الموضوع: تفاصيل التجديد والفحص

بسم الله الرحمن الرحيم
العربيه النترا 2010 ميعاد التجديد 23 - 12
بقالى مده عايز اجدد و اخلص و هاخد النمر الجديده
اول امبارح رحت النيابه الساعه 9 الصبح اشتريت من على البوابه ظرف ب 5 جنيه و اتكتب عليه اسمى وبيانات العربيه و حطيت فيه صوره البطاقه ورخصه العربيه وطلعت اقدمه قالك عاملين اضراب ومفيش وكلاء نيابه
شغلت الكوسه واديته لواحد معرفه هناك قالى بكره تعالى خده كلمنى الظهر قالى خلص يا تيجى دلوقتى يا بكره
رحت امبارح الساعه 9 اخدت براءه الذمه فاضيه الحمد لله وطلعت على المرور
دفعت التأمين 3 سنين من شركه وثاق ب 320 جنيه السنه ب 108
دخلت المرور سحبت ملف التجديد والفحص ب 18 جنيه
طلعت لشباك الملاكى
الموظف قالى صور البطاقه 3 نسخ وصورتهم
طلع الملف القديم و اادانى ورق الفحص القديم والجديد ونزلت افحص
عملت البصمه وطبعا رشا شغاله معايا ب 10 جنيه هنا وهنا وهنا ههه يلا الله يحرق دى بلد
استنيت البيه ينزل عشان يفحص شاف العربيه و الطفايه و بص على كل حاجه فى العربيه و كان بيدقق على كل حاجه للناس التانيه انا ماشى سليم لا كنت مفيم ولا زينون ولا اى حاجه
خلصت الساعه 10 طلعت اكمل الورق
الموظف ملالى الورق وبعدين مضى ورق واداهونى عشان اسلم النمر
نزلت فكيت النمر و اديتها لواحد تحت ياخدلى بصمه النمر و يقصها وطلعت سلمتها
بعدين عملى شويه وصولات روحت دفعتها بالظبط 845 جنيه ضريبه و فلوس اللوح الجديده
حسبى الله ونعم الوكيل
ده وانا برخص لاول مره ما دفعتش كده حتى التامين زايد
المهم دفعت و دخلوا الورق للظابط اتمضى و دخله الكمبيوتر وبعدين اتسجل فى الملفات و استنيت الرخصه
الكمبيوتر ادانى الرقم الجديد و رحت عشان اسجله فى الملف الجديد و استنيت الرخصه
دخلت للكمبيوتر و طلبت مساعده رشا تانى طلعت الرخصه فى 10 دقايق و رحت استلمت النمر وطبعا موظف الملاكى قالى هات رشا و مش عارف مين تانى
واخدت النمر وركبتها عند واحد معرفه لانى عملت مشكله مع واد سايس هناك ليط العربيه مع انها مغسوله وجاى عايز فلوس حالا و الا هيتشاكل معايا اديته و ووانا نازل الناس حاشته من تحت ايدى
وخلصت الساعه 11 ونص الحمد لله
معجزه ا
اى اسئله انا تحت امركم

مبروك التجديد ..