امبارح روحت طنطا ظبطت زوايا فى بريدجستون وخدوا 40 جنية وجبت قطع الغيار اللى انا عاوز اغيرها من مجدى موتورز المهم جبت
1- بوجيهات ان جى كا
2 - فلتر هوا ( بس مش اصلى الاصلى كان غالى عليا وقتها فجبت اليابانى )
3 - فلتر تكييف ( لا ن التكييف بقى عندى اول ما بيشتغل بيطلع هبو مش حلو وكمان انا من اول ما جبت العربية مغيرتوش والعربية دلوقت عاملة 66000 وكنت بنضفه بس )
4 - سوست تيل فرامل بس هما مغيروهاش وقالولى فى المتخصصون ان الاصلى لسة سليمة
5 - تيل فرامل ريمسا
ملحوظة هما كانو تقريبا متضايقين انى جايب معايا قطع الغيار بس انا كدا بحب اشترى حاجتى بنفسى
لسة مركبتش فلتر التكييف
المهم الصراحة هما حافظين العربية هحكيلكم عملو لى ايه
الاول ظبطولى بوش الدبرياج كان جامد عندى قوى ظبطهولى خالد بس بعد محايلة مكنش مقتنع انه يظبطة اصلا وقالى انه مش ماثر
غيرلى فلتر الهوا وتيل الفرامل ونضفلى الانجكشن وغيرلى البوجيهات وطبعا قالى ان الاسبراى ب 30 جنية قبل ما يجيبة
وسالتة انى اغير زيت الفرامل وزيت الفتيس قالى لا زيت الفتيس عندك كويس وزيت الفرامل مش بيتغير الا لو هتركب طقم اصلاح ماستر
المهم اخد فى كله بالاسبراى 100 جنية
بس الصنايعى اللى كان شغال بالاسبراى بعد ما خلص خده الورشة جوة فانا بعد ما حسبتة قلتلة ادينى علبة الاسبراى علشان لسة مليانة
تقييمى انهم فعلا حافظين العربية ودا علشان هما شغالين فى التوكيل بس حراقين شويتين