استطلاع رأى .. هل فعلاً القيادة المانيوال أكثر أماناً ضد الحوادث

**golden_web_2007** · 06-12-2012 11:46 AM

[justify]أعضاء المنتدى الكرام .. مساء الفل عليكم جميعاً ..
[/justify][justify]
سؤالى اللى اتمنى تشاركو فيه كلكم ..

هل القيادة المانيوال اكثر أماناً ضد الحوادث من القيادة الاوتوماتيك ..

اللى دفعنى للسؤال ده .. ان واحد من أعز اصدقائى بـاع الجولييت بتاعته مانيوال طبعاً و إشترى نوبيرا اوتوماتيك و تاعباه فى فراملها و فتيسها ساعات بيهيس .. كان الكلام ده من سنة تقريباً و من ساعتها عمل حادثتين بالعربية و دفع دم قلبه طبعاً عشان يصلحها و يرجعها لحالها .. و من كام يوم كنا بنتناقش و كل اللى فى المكان أكد على ان سواقة المانيوال اكثر أمانـاً و بتعبير البعض
" سواقة المانيوال تخليك تعرف تلم نفسك أسرع و تحكمك فى العربية بيكون أزيد " .. و واحد تانى قال
" انا عاوز اسوق عربية انا اللى راكبها مش هى اللى راكبانى " ..

يا ترى رأيكم أيه ؟
و يا ريت الخبراء يفيدونا من الناحية الفنية كمان .. هل المانيوال أكثر أماناً فعلاً ؟
[/justify]

**Amr Axel** · 06-12-2012 12:23 PM

لا يا باشا بالعكس ساعات المانيوال بيسبب ان الناس تتلخم لأن فيه ناس متقدرش تعمل كذا حاجة في مرة واحدةيعني يدوس فرامل و يغير النقل و يحود فممكن واحد يتلخمو ميعملش كل دول في نفس اللحظة فيتسبب في حادثة فالموضوع يختلف من شخص لشخص
الاوتوماتيك افضل في السواقة العادية و يريحك و متتلخمش

لكن المانيوال أفضل انك ممكن تعمل فرملة بالموتور بجانب الفرملة العادية عشان تقف اسرع
او لو عايز تشد اسرع عشان تفادي حاجة المانيوال يساعدك اكتر من الاوتوماتيك
و طبعا المانيوال أأمن في الفلوس هههههههه لأن سعره بيكون ارخص من الاوتوماتيك بكتيير
ده رأيي الشخصي
اما بخصوص صديقك ممكن لسه مش متعود ع الاوتوماتيك و انا شبه متأكد ان الحوادث اللي عملها ياما الخبطة ورا ياما في الجنب قدام :)

**ak_626** · 06-12-2012 12:57 PM

المشاركة الأصلية كتبت بواسطة ak_626

اخي الكريم
من واقع خبره في السواقة اكثر من عشرين سنه في الخليج و في مصر ارشح المانيوال لمصر و الاتوماتيك لاي بلد اخرى.
مع العلم ان الجميع سوف يقول لك من واقع الزحام الشديد هنا الاتوماتيك عملي اكثر واريح و هذا صحيح و لكن له عيوبه فبعد فترة شأت ام ابيت سوف تسرح و انت سائق و لن تسعفك فرامل او استجابة الاتوماتيك.
اما اليدوي فيبقيك مركز اكثر في القيادة لانك علطول مشغول كما ان استجابة السيارة تكون اعلى و ادق.
و الله يحمينا و يحرصنا جميعا.

و لابد ان تعلم ان الاتوماتيك بيستهلك تيل فرامل بسرعه مقارنة بالمانيوال و اعطاله يمكن ان تكون اقل و ذلك حسب قيادتك و لا قدر الله لو حدث عطل للفتيس الاتوماتيك فافضل حل له هو التغير و لا تصدق اي حد يقول لك يتصلح لانه مش هيكمل و هيبوظ تاني ده غير ان ممكن يحصل ليك او تسريب في دورة الهايدروليك ممكن تخليك تلف حوالين نفسك.

**تامر.محمد** · 06-12-2012 12:57 PM

حسب فرامل العربية

**SAMEH_FOUAD** · 06-12-2012 12:59 PM

متعة القيادة فى المانيوال , لكن الاتوماتيك مريح لواحد عايز يشترى دماغة ويجيب عربية هية اللى تمشية وهو اكتر حاجة يعملها يدوس بنزين ويلف الدركسيون ويريح رجلة على الفرامل

وبالنسبة للامان من الاتنين , دة لية عيوبة ودية لية مميزاتة والعكس

بس لو هناخد بالنقاط النهائية يبقى المانيوال يكسب

**MohammedAladel** · 06-12-2012 01:08 PM

الأوتوماتيك أءمن لأنك مش بتعمل غير حاجتين بتزود بنزين أو بتدوس فرامل

الأوتوماتيك دايما بتبقى واخدة غيار طول ما هى ماشية أو حتى واقفة طالما على d

أغلب الأوتوماتيك اللى طالع اليومين دول ستبترونيك بحيث إنك ممكن تعمل فرملة للموتور برضه لكن فرملة الموتور فى الفتيس المانيوال بتبقى أقوى ودا يرجع لعدم وجود محول عزوم

إنت أول ما بترفع رجلك من على البنزين فى العربية الأوتوماتيك بتبقى ماشية على الغيار كل ما العربية تهدى أو إنت تفرمل بتنزل للغيار الأقل وهكذا

عكس المانيوال لازم تمورها قبل ما تعدى المطب مثلا عشان تدى الغيار الأول أو التانى وتبدأ تاخد سرعتك

فى الفرامل الفجائية استجابة الفتيس الأوتوماتيك بتكون أسرع بينزل غيارات بسرعة وأول ما تقف تلاقى نفسك طالع على الغيار الأول

أما الفتيس المانيوال لو على ال 5 وفرملت فجأة الغيارات مش هتنزل غير بطريقة يدوية

بس فرملة الموتور مع الفتيس المانيوال هتكون أقوى

وعشان كدا بقول إن العربية الأوتوماتيك أكثر أمان لسهولة استخدام وظائفها

**MohammedAladel** · 06-12-2012 01:15 PM

الأوتوماتيك أءمن لأنك مش بتعمل غير حاجتين بتزود بنزين أو بتدوس فرامل

الأوتوماتيك دايما بتبقى واخدة غيار طول ما هى ماشية أو حتى واقفة طالما على d

أغلب الأوتوماتيك اللى طالع اليومين دول ستبترونيك بحيث إنك ممكن تعمل فرملة للموتور برضه لكن فرملة الموتور فى الفتيس المانيوال بتبقى أقوى ودا يرجع لعدم وجود محول عزوم

إنت أول ما بترفع رجلك من على البنزين فى العربية الأوتوماتيك بتبقى ماشية على الغيار كل ما العربية تهدى أو إنت تفرمل بتنزل للغيار الأقل وهكذا

عكس المانيوال لازم تمورها قبل ما تعدى المطب مثلا عشان تدى الغيار الأول أو التانى وتبدأ تاخد سرعتك

فى الفرامل الفجائية استجابة الفتيس الأوتوماتيك بتكون أسرع بينزل غيارات بسرعة وأول ما تقف تلاقى نفسك طالع على الغيار الأول

أما الفتيس المانيوال لو على ال 5 وفرملت فجأة الغيارات مش هتنزل غير بطريقة يدوية

بس فرملة الموتور مع الفتيس المانيوال هتكون أقوى

وعشان كدا بقول إن العربية الأوتوماتيك أكثر أمان لسهولة استخدام وظائفها

-

الموضوع: استطلاع رأى .. هل فعلاً القيادة المانيوال أكثر أماناً ضد الحوادث

LinkBack

أدوات الموضوع

عرض

-

-

-

-

المواضيع المتشابهه

تعرف على علم التصادم وكيف أصبحت وسائل النقل أكثر أماناً

تعلم القيادة المانيوال بالفيديو ..

رخصة القيادة انتهت منذ أكثر من 3 شهور

أكثر السيارات الصغيرة أماناً لسنة 2010

الكلمات الدلالية لهذا الموضوع

المفضلات

المفضلات

ضوابط المشاركة