الموضوع: اعلان مجلس ادارة المنتدي-اعلان اداري

المشاركة الأصلية كتبت بواسطة Egyzizo

ألف مبروك ..
وإلى الأمام دائما، ونرجو لمنتدانا كل ازدهار

@@@@
بس سؤال صغير وماتزعلوش منى ، واعتبروه قلة فهم من ناحيتى.
هو الموضوع جد كده ليه؟ يعنى مجلس إدارة ومدير عام وأعضاء مجلس إدارة .. إلخ ..
أنا كنت فاكر ان منتدى على النت بتكون الأمور فيه ابسط من كده.

الله يبارك فيك
اتعودت من زمان ان اي كيان سواء صغير او كبير لو ليه تحديد مسئوليات يبقي هانضمن له النجاح طالما ربنا اراد
يعني بناخد بالاسباب فقط
مثال صغير :
لما كنا بنطلع رحلات زمان انا واصحابي كنا بنتفق مين معاه بند الاكل ومين مسئول يجيب التسالي ومين مسئول النقل والمواصلات ووهكذا بنحدد المسئوليات ونقضي يوم ظريف او رحلة كام يوم ونرجع

وانفراد اي شخص بقرار ده كفيل باسقاطه لو مكانش دلوقتي يبقي كمان شوية
والمنتدي هنا من زمان وله مجلس ادارة ولما اتحل من فترة كان له مجلس اداري مؤقت برضه
يعني في كل الاحوال في تاريخه محصلش انفراد للقرار مني بصفتي
ورايكم دايما شوري بينكم

اما في الحالة دي والاعلان الاداري ده فده كمان لسبب اخر
ان نايل موتورز ككيان اخد صفة على ارض الواقع واصبح له واجه رسمية هي شركة كيو شيفت Q-shift لادارة المحتوي
والشركة دي مسئولة عن الموقع والمنتدي وكل ما يتبع اسم نايل موتورز والعلامة التجارية الخاصة بيهم
ولذلك اصبح هناك منظومة عمل وتخطيط اداري للكيان
خالص تحياتي