الموضوع: استطلاع رأى .. هل فعلاً القيادة المانيوال أكثر أماناً ضد الحوادث

المشاركة الأصلية كتبت بواسطة amrelsaqqa

اعتقد الار بي ام هيعلى في حالة لو انا لسة دايس بنزين بس ( الدنيا اتلخبطت والتجربة هى اللى هتحكم )


بس على كلامكوا برضه المفروض لو العربية ماشية وبطلتها وهى ماشية وفتحت الكونتاكت تانى بدون ما ادى مارش
و دست بنزين ، العربية تدور زي المانيوال ، وده مش هيحصل ، والا يبقى الاوتو يدور بالزق زي المانيوال

وبرضه لو انا على الـ r مثلا ، المفروض برضه لو دست بنزين جامد وشلت رجلى فجأة العربية تنتش ، وده ما بيحصلش وما بيحصلش على اي غيار زي ما بيحصل في المانيوال ، في المانيوال لازم تدوس دبرياج عشان العربية تفضل ماشية بسلاسة وخصوصا كل ما الغيار قل والسرعة زادت ، يعنى اخر الاول واخر التانى .. ( يعنى مش لازم انزل للغيار اللى قبله ، بيحصل على نفس الغيار لو في اخره ..)

عموما انا خارج مشوار كدة النهاردة بعد المغرب ان شاء الله وهجرب كل حاجة ...

لأ يا باشا محدش قال كدا

راجع حضرتك مشاركاتى السابقة هتلاقينى كاتب

إن الفتيس الأوتوماتيكى بيفصل لما الموتور يبطل
إنما طول ما العربية ماشية والمحرك شغال الفتيس موصول طالما على dزيه زى المانيوال بس المانيوال تعشيقة أقوى والكيك داون فيه هيبقى أجمد عشان مفيش محول عزوم اللى هو بدوره بيخفف صدمات الغيارات وبيخلى النقلة سلسة نوعا ما بفقدان جزء من العزم

المشاركة الأصلية كتبت بواسطة amrelsaqqa

جربت يا رجالة من شوية

كلامكوا طلع صح

مشيت لحد 50 كدة وبالراحة وبعدين شلت رجلى من ع الدواسة واستنيت شوية لحد ما السرعة نزلت لـ 40 ودست تانى بالراحة وشلت رجلى تانى ( عشان العربية تاخد اعلى غيار ممكن )

وبعدين قمت شايل رجلى و محرك العصاية للـ L ،

في الاول قلت ما حصلش حاجة ، لسة ماكملتش الكلمة ، قامت العربية مهدية فعلا زي المانيوال بالظبط ، بس في delay ثانية ونص كدة .. ، بس تحس ان في مواقف الطوارئ اوى مش هتلحق برضه ، يعنى التأثير مش فوري ، بس فعلا الـ engine brake موجودة ،

وكمان وانا على L على سرعة عالية نسبيا بالنسباله 40 - 50
ادوس بنزين واشيل بسرعة وادوس تانى الاقى العربية بتتنطط وتنتش زي المانيوال بالظبط

بدأت احب الاوتو شوية ، بس برضه مش زي المانيوال في سرعة الاستجابة وانك تكون مطمن ان العربية هتعمل اللى انت عايزه بالظبط في الـ real time

وكمان الواحد لما بيعمل الحركات دى في الفتيس الاوتو بيحس بتأنيب الضمير وانه بيقصف عمر الفتيس مش عارف ليه :D

أنا كمان بحس بتأنيب الضمير وبخاف على الفتيس من كتر كلام الناس وعشان كمان حكاية محول العزوم وضغط الزيت دى


أما اللى جامد فعلا الإيزى ترونيك فتيس مانيوال بدبرياج وعصا فتيس أوتوماتيكية

دا بقى اللى هيديك نفس أحساس المانيوال بس بطريقة ظريفة ومبتكرة


أما بالنسبة لل delay دا مش موجود عندى أنا عندى استجابة فورية جدا بمجرد ما أرجع غيار العربية بتعمل ال engine break هو ممكن يبقى فيه تأخير استجابة مع بعض الفتيسات الأوتو أو مع الفتيس الإيزى ترونيك زى الكورولا على قول ملاكها وزى الأوبل فيكترا سى

لا مؤاخذة فى المشاركة السابقة brake بدلا من break