الموضوع: المدارس بين مصر والخارج..!

المشاركة الأصلية كتبت بواسطة swimmer25

بجد إفادة رائعة
أشكرك من كل قلبي...إنت عارف الغريب بقي
دخلت موقع هيئة المعرفة في دبي وعرفت شوية مدارس وحاولت أجيب أسعارهم وتقريبا هحاول أختار أقل مدرسة في المصاريف لأني عندي مشكلة
إحتمال كبير مكملش في دبي علي حسب الشغل بتاعي وبالتالي هضطر أدفع مصاريف السنة وألافي إنها راحت عليا لأني مضطر أسافر بعد شهر 12 اذا مفيش تجديد

هل المدارس ممكن تاخد مصاريف فصل دراسي واحد بس وأقدر اسيبها بعد كده ولا ايه النظام؟
بسبب كده أنا اخترت 3 مدارس مصاريفهم قليلة بس مش عارف مدي قوة تعليمهم:
مدرسة الصادق الإسلامية في القصيص - في حدود 4 الاف درهم
مدرسة الوحدة العربية في الراشدية - في حدود 6 الاف درهم
حضانة البساتين في الخوانيج عربي بس فيها تعليم انجليزي بس هي في الاخر حضانة - 5100 درهم

ياريت لو كنت تعرف مدرسة فيهم تقولي عليها
قولي صحيح لما ازور المدرسة اقيمها ازاي؟

كلنا هذا الرجل يا باشا :)

أنا نازل كمان أسبوع ههههههههه :)

بص يا باشا

أى مدرسة كما وضح العضو الفاضل h_Shahin بيكون ليها طريقة معينة لدفع المصاريف و عادة بيكون أخر قسط تدفعه ما بين شهر 12 و 1 من السنة الدراسية.....و عادة القسط بيكون ما بين 1/3 أو 1/4 من إجمالي المصاريف.

و بيكون فيه قواعد واضحة و صريحة أن لو تم دفع المصاريف و أنت هتمشي من البلد هيتخصم كام.........و دي بتتحدد على حسب الطفل كمل أد أيه من السنة الدراسية.

يعني المدرسة اللى بناتي فيها لو دفعت أول قسط و قبل السنة عاوز أسحب الفلوس بيخصموا 10% من إجمالى المصاريف.........لو خلال الترم الأول بيخصموا كذا.......الخ.

بالنسبة لل 3 مدارس دول انا معرفش عنهم حاجة للأسف.

لما تروح مدرسة و عاوز تقيمها هتبص على شوية حاجات....منها
نظافة المدرسة ككل و نظافة الحمامات
المدرسين جنسياتهم أيه ؟ ( طبعاً الأفضل الأجانب و العرب......و ميكونش فيه مدرسين هنود أو باكستانيين )
و طبعاً يفضل تكون الزيارة فى وسط يوم دراسي علشان تشوف مدى الإلتزام فى المدرسة.
و تشوف الأنشطة المتوفرة فى المدرسة أيه سواء رياضية أو تعليمية
و تشوف أماكن اللعب كويسة و نضيفة ولا لأ.........خصوصاً أن أول 3 سنين تقريباً بيبقى معظمهم لعب.

و الأهم لو تعرف حد جرب المدارس دي قبل كده تشوف رأيه أيه..........حتى لو دورت على النت.

بس تكون المدرسة لو ليها فروع فى أكتر من بلد تتأكد أن اللى كاتب عن المدرسة على النت كاتب على الفرع اللى أنت عاوز تدخل بنتك فيه......انا بناتي فى الإمريكية الدولية و دي فى دبي حلوة و كويسة و فيها إهتمام بالدين كويس جداً............بينما اللى فى مصر بنت 60 و بسمع عنها كلام مش ولا بد و بأكتر من ضعف المصاريف كمان :)