عايزه اشتري فيستا جديده
رأيكم إيه ؟؟
عرض للطباعة
عايزه اشتري فيستا جديده
رأيكم إيه ؟؟
بصى حضرتك انا ده 3 عربيه فورد تكون عندى و اول مره اركب فيستا كانت لما عملت صيانه للفوكاس و سوقتها ادام مركز صيانه العبور العربيه كويسه اوى و ثابت تحفه يعنى احسن كتيررررررررر من الريو الجديده و الوبشنز كتير اوووووووى بالنسبه لسعرها و كفايه ان العربيه كلها المانى و ده يديكى ثقه فيها و الماتور بتاعها رد فعلو كويس اوى مع ضغطه البنزين من الثبات الفرامل قويه اوى و voice control جربتو سهل التعامل معاه و كمان شكل جديد بقالو سنه واحده بس و الفتيس 4 سرعات اوتوماتك و لا DSG و لا كل الكلام ده فإن شاء الله مش هتلاقى مشاكل من الفتيس
نجى بقى للعيوب
1- سعر اعاده بيع ضايع لان العربيه مش منها 10 على بعض و احنا فى مصر نموت فى الانتشار و ممكن تكون بالنسباك ميزه ان عربيتك مميزه فمش هتفكرى فى البيع قبل 6 او 7 سنين عشان الخساره متكنش كبيره اوى بردو
2-الصيانه هتكون جوه التوكيل بسسسسس و ده لان اصل مش هتلاقى ليها قطع غيار برا الا حاجات بسيطه و تقريبا مش هتلاقيلها قطع غيار استيراد فى الحرفيين
لو العيبين دول تقدرى تتجليهم و مقتنعه بيها اوى يبقى اشترى علطول بس اهم حاجه تكون العربيه داخله دماغك و بردو احجزى test drive ليها و جربيها
عربية ممتازة
ثبات وعزل وتقفيل رائع واستهلاك بنزين كويس جدا
اسعار قطع الغيار فى التوكيل كويسة
سعر اعادة البيع هو المشكلة
عربية تحفة وركوبة ممتازة بس الافضل لو تكملي وتجيبي فوكاس او حتي فوكس كسر زيرو هيبقي افضل لان انتشار العربية مش اوي
لو العربية حلوة وداخلة دماغيك ومش بتفكري في اعادة البيع القريب لان بعد فترة من 5 الي 7 سنوات هتكون اتفاقية التجارة مع الاتحاد الاوربي الجمارك هتكون تقريبا اتلغت فهتبققي كل الاسعار مقاربة لبعضها ففي الحالة دي اشتري العربية واتمتعي بيها وحسي بالتميز لانيك راكبة عربية مش بتشوفيها مع كل مشوار وفي كل شارع.
انا معرفش عن العربية كتير الصراحة
بس العيوب الي انا شايفها هيا السعر ( انا شايف انه كتير و برده شايف ان كل العربيات في نفس الفئة برده كتير )
فرق السعر مع الفوكاس مش كبير قوي و ده بيدي ميزة للفوكاس
مميزات اكتر من شكل كويس و اكيد تقفيل كويس ( انا مشوفتش بس عارف يعني ايه تقفيل فورد )
انتشار قليل لو بتحبي التميز يبقي ميزة لو لا يبقي عيب
موضوع التصليح التوكيل موجود و انا شوفت منها متقطع في الحرفيين يبمكن اكتر من العربيات القديمة
و شوفت كذا مرة واحدة بتتصلح برة و واحدة كان معمولها عمرة كامة
عموما تقدري تحجزي اختبار قيادة و تحددي بنفسك