مساعده من اصحاب الفليشيا..محتار فى سعر الفليشيا ... وركوبتها

السلام عليكم ورحمه الله وبركاته :
اعضاء منتدانا الكريم
انا من اسماعيليه ...انا بعت سيارتى اللى هيه 128 موديل 87 وكنت قد صرفت عليها مصاريف جامده شويه بس كانت عروسه ...
قدامى دلوقتى سياره فليشيا موديل 97 lx مالكها عارضها ب 33000 جنيه ( وماسك فى السعر اوى موش عايز ينزل جنيه ).. العربيه فابريكا دواخل وسقف .. الحاله العامه للسياره جيده جدا" من ناحيه الموتور والشكل الخارجى اما من ناحيه الفرش فهو متبهدل شويه ( فرشها الاصلى ) عفشه تمام فهل السعر ده مناسب لموديل السياره .... مع العلم ان السياره مرور فيصل ويوجد بها اربع توكيلات ...والمفروض لو انا اخدتها اسجل بيع لنفسى ..وهل السياره تنصحونى بيها ولا لأ ... وجزاكم الله كل خير

غاليه

العربية دى توبها من الأخر 28000

غالية جدا جدا وزى مالزملاء هنا قالولك اخرها 28.000 وبعدين انت كمان مقلتش العداد عامل كام علشان يمسك فالسعر ده

اخى العزيز لا تستعجل انا شارى واحده من شهر 9 موديل 95 وبحاله جيده جدا ومتجنطه ومكيفه ب 26 الف وحاسس انى اتغلبت فى الف ولا الفين كمان بس صراحه مش خساره فيها لان صاحبها كان معتنى بيها لكن 33 الف كتير اوى اوى لو استقريت على الفيلشيا خلاص انزل سوق مدينه نصر بس ابعد عن التجار او بص على النت بيبقى فيه عربيات حلوه وبتعرف تقارن
اما العربيه نفسها فالى عجبنى فيها ثباتها عاليه شويه سهوله الصيانه عيبها بالنسبه لى يتلخص فى شيئين التكييف مش قوى ولا يوجد باور وربنا يوفقك نصيحه لا تستعجل فى الشراء
لا تنسى الاستخاره

نصيجة العربية دي أخرها 26 أو 27 بالكتير

أنا شاري موديل 96 glx فابريكة جوة رشة نظافة فرش جلد فوق فرش الفبريكة وموتور إستيراد وعفشة تمام وكاوتش جديد وبطارية جديدة

ومن مالك السيارة الاصلي وكنت مخلصها على 27 والراجل بصراحة منضفها على طول
دة بخلاف شوية قطع الغيار اللى كانت معاها
كان معاها 2 مشط الكتروني وموبينة واسبراتير واوشاش فوانيس امامية وخلفية


حاول تشوف غيرها وربنا يوفقك

السعر غالى طبعا
بس هل فيها تكييف وعمله كام كيلو؟

جزاكم الله كل الخير والصحه والعافيه ..... العربيه مكيفه ... عدادها هو لم يخبرنى عليها لكنى وانا سايقها بجربها شفوفتها عامله 56000 كيلو ....موش عارف العربيه ديه ملعوب فى عدادها ولا ايه ...ان شاء الله اخد بالنصيحه

اقتباس:

---

المشاركة الأصلية كتبت بواسطة khmt1970

اخى العزيز لا تستعجل انا شارى واحده من شهر 9 موديل 95 وبحاله جيده جدا ومتجنطه ومكيفه ب 26 الف وحاسس انى اتغلبت فى الف ولا الفين كمان بس صراحه مش خساره فيها لان صاحبها كان معتنى بيها لكن 33 الف كتير اوى اوى لو استقريت على الفيلشيا خلاص انزل سوق مدينه نصر بس ابعد عن التجار او بص على النت بيبقى فيه عربيات حلوه وبتعرف تقارن
اما العربيه نفسها فالى عجبنى فيها ثباتها عاليه شويه سهوله الصيانه عيبها بالنسبه لى يتلخص فى شيئين التكييف مش قوى ولا يوجد باور وربنا يوفقك نصيحه لا تستعجل فى الشراء
لا تنسى الاستخاره

---

ان شاء الله اخويا اخد النصيحه وحاول انزل الجمعه دى ... وليك كل الحترام منى

باشا باشا خد جبتلك عربية اهى للبيع ومن واحد هنا فالمنتدى بيعلن عن بيعها


http://www.nilemotors.net/Nile/322555-96.html

اقتباس:

---

المشاركة الأصلية كتبت بواسطة المنسي

غالية جدا جدا وزى مالزملاء هنا قالولك اخرها 28.000 وبعدين انت كمان مقلتش العداد عامل كام علشان يمسك فالسعر ده

---

زى ما قولت يا اخى والله انا شوفت العداد بتاع العربيه عامل بالظبط 55922 كيلو

اقتباس:

---

المشاركة الأصلية كتبت بواسطة المنسي

باشا باشا خد جبتلك عربية اهى للبيع ومن واحد هنا فالمنتدى بيعلن عن بيعها


http://www.nilemotors.net/nile/322555-96.html

---

حبيبى يا باشا ربنا يعزك ... حتصل بيه دلوقتى

زى ماقالو الشباب اخرها 27 الف من الأخر....

اقتباس:

---

المشاركة الأصلية كتبت بواسطة giedo

جزاكم الله كل الخير والصحه والعافيه ..... العربيه مكيفه ... عدادها هو لم يخبرنى عليها لكنى وانا سايقها بجربها شفوفتها عامله 56000 كيلو ....موش عارف العربيه ديه ملعوب فى عدادها ولا ايه ...ان شاء الله اخد بالنصيحه

---

العداد ده حاجة من اتنين يا ملعوب فيه يا اما متغير استيراد

اقتباس:

---

المشاركة الأصلية كتبت بواسطة المنسي

العداد ده حاجة من اتنين يا ملعوب فيه يا اما متغير استيراد

---

بالظبط كدة زي ماقال الاستاذ المنسي

وعن تجربة واحد صنايعي قالي أعملك عداد عربيتك زي مانتا عاوز

ومن ناحية تانية فى عدادات إستيراد بتكون مش بتاعت العربية أصلا

وفي النهاية العربية حالة مش عداد

أنا عربيتي عاملة حوالي 230 الف كيلو على موديل 96 أعتقد دة مش كتير