داير مع بتوع قطع الغيار و عارف كتير ازاي بس اتخميت في اخر تيل و بقاله 11 الف كيلو معايا و ضرب و بيطقطق عادي التيل اللي عندك ضرب خلاص ملوش دعوة بقي مشي اد ايه خامات رديئة و مضروب و خلاص

اما بقي انت بتقول صوت طقطقة او حكه اسمعني كويس عشان متدخلش في حوارت كبيرة حدد الصوت كويس لو طقطقة ارمي التيل و هات جديد و برضه اكشف لو حكه حاجة بتحك و انت بتدوس فرامل كده جري تغير التيل لانه بيحك في الطنبورة و هيبوظها روح اكشف عشان لو التيل بيحك في الطنابير تلحقهم بسرعة

بص اعمل الخطوات دى
1 : روح لبتاع كاوتش يكشف لك عليه
2: روح لمركز زوايا وترصيص يكشف لك على العفشه ويظبط زوايا ويرصص اربع عجلات
أخلص من دول الأول وللحديث بقيه

شكل الاعراض دي كده تنفع قواعد موتور او قواعد فتيس عاوزه تتغير ...او ممكن كسر في القنطره اللي شايه القواعد دي ...

المشاركة الأصلية كتبت بواسطة Akram

بص يا سيدي :
انت مشاكلك الآتي:
1- صوت الموتور عالي (لغاية سرعة معينة) .
2- رجرجة في الدركسيون و إكسراتير البنزين و العربية بتعوم .
3- صوت مع الفرامل .

و الحلول المقترحة:
1- راجع ضبط التاكيهات و راجع على الرمان بلي الخاص بإسطوانة الدبرياج .
2- راجع ترصيص العربية و كمان الزوايا و تربيط العفشة و الكواوتش الخاص بالميزان .
3- راجع على التيل و الطنابير و الكليبرات و البسكويت الخاص به .

شكرا للرد يا استاذ اكرم ، هي العربية اوتوماتيك فمفيهاش دبرياج ، بالنسبة للزوايا انا كنت لسة ضابطة الزوايا من حوالي شهر( ومغيرة التيل حديثا جدا من حوالي اسبوع والطقطقة دي برده مارحتش) ووقتها الراجل قالي ان الكوتشات حالتها نص نص وابقي غيرها كمان كام شهر كدة ، بس ما قاليش ان هي محتاجة ترصيص .
والتاكيهات مش عارفة دي مين ممكن يضبطهالي

المشاركة الأصلية كتبت بواسطة Xpert

شكل الاعراض دي كده تنفع قواعد موتور او قواعد فتيس عاوزه تتغير ...او ممكن كسر في القنطره اللي شايه القواعد دي ...

شكرا استاذ / expert
طيب ان عملت كبس موتور هايبين موضوع التاكيهات او قواعد الموتور دي ولا الميكانيكي هو اللي يعرفها بنفسه كدة وان كان كدة ممكن تدولي عنوان واحد امين اتعامل معاه بعد كدة بس يكون امين

المشاركة الأصلية كتبت بواسطة iBiZa

انا مش عارف الاعراض دية بتاعت اية !!! بس فية بنزينة شل فى شارع الهرم و انت جاى من ميدان الجيزة تلاقيها على اليمين (بجانب خزان المياة - خلى بالاك عشان فية واحدة تانية شمال) عندهم كبس الموتور.

الف شكر لحضرتك لسرعة الرد

المشاركة الأصلية كتبت بواسطة amir_ezzat

البنزينه اللى فى اول عباس العقاد

شكرا

المشاركة الأصلية كتبت بواسطة mohamed ibiza

باشا الف لا بأس علي برايدك :)

بص بقي رجة الدركسيون جامد ممكن العربية تكون محتاجة ترصيص عشان كده الدركسيون بيترج جامد دي نتيجة الاحتياجد للترصيص

الصوت طالما بيتغير جرب تكشف علي التاكيهات تكون محتاجة ظبط في ال 280 عندي كانت محتاجة ظبط تاكيهات تلاقي الصوت رهييييييييييب و هي واقفة بعد ما تمشي الصوت بيقل عند سرعة معينة كده دلوقتي التاكيهات اتظبطت و العربية سلانسيه سلانسيه مش مسموع صوتها اصلا

الصوت اللي عند الفرملة متبرروش بأنك غيرت التيل حديثا شوف انا لافف و داير مع بتوع قطع الغيار و عارف كتير ازاي بس اتخميت في اخر تيل و بقاله 11 الف كيلو معايا و ضرب و بيطقطق عادي التيل اللي عندك ضرب خلاص ملوش دعوة بقي مشي اد ايه خامات رديئة و مضروب و خلاص

اما بقي انت بتقول صوت طقطقة او حكه اسمعني كويس عشان متدخلش في حوارت كبيرة حدد الصوت كويس لو طقطقة ارمي التيل و هات جديد و برضه اكشف لو حكه حاجة بتحك و انت بتدوس فرامل كده جري تغير التيل لانه بيحك في الطنبورة و هيبوظها روح اكشف عشان لو التيل بيحك في الطنابير تلحقهم بسرعة

بس التيل انا جيباه من واحد اسمه حلمي سليمان بيجيب قطع الغيار الاصلية للكيا ، فهل ممكن يكون التيل مضروب ( ربنا يستر )

المشاركة الأصلية كتبت بواسطة mokelanos

بص اعمل الخطوات دى
1 : روح لبتاع كاوتش يكشف لك عليه
2: روح لمركز زوايا وترصيص يكشف لك على العفشه ويظبط زوايا ويرصص اربع عجلات
أخلص من دول الأول وللحديث بقيه

بامر الله وهاوفيكم بكل جديد ، وشكرا