الموضوع: لو سمحتو عندي شوية أسئلة بخصوص الزينون.

محدش بيرد عليا ليه؟

ايه يا جدعان حد يقول اي حاجة ؟

المشاركة الأصلية كتبت بواسطة seashark

بفكر اركب زينون في نيسان صني ٢٠١٠ (العربية خلاص ضمانها خلص)

١. ايه احسن مكان اركب فيه زينون (شارع دمشق؟)
٢. ايه احسن نوع و سعره في حدود كام.
٣. هل التركيب يحتاج الي تعديلات في الكهرباء و الضفيرة او الفوانيس ( لو في لعب او تعديل في الضفيرة مش هركبه طبعا).
٤. هل يفضل اركبه في الفوانيس الرئيسية و لا في فوانيس الشبورة.
٥. لو ركبته في الفوانيس الرئيسية هل هيشتغل عالي وواطي؟
٦. هل ليه تأثير علي اي حاجة يعني هل يؤثر علي السحب او علي اي حاجة؟
٧. هل فيه زينون بيتباع في التوكيل؟
٨. سمعت عن مشاكل كتير هنا في المنتدي بعد تركيب الزينون انا بصراحة مش عايز بعد ما اركبه الاقي مشكلة و اتضايق و اقول يا ريتني ما ركبته، المشاكل زي ان النور بيطلع بالتدريج او ان الاضاءة مش فارشة كويس او توظيعها مش مظبوط عشان كده عايز نوع كويس و حد محترف يركبه.

يا ريت اللي يرد يرد علي كل نقطه و رقمها و شكرا مقدما.

هأرد عليك على حسب معلوماتي

1 - أنا مش من نواحي مصر الجديدة فمس هأعرف أفيدك هناك
إنما لو أنت قريب من هناك روح و أسأل أو أنتظر حد من هناك يرد و يفيدك
و على أي حال تريكب الزينون أسهل مما تتخيل
أنت لو بتعمل حاجات في العربية بنفسك و جبت طقم زينون
و بصيت على شرح طريقة توصيله المرفقة هاتعرف توصله بنفسك

2 - أنواعه كتير جداً و على حسب ما سمعت فيه نوع ناس كتير بتشكر فيه أسمه كوبرا
أنا ماجربتوهش إنما أنا جربت أكتر من نوع فيه منهم إللي مش تمام و منهم إللي مش بطال
و أخيراً أنا لسه جايب قريب طقم مبدئياً أنا شايفه كويس و مكتوب عليه ماركته بالصيني

3 - التركيب مالهوش دعوة بالضفيرة نهائياً و بدون أي تعديلات

4 - تركبه في أنهي فوانيس دي ترجعلك أنت و رغبتك

5 - تركيبه في الفوانيس الرئيسية عالي و واطي مافيهوش مشكلة
إنما بيعتمد على تصميم الفوانيس
لو العالي و الواطي في نفس اللمبة هاتحتاج طقم زينون واحد
لو العالي و الواطي منفصلين هاتحتاج طقمين زينون
في الحالتين بالإضافة للشبورة هاتحتاج طقم زينون واحد

6 - مالهوش تأثير على حاجة

7 - أسمع عن زينون بيتباع في توكيل هاشم مأعرفش ولا سمعت عن غيره
المفروض أنه فيليبس بس مأعرفش أصلي نمرة واحد ولاّ إيه نظامه !

8 - بالنسبة للمشاكل تابع و شوف و أنت قرر تجيبه ولاّ لاء

و على أي حال بناءً على تجربتي الزينون درجة 8000 لونه أبيض مزرق خفيف حلو و شيك
إنما مش قوي قد كده و خصوصاً لما كنت بأطلع الدائري بالليل في المناطق إللي الدنيا ضلمة جامد
بالنسبة لي كان ضعيف إنما في الشوارع العادية و الجانبية مبهر و جامد
و بعدها جبت 6000 أبيض نور النهار أفضل منه بالنسبة لي

و شكراً ...

reallistic انا متشكر اوي يا باشا علي تعبك تسلم ايدك

55 وات و فيه كمان 75 وات و سمعت أنه فيه أعلى كمان
بس المشكلة فين تلاقيهم ؟! أنا لفيت التوفيقية مالاقيتش غير الـ 35
و فيه كمان 5000 كلفن بس برضه فين تلاقيهم !
ده أنا لاقيت الـ 6000 بالعافية
و إللي أعرفه و متعارف عليه أن الـ 4300 و الـ 4500
دول أبيض مصفر حاجة بسيطة جداااااااااً
إنما 5000 و 6000 أبيض نور النهار أو أبيض ثلجي أو صريح ... الخ