التجميع المصرى احسن من غيره كتيــــــــــــــــــــــ ـــــــــــــــــــــــر

**GoldenManEye** · 16-07-2008 11:33 AM

نعيب زماننا و العيب فينا ...... وما لزماننا عيب سوانا

**Nader** · 16-07-2008 11:52 AM

ممكن تتوقع عيوب في اي منتج لأي مْصنع لان

عملية التصنيع فيها جزء بشري والكمال لله وحدة

لكن من الطبيعي ان نسبة وجود العيوب بتكون

نسبة ضئيلة وشبة منعدمة في كثير من الاحيان.

لكن هنا في مصر انت بتشتري المنتج او بمعنى ادق

هقول العربية المتقفلة في مصر وانت عارف ومتأكد

ان فيها عيوب تقفيل وصناعة وبلاوي سودة. ودة مش

جاي من فراغ لأ دي نتيجة للفهلوة والاهمال والتكاسل

والجشع وغياب الضمير.

هو دة الفرق بين الشك واليقين!! .... وعجبي!!

**أبو عبدالله** · 16-07-2008 02:31 PM

المشاركة الأصلية كتبت بواسطة Nader

ممكن تتوقع عيوب في اي منتج لأي مْصنع لان

عملية التصنيع فيها جزء بشري والكمال لله وحدة

لكن من الطبيعي ان نسبة وجود العيوب بتكون

نسبة ضئيلة وشبة منعدمة في كثير من الاحيان.

لكن هنا في مصر انت بتشتري المنتج او بمعنى ادق

هقول العربية المتقفلة في مصر وانت عارف ومتأكد

ان فيها عيوب تقفيل وصناعة وبلاوي سودة. ودة مش

جاي من فراغ لأ دي نتيجة للفهلوة والاهمال والتكاسل

والجشع وغياب الضمير.

هو دة الفرق بين الشك واليقين!! .... وعجبي!!

كلام مظبوط واحب ازود كمان حاجه
الا وهيا ان اللي عارف مشكلة الناس هيعرف هما هينتجوا ازاي كده

يعني
الناس بصراحه في بلدنا ينقصها كثيرا كثيرا من احساس الجودة او يعني ايه تقفيل جيد او احساس بجودة المعيشة ونظافتها

يعني ازاي انا ابقى معيشتي زي الزفت ومعنديش خبرات سابقه في اني ارى كل شئ منظم وجميل وفي مكانه وعاوزني ادخل انتجلك حاجه متقفله في مكانها صح

الأحساس ده لو مش موجود عند العامل
هتبقى العمليه ماشيه زي اي نظام لو غاب المسؤول او الريس هيعمل اللي في دماغه وخلاص وخلص يا عم احنا فيقينلهم

هيا دي اهم حاجه

**yahyanaabil** · 16-07-2008 03:36 PM

يا جماعه انا ماركبتش عربيه الا وكانت تقفيل مصرى (شاهين ,لانوس ,صنى) الحمد لله مكنش فيها اى عيوب تقفيل والشاهين عدت ال200 الف منه غير ما يتعمل فى موتورها اى غير الصيانات العاديه وانا مش مقتنع بحاجه اسمها عيوب تقفيل فى المصرى والناس بتخلط بين عيوب تقفيل وعيوب صناعه
-

**MOHAMED ABD EL SHAFY** · 06-08-2008 04:15 PM

يعنى ايه اشجع منتج وطنى او تجميع مصرى
ازا كان هوا ما حترمنيش وبيضحك عليا وبيغشنى
ومشاكل غبور لا حصر لها
ازا كان هوا بيسرقنى عينى عينك ومغلى سعر السيارة اكثر من ثمنها الاصلى بمراحل
ازا كان لو انا احتجتله فى الصيانة بيبيع ويشترى فيا
الدولة مرحمتنيش من الغلاء وزودت اسعار البنزين وسعر الغيار فى الطالع
مين بقى هيمد ايدة ويدفعلى فلوسى مع غبور دا
انا فلوسى اهم عندى من القرف دا
انا اشترى التقفيل الخارجى لانهم بيكون عندهم ضميير اكتر وبيحافظوا على اسمهم
ممكن اشترى مستعمل متقفل برة احسن ما اجيب مصرى مغشوش
لو معايا 80 الف اشترى بى ام دبانة المانى احسن ما اجيب زيرو ورقه فى مهب الريح
واشترى راحه بالى وفلوسى اللى تعبت فيها
افتح كدا عربية مصنوعة فى المانيا مثلا وشوف التقفيل والخامات وشوف كاوتش الباب عامل ازاى وشوف تقفيل الفينش بتاعها
تحس انهم عاوزين يرضوك ويديك منتج يعيش معاك سنيين وسنيين

**mahamedaraby** · 06-08-2008 04:29 PM

طيب انتوا ليه سايبن كل حاجه وماسكين فى غبور هو غبور بس اللى بيجمع

ماعندك النيسان صنى تحفه بسم الله ما شاء الله الجيب شيروكى فى مصانع الهئيه العربيه للتصنيع مفيش كلام عليها وعندك الشاهين اللى ماشيه فى شوراعنا زى الفل والتاكسى شغاله عليها

ياجدعان عملين تقول البنزين البنزين ما طبيعيى ان اسعاره تبقى كده ما تشوف سعره بره وصل كام احنا بنستورده فلازم نتاثر بالسعر الخارجى اكيد

**احمدعبدالعزيز** · 16-02-2009 10:20 AM

المشاركة الأصلية كتبت بواسطة yahyanaabil

يا جماعه انا ماركبتش عربيه الا وكانت تقفيل مصرى (شاهين ,لانوس ,صنى) الحمد لله مكنش فيها اى عيوب تقفيل والشاهين عدت ال200 الف منه غير ما يتعمل فى موتورها اى غير الصيانات العاديه وانا مش مقتنع بحاجه اسمها عيوب تقفيل فى المصرى والناس بتخلط بين عيوب تقفيل وعيوب صناعه
-

وانا احب اضيف انى ركبت النوبيرا تقفيل مصرى وكانت ممتازه
وركبت التويوتا كورلا موديل 1998 وكانت كله عيوب تصنيع وليس تقفيل .

وايضا السكودا فيلشيا تقفيل تشيكى وبها عيوب .

واخيرا التويوتا الجديده ايضا بها عيوب فى الفتيس .

يا جماعه هو حلال ليهم انه يغلط وحرام على المصرى .

**Eng_yahia_ali** · 19-02-2009 01:28 PM

المشاركة الأصلية كتبت بواسطة yahyanaabil

يا جماعه انا ماركبتش عربيه الا وكانت تقفيل مصرى (شاهين ,لانوس ,صنى) الحمد لله مكنش فيها اى عيوب تقفيل والشاهين عدت ال200 الف منه غير ما يتعمل فى موتورها اى غير الصيانات العاديه وانا مش مقتنع بحاجه اسمها عيوب تقفيل فى المصرى والناس بتخلط بين عيوب تقفيل وعيوب صناعه
-

يا عالم لو كنت جربت مره واحده عربيه أوربي او ياباني كان سعتها رايك هيكون ايه

-

-

الموضوع: التجميع المصرى احسن من غيره كتيــــــــــــــــــــــ ـــــــــــــــــــــــر

LinkBack

أدوات الموضوع

عرض

-

-

-

-

-

-

المواضيع المتشابهه

هل يوجد فرق بين التقفيل و التجميع المصرى و بين التوك توك الهندى !!؟

ما هوه احسن نوع زيت للسيارات فى السوق المصرى

لا توكيل و لا غيره .. !!

ايهما احسن الادا الروسى ولا المصرى ارجو الافاده

التجميع المحلى لافيو

الكلمات الدلالية لهذا الموضوع

المفضلات

المفضلات

ضوابط المشاركة