عاجل مشكله في نيسان صني 2011مانيوال

اخواني اعضاء المنتدي عندي مشكله في الار بي ام بتاع العربيه بيعلي من 1 الي 2 عند الضعط علي الدبرياج اثناء الغيار الاول والتاني المشكله انه بيعلق علي 2 لدقيقه وبعدين ينزل مره واحده لوضعه الطبيعي الموضوع دا بلاحظه من شهرين وروحت امبارح للتوكيل بقوله الار بي ام بيعلق علي اتنين وصوت الموتور بيعلي عملي (ايدل) وقالي العربيه مفيهاش حاجه وانا راجع للبيت عملت نفس القصه لللا سف الناس اللي هناك شكلها مش فاهمه ومعندهاش اي خبره
مش عارف لحد دلوقتي الموضوع دا ممكن يكون سببه ايه يا ريت لو حد يقدر يفسرهولي من وحوش نيسان بالمنتدي

متابع با هتمممممممممممام

متابع

مشكلة حضرتك بسيطه و هي تنضيف البوابه و حساس الأيدل

شكرا يا هندسه بس الفكره انه مهندس الصيانه قالي انه ظبطه وكشف بالكمبيوترولاقي مفيش مشكله وبالرغم من كدا عمله ريسيت وعملت نفس الحركه بعد ماخرجت من التوكيل

حضرتك ديه اعراض ضفيرة الكهربا بتاعت السيارة ..

روح توكيل أوتوا اجيبت قولهم علي اللي بيحصل .. إن شاء الله هيغرو الضفيرة على طول ..

ده عيب شائع في الصني و خصوصا المنوال للاسف 90%

متابع

اقتباس:

---

المشاركة الأصلية كتبت بواسطة ahmazong

حضرتك ديه اعراض ضفيرة الكهربا بتاعت السيارة ..

روح توكيل أوتوا اجيبت قولهم علي اللي بيحصل .. إن شاء الله هيغرو الضفيرة على طول ..

ده عيب شائع في الصني و خصوصا المنوال للاسف 90%

---

مش الموضوع دة فى موديل 2010 بس؟؟؟

اقتباس:

---

المشاركة الأصلية كتبت بواسطة dr/ p.k.sh

مش الموضوع دة فى موديل 2010 بس؟؟؟

---

لأ ملوش علاقة بالسنة عربيات 2008 و 2009 غيرت عادي حتى في 2011 و 2012

ضفيرة .... اطلع علي اوتو ايجيبت

شكرا لكل الاخوه اللي ردو هيا فعلا ضفيره كهرباء والتوكيل طلبها من القاهره وبلغوني في خلال اسبوع هيتم الرد وهيستبدلوها مع السينسور كمان وربنا يسهل وميكونش في عيوب تانيه

لعنة الله على الضفيرة:36_2_49[1]:

ههههههههههههههههههههههههه هههههه استرخاص يحرق الدم

ضفيرة للاسف ..
لكن الموضوع مالوش علاقة بالاسترخاص يا حسين (يعنى مش زى فلتر المكيف لأنه طلع سياسة عالمية فى نيسان وكمان بند من خطوات خطة كارلوس غصن لاعادة احياء نيسان منذ توليه قيادة الشركة فى 1999)
القصة ومافيها قلة ضمير من الخامات المصنوعة منها والموردة من خلال مصنع صناعات مغذية موجود فى مصر ضمن نسبة المكون المحلى اللازم لشرط التجميع فى مصر

عندك حق بس تعرف لحد الان التوكيل متصلش بيا عشان الضفيره الجديده شكلهم بيجيبو الحاجه علي مهلهم اوي وانا الموضوع دا مزهقني ومخليني مش عارف اركب العربيه

اقتباس:

---

المشاركة الأصلية كتبت بواسطة ahmad_2010

عندك حق بس تعرف لحد الان التوكيل متصلش بيا عشان الضفيره الجديده شكلهم بيجيبو الحاجه علي مهلهم اوي وانا الموضوع دا مزهقني ومخليني مش عارف اركب العربيه

---

ما قلنالك خد إجازة ومعلش دب مشوار لحد القاهرة وروح لأوتو إيجبت هايغيروهالك على طول وهاتلاقي عندهم استوكات إن شاء الله منها.. بس احجز على 16666 وتوكل على الله.. تحياتي

الحمد لله يا شباب تم تركيب ضفيره كهربا جديده تحت الضمان والف شكر لكل مساعدات الاخوه الكرام بس يا ريت لو حد حصل معاه مشكله في العربيه والتوكيل متعاونش معاه يتصل فورا بخدمه العملاء وهما بيتعاملو بسرعه والموضوع بيخلص اوام

1000 مبروووووووووووك ويجعلها آخر المشاكل فى الضمان باذن الله

مبروووووووووووووووووووووك