رشاشات النوبيرا

**omar ahmad** · 05-12-2012 01:09 AM

السلام عليكم ورحمه الله وبركاتة
دا اول موضوع لية في المنتدي وارجو ان تتقبلوني مشارك دائم معكم
انا اشتريت بفضل الله نوبيرا 2008 من شهر تقريبا العربية كويسة الحمد لله
بس لحظت عليها انها تستهلك بنزين كتير الميكانيكي قالي ان المشكلة في الرشاشات وحاولت ادور علي رشاشات( سينا)
زي ما قالي لانها بتركب علي النوبيرا بس لما جيبت الرشاشات الدوارة ما اشتغلتش ورجعتهم تاني
وكنت جايبهم ب150 جنية واشتريت تاني يوم رشاشات للنوبيرا ب 180 جنية والمحل الي اشتريتهم منه قالي انه مختبرهم علي جهاز وانهم لا يستهلكوا بنزين
وعرفت ان موضوع الرشاشات دا عيب معروف في النوبيرا
المفروض اني اجرب الرشاشات الجدية علي استهلاك البنزين
* فعايز اعرف التانك بيشيل كام لتر وبعد التفويلة متوسط الكيلو مترات الي اقدر امشيها بالتفويلة كام ؟؟؟ بفرض ان العربية ماتورها كويس ولو مش هاشغل التكييف ؟؟؟
ثانيا انا اتفاجئت ان العربية قريبة قوي من الارض وتانك البنزين في بطن العربية وانتوا عارفين سلاسة شوارع مصر طبعا
المهم ان التانك اتخبط مني في مطب رخم بجد هل ينفع معاة اصلاح ولو حبيت اغيرة يتكلف كام؟؟
اشكركم

**blazer** · 05-12-2012 02:34 AM

أولا مبروك العربيه
ثانيا انت اشتريت رشاشات نوبيرا برده ؟ لان لو كدا رجعهم واشترى طقم رشاشات هيونداى او bmw m 40
التانك 62 لتر
لو على طريق سفر هيعمل حوالى 600 كيلو تقريبا " حسب الطريق وطريقه سواقتك يزيدوا او يقلوا

**omar ahmad** · 05-12-2012 08:12 AM

المشاركة الأصلية كتبت بواسطة blazer

أولا مبروك العربيه
ثانيا انت اشتريت رشاشات نوبيرا برده ؟ لان لو كدا رجعهم واشترى طقم رشاشات هيونداى او bmw m 40
التانك 62 لتر
لو على طريق سفر هيعمل حوالى 600 كيلو تقريبا " حسب الطريق وطريقه سواقتك يزيدوا او يقلوا

شكرا ليك والله يبارك فيك
انا هافولها وهاصفر العداد الصغير وهاشوف هاتقطع كام كيلو
الرشاشات القديمه ال 200 كيلو تقريبا علي طريق سفر خلصوا نص التانك
وفي حاجة تانية لو سمحتلي لما اسخن العربية استني لما مؤشر الحرارة يعدي اول تدريج
لان عداد الحرارة عبارة عن تدريج فقط من غير درجات انا كان عندي شاهين كانت درجات
الحرارة مكتوبة علي التدريج وكنت بسخنها لغاية ما المؤشر يجي علي 50

والعداد الي علي الشمال تقريبا rpm دا المفروض اني اغير قبل ما يوصل 4 ؟؟؟
مشكورين علي الاهتمام والرد

**midooo_119** · 05-12-2012 11:11 AM

المشاركة الأصلية كتبت بواسطة omar ahmad

شكرا ليك والله يبارك فيك
انا هافولها وهاصفر العداد الصغير وهاشوف هاتقطع كام كيلو
الرشاشات القديمه ال 200 كيلو تقريبا علي طريق سفر خلصوا نص التانك
وفي حاجة تانية لو سمحتلي لما اسخن العربية استني لما مؤشر الحرارة يعدي اول تدريج
لان عداد الحرارة عبارة عن تدريج فقط من غير درجات انا كان عندي شاهين كانت درجات
الحرارة مكتوبة علي التدريج وكنت بسخنها لغاية ما المؤشر يجي علي 50

والعداد الي علي الشمال تقريبا rpm دا المفروض اني اغير قبل ما يوصل 4 ؟؟؟
مشكورين علي الاهتمام والرد

اولا اهلا بيك فمنتدانا ..
فعلا هى افضل رشاشات للنوبيرا البى ام لكن بما انك اشتريت خلاص فلعله خير العربيات الجديدة مش بتسخن زى الشاهين حضرتك الاول قبل ماتتدور بتفتح الكونتاكت 5 ثوانى عشان ماكنه البنزين تكون حضرت و بعد كده بتتدور و تستنى 30 ثانية يكون زيت الموتور اتقلب كويس و تتكل على الله مش بنستنى مؤشر الحرارة يرفع..
بالنسبه للغيار مادام حضرتك بتنقل و الاربى ام فى الاخضر يبقى مفيش مشكله عندك لغاية 6.5 تنقل فامان بيفرق بس فاستهلاك البنزين و عمر الموتور

**ahmed.zahra** · 05-12-2012 01:08 PM

المشاركة الأصلية كتبت بواسطة midooo_119

اولا اهلا بيك فمنتدانا ..
فعلا هى افضل رشاشات للنوبيرا البى ام لكن بما انك اشتريت خلاص فلعله خير العربيات الجديدة مش بتسخن زى الشاهين حضرتك الاول قبل ماتتدور بتفتح الكونتاكت 5 ثوانى عشان ماكنه البنزين تكون حضرت و بعد كده بتتدور و تستنى 30 ثانية يكون زيت الموتور اتقلب كويس و تتكل على الله مش بنستنى مؤشر الحرارة يرفع..
بالنسبه للغيار مادام حضرتك بتنقل و الاربى ام فى الاخضر يبقى مفيش مشكله عندك لغاية 6.5 تنقل فامان بيفرق بس فاستهلاك البنزين و عمر الموتور

كل الكلام ده مظبوط فعلا و الأفضل للموتور و لاستهلاك البنزين انك تنقل و الأر بي إم على 3 أو أقل سنة

**omar ahmad** · 06-12-2012 01:05 AM

اشكركم علي الترحيب وردودكم الكريمه
هاجرب الرشاشات الجديدة وهاتابع معاكم
النهاردة تم تركيب ماكينة رفع للزجاج الامامي
علشان كل مرة كنت اقفل الكونتاكت وانسي الزجاج مرفوع
فافتح تاني علشان ارفعه
دلوقتي بيترفع مع غلق الانذار
شكرا لكم جميعا