الموضوع: مش لاقي لوجان مانيوال

دي اشاعات بس علشان لما يبيعهالك بسعر زايد متعترضتش .. فيه شحنه داخله مصر قريب بس مش بيعرضو منها كتير علشان مزودين ف سعرها حوالي 5000 جنيه سوق سودا

انا قعدت 3 شهور ادور عليها لحد ما جبتها
الاول مكنتش عايز احجز في التوكيل عشان معطلش الفلوس عند التوكيل وانا مش ضامن هيسلمني امتى
وبعد كده بدأت ادور في المعارض وكنت رافض مبدأ الاوفر برايس وضاع شهر ونص تقريبا في البحث
وبعد كده بدات ادور عليها وحتى مكنتش لاقيها باوفر برايس
لحد ما ربنا اكرمني وجبتها من محمد زكي باوفر 1000 جنيه

ومن ضمن المعلومات اللي كنت عرفتها وانا بدور ان السبب الحقيقي لنقصها ان الشركة الام لقت ان الطلب على الاوتوماتيك كتير فمكرسة اغلب خطوط الانتاج في مصنع المغرب لانتاج اللوجان والسانديرو الاوتو
والكميات اللي بتنزل من المانيوال محدودة جدا للسبب ده
والحال هيفضل كده لحد اخر السنة
وده كلام من التوكيل


ربنا يسهلك اللي فيه الخير
ممكن تدور مع محمد زكي والسبع
اكتر ناس محترمين
وعلى فكرة فيه واحد من سمير ريان كلمني امبارح لان رقمي كان عندهم بيقولي انها متوفرة

mastermind الف مبروك العربيه وربنا يديك خيرها ويكفيك شرها يا رب

انا عملت زيك كدا بالظبط ودلوقتي مش لاقيها باوفر برايس
انا كمان سمعت انها مختفيه من السوق بسبب التركيز علي الاتوماتك والطلب الزايد عليها ف الفتره الاخيره
.. انا هاعمل بنصيحه حضرتك واشوفها عند محمد زكي وربنا يسهل الحال

ياجماعة انا حاجز من 1-11-2012 فى فرع الدقى ومستلمتش
ولسه مكلم المعرض امبارح قاللى هتستلم بحد اقصى 10-1-2013
الكلام ده صح ولا بيشتغلنى :b4_556:
ياريت حد يطمننى

المشاركة الأصلية كتبت بواسطة mahraan

mastermind الف مبروك العربيه وربنا يديك خيرها ويكفيك شرها يا رب

انا عملت زيك كدا بالظبط ودلوقتي مش لاقيها باوفر برايس
انا كمان سمعت انها مختفيه من السوق بسبب التركيز علي الاتوماتك والطلب الزايد عليها ف الفتره الاخيره
.. انا هاعمل بنصيحه حضرتك واشوفها عند محمد زكي وربنا يسهل الحال

هو حضرتك ناوي تقسط ولا كاش؟

والله يا جماعة انتم كلامكم ما يطمنش انا حاجز عند السبع من نص شهر 10 وكان الكلام انى استلم يوم 20/11 ولحد دلوقتى ولا حس ولا خبر وكل الكلام الدفعة لسه مجاتش ومدينى معاد لحد اخر 12 ولو فعلا مجاتش انا هالغى الحجز