الموضوع: مشكله فى عدة صورت كينوود

المشاركة الأصلية كتبت بواسطة mshawky

عندى كام مشكله حابب اعرضها عليكم وتقولولى اعمل ايه بالزبط


اولا انا عربيتى كيا سيراتو 2010

اول مشكله

1- ركبت 4 سماعات 500 كينووود بيضاوى فى عربيتى + جى ام 650 وات سيمفونى

الى حصل كالاتى السماعات صوت وبيز كان مرضى ليا جدا جه بعد فتره لقيت سماعه من ال4 بترف يعنى كأن الورقه مقطوعه من جوا لما بيحصل بيز شويه وبطقطق جامد روحت للواد الى ركبهم
لقيته نزلى زرار البيز بتاع الجى ام قالى لانه قوى عليهم وهيحرقولك السماعات كده بس حاسس ان السماعه الى بطقطق ديه باظت هى مطلعه صوت نقى جدا لكن فى البيز بطقطق جامد اوى فى الورق بتاعها وديه كانت اول مشكله مش عارف ليه الطقطه واحلها ازى


تانى مشكله

2- كانت مشورة البيه الى ركب طبعا انى اركب صب او بازوكا محترمه علشان يشيل حمل البيز من على الجى ام ويبقا الصوت متوزع ونقى فبالفعل بعد فتره روحلته امبارح واشتريت بازوكا جى بى ال 1000 جاهزه بكل حاجتها طالعه من الكرتونه لسه
المشكله ان حاسس ان البيز مش قوى زى ماكنت متوقع بصراحه هو اه مزبوط بس حاسس ان كان بيز السماعات لوحده انشف واقوى ده مش عارف حاسس انى اتصدمت فيه كده
فطبعا ركب البازوكا على تشانل وخلى السماعات على تشانل تانى فى الجى ام


اتصرف فى المشاكل ديه ازاى ؟ وهل التوصيلات فيها حاجه غلط لانى حاسس ان البازوكا ديه جباره بس فى حاجه مش مزبوطه

للعلم الكاسيت بتاعى هو dvd كستم الى بيتسقط فى الكنصول بتاع العربيه اصلا جايبه من بره وفيه امبليفير داخلى وخارج منه 4 مخارج وليا تعليق هنا هو قال برضه ان خرج الصوت ضعيف من الكاسيت علشان كده مش مقوم البازوكا بقوته معرفش عمال يفتى كل شويه ليه

بالنسبه للسماعه الى ضربت ديه خلاص كده ممكن تنزل تلفها تااانى بس برضه هتبوظ بسرعه انت بحوار البازوكا ده الغى من الجى ام البيز عن السماعات وشغلها صوت بس وهتبقى حلوه والبازوكا تقوم البيز بس
بالنسبه للبازوكا بقى هى الجى ام بتاعها اد ايه؟؟؟؟؟؟؟
لو على كلامك انها متوصله بالكاسيت وفيه امبليفير داخلى ده ضعيف جداااااااااااا علشان بيبقى اخره يقوم سماعات كويس اوى لاكن صب لالا لا انت ممكن تووصل السماعات على الكاسيت وتجيب الجى ام ده توصل عليه البازوكا هتسمع احلى صوت منها وتحياتى ليييك

المشاركة الأصلية كتبت بواسطة mshawky

هو كان اقترح عليا كده فعلا وهو بيركب انه الجى ام يبعد عن السماعات خالص وتتوصل دايركت بالكاسيت بحيث يكون صوت نقى بس

وبالنسبه للجى ام 620 واط سيمفونى اووصله على الباوزكا على دايركت هيعمل صوت حلو ؟


لانه لما قسم السماعات والبازوكا على الجى ام حسيت صوت السماعات وطى شويه عن الاول لما مثلا بعلى الفلويوم على 10 كان الاول عالى جدا لوقتى لازم اوصل ل14 علشان يكون الصوت كويس


فهل الى انت قولتله ده افضل حل واحسن اداء ؟

هو الجى ام 4 تشانيل تمااام؟ لو كده خليه يوصلك الاربع سماعات على 2 تشانيل كل سماعتين فى تشانيل ويقفل البيز بوست عليهم والاتنين التانيين توصل عليهم البازوكا بريدجيت هتسمع صوت محترم جداااااااااا اما عندك حل تانى انك توصل الاربع سماعات على الكاسيت وتستخدم 2 تشانيل بس من الجى ام للبازوكا لاكن مش برجح فكره انك تشغل اتنين على الكاسيت واتنين على جى ام علشان هتلاقى الصوت مش متوازن

المشاركة الأصلية كتبت بواسطة mshawky

هو فعلا عمل كده ياجماعه

الجى ام 4 تشانل حاطط 2 لل4 سماعات و2 للبازوكا لوحدها

لكن حاسس صوت السماعات وطى عن الاول كنت بسمع مثلا صوت كويس لحد درجه 10 فى الفولويم
دلوقتى لازم يوصل ل13 علشان اسمع صوت كويس ومزبوط

وخايف افك وواصل على الكاسيت دايركت السماعات ميكنش صوتها عالى ومخدومه

وهل لكل تشانل زرار خاص بالبيز من الجى ام ؟ علشان افصل حاجه وافتح لحاجه ؟

خليهم زى ماهما لحد لما تتعود على الصوت ومش هتفرق الليفل الواطى ممكن تعلى سنه وتريح دماغك