معايرة عداد rpm الطبيعي لمالكي اوبترا ؟

**محمود نجيب** · 05-12-2012 07:58 AM

اخواني الافاضل مالكي اوبترا حصلت عندي شوية مشاكل و بفضل الله وحده اتحلت

انا عايز اعرف ما هو الطبيعي في عداد الــ rpm

1-يعني و انت علي سرعة 100 كم/س بيكون قراءة العداد rpm كام ؟

2-و عند النقل من الاول للثاني بتنزل القراءة لكام؟؟

الرجاء الرد علي الاستفسارين كل علي حده عشان يكون عندنا كلنا معيار نطمئن به و نقلق لو اختلف عن الطبيعي ؟

**baby2000** · 11-03-2013 05:05 PM

على فكره موضوع جميل جداااا و انا كان نفسى من زمان اعرف نفس الشئ انا عموما دايما بحسب الار بى ام على سرعه 100 و انا على الخامس و عندى بيكون الار بى ام على 3000 بالظبط و ده بالنسبه لى عالى ومعرفش ده طبيعى الاوبترا ولا لاء لان فى عربيات زى الفيرنا بيكون على 2500 مثلا

**abou-yahia** · 12-03-2013 08:01 AM

المشاركة الأصلية كتبت بواسطة محمود نجيب

اخواني الافاضل مالكي اوبترا حصلت عندي شوية مشاكل و بفضل الله وحده اتحلت

انا عايز اعرف ما هو الطبيعي في عداد الــ rpm

1-يعني و انت علي سرعة 100 كم/س بيكون قراءة العداد rpm كام ؟

2-و عند النقل من الاول للثاني بتنزل القراءة لكام؟؟

الرجاء الرد علي الاستفسارين كل علي حده عشان يكون عندنا كلنا معيار نطمئن به و نقلق لو اختلف عن الطبيعي ؟

الحمد لله

طب ما تشركنا معاك ايه اللي حصل وحليته اذاي

بلنسبه ل RPM

لو عربيتك اوتوماتيك تقريبا عند سرعه 120 العداد بيكون عامل 3000 لفه

وده بيكون مختلف عن المانيول اللي عند الغيار الخامس بيكون عند سرعه 100 تقريبا بنفس عدد اللفات .

وعشان كده تقريبا استهلاك البنزين للوبترا الاتوماتيك احسن من المانيول

المشاركة الأصلية كتبت بواسطة baby2000

على فكره موضوع جميل جداااا و انا كان نفسى من زمان اعرف نفس الشئ انا عموما دايما بحسب الار بى ام على سرعه 100 و انا على الخامس و عندى بيكون الار بى ام على 3000 بالظبط و ده بالنسبه لى عالى ومعرفش ده طبيعى الاوبترا ولا لاء لان فى عربيات زى الفيرنا بيكون على 2500 مثلا

**svneleven** · 12-03-2013 02:23 PM

هو حسب العربية موتورها ووزنها. يعني مثلا الفيرنا 2500 rpm علي 100 كم عشان الموتور مطلع باور زيادة علي وزن العربية فالموتور مش محتاج يلف كتير عشان يطلع الباور المطلوب لتحريك العربية.
حط نفس موتور الفيرنا علي عربية أتقل هتلاقي ال rpm أعلي. و طبعا كل ده ليه علاقة بنسب التخفيض بتاعة الفتيس.

**baby2000** · 03-05-2013 09:44 PM

بجد ربنا يخليكم انا اطمنت كده على ماتور العربيه لانى كنت بحسب ان عد اللفات 3000 على سرعه 100 ك فى الاوبترا كتير لانى كنت سايف فيرنا و كنت بشوفه 2500 على نفس السرعه بس انتم كده فهمتونى اد ده صحيح

**abou-yahia** · 03-05-2013 11:17 PM

المشاركة الأصلية كتبت بواسطة baby2000

بجد ربنا يخليكم انا اطمنت كده على ماتور العربيه لانى كنت بحسب ان عد اللفات 3000 على سرعه 100 ك فى الاوبترا كتير لانى كنت سايف فيرنا و كنت بشوفه 2500 على نفس السرعه بس انتم كده فهمتونى اد ده صحيح

تحت امرك :-)