التجميع المصرى احسن من غيره كتيــــــــــــــــــــــ ـــــــــــــــــــــــر

كنت بتكلم مع واحد صاحبى عاوز يشترى عربية ولما عرف انها اتجمعت فى مصر قالى بكل عوجان انا ماركبش عربيه تجميع مصرى والمهم انه بعد كده اشترى عربيه ماليزى !!!!!!!!!!!!!!!!!!!!!!!!!

ليس التصنيع المصرى فقط اللى فيه عيوب وانا فعلا بزل جــــــــــــــــــــــــ ــــــــــــــــــــــدا لما الناس بتهاجم التقفيل المصرى على الكبيرة
والصغيره والله بلدنا جميله ولكن العيب فينا احنا .

مثال التقفيل الكورى .

1- الشفورليه الاوبترا :- بعد مرور سته اشهر من استلامها تم تسريب المياه من القربه بتاعة المياه

وتم تغيرها ( ســــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــوء تصنيع )


2- اسكودا اكتافيا A4 والله العظيم بعد الترخص مباشرا مفتاح الانتظار كان بيشتغل مره وعشره لا

وتم تغيره فى التوكيل ( ســــــــــــــــــــــــ ـــــــــــــــــــــــــ ـــــــــــــــــــــــــ ـوء تصنيع )


يبقى ليه المصرى كل الناس بتهجمو بالطريقه دى !!!!!!!!!!!!!!!!!!!!!!!!!!!!!!!!!!!


حبك بيجرى فى دمى يا بلدى مصـــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــر



.

اقتباس:

---

المشاركة الأصلية كتبت بواسطة zizo

1- الشفورليه الاوبترا :- بعد مرور سته اشهر من استلامها تم تسريب المياه من القربه بتاعة المياه

2- اسكودا اكتافيا A4 والله العظيم بعد الترخص مباشرا مفتاح الانتظار كان بيشتغل مره وعشره لا
.

---

يا راجل ودى كده عيوب :D

ده احنا عندنا التوكسافين كله

اتفق معاك 100%,
أنا راكب عربية فيها نسبة كبيرة من المكونات المصرية شاهين 1600,
الصراحة مفيش أى عيوب تصنيع حصلت سوى الكلاكس كانت واحدة من الماكنتين بايظة, و غيرتهم فى التوكيل تبع الضمان, فيما عدا هذا العيب البسيط و غير المؤثر, العربية بقالها 46 الف حاليا مفيش اى مشكلة حصلت و معرفش الكبوت بيتفتح منين,
الكاوتش النسر المصرى قعد 45 الف و غيرته و هو بحالة لا باس بها ابدا بالنسبة لفردة تمنها 180 جنيه, كان فيه كاوتشه مقطوعة و اتركبلها داخلى(و ده مش عيب من الكاوتش) و كاوتشه واحدة فيها عالى و واطى و الباقى بحالة جيدة.
التيل غيرته بتيل مصرى و كان أعلى سعرا من التايوانى و الصينى, و أثبت نفسه, لما غيرت التيل اول مرة كان مش مصرى و المصيبة انو اتاكل من ناحية و ناحية لأ و كان قرب يبوظلى الطنابير,
غيرت التيل بتيل مصرى و اختفت اعراض السخونة (ينخفض اداء التيل مع تكرار استخدامه لفترات متقاربة), و لحقت الطنابير و بقاله معايا 10 الاف كيلو من غير اى مشكلة و الفرامل اكثر من رائعة.
بصراحة انا شايف انو الصناعة المصرية بتقدم منتجات مطابقة للمواصفات و مفيهاش غش تفتقد للجاذبية قليلا لكنها مش مغشوشة و دى اهم حاجة.

معلش يازيزو حضرتك كام سنه فى مصر؟

انا معاك ان المصري احسن من حاجات تانية بس برضه مستواه متدني يعني روح بص علي لانوس و فيرنا عاملين ازاي من التقفيل و التجميع المصري و في حاجات بتطلع كويسة و حاجات بتطلع تعبانة جدا جدا بصراحة لو المستوي بقي علي الاقل متوسط مش هقولك عالي الجودة بس متوسط الواحد يشتري ليه لا انما بالتدني ده بصراحة مش هسيب الاحسن و اروحله

يا استاذ زيزو التجميع المصرى مش هو العيب وانا معاك اننا مش نهاجم
بس العيب فى الناس المسئوله يا عنى انته عندك مرسيدس وbmw
فى تقفيل مصرى وماشاء الله وبيتصدر بس تحت اشراف مين مهندسين المان والخطاء بفلوس
لكن مثلا هيونداى فيرنا ماشاء الله عربيه بطيخه من كل 100 عربيه عربيه سليمه ده ناتج ان المسئول منفض للزبون
يبقه العيب مش التقفيل المصرى العيب صاحب القرار بس

لا بصراحة انا احنا احسن ناس بنجمع عربيات من زمااااااااااااااااااااااا ااااان


بس الكلام ده لما كان الناااااااااااااااااس اللي بتجمع سوا اصحاب الشركات او العمال مابقاش عنده ضميييييييييييييييييييييير بس هي ده المشكلة


ليه بقى احنا بنقول اه التجميع المصري لا يعلى عليها ده احنا بنجمع مرسيدس وبي ام وجيب ومنها مايصدر الى الخارج ايضا و لاكن هناك سؤال يطرح؟؟؟

1- العامل اللي بيشتغل في ابو غالي زي اللي بيشتغل في غبووووووووووووور
2- هل نفس الظروف اللي في الشغل متوفرة في الاتنين
3- هل نفس المرتب بياخدوه الاتنين
4- هل نفس المعدات والخبراء اللي موجودين هيا هيا
5- بالنسبة للخبراء في الشركة هل هو (( مصري * من نفس الجنسية اللي بتصنع فيها العربية )) اما لا


ده اللي مفروض يتقال موش احنا بنقفل مرسيدس وبي ام وموش هانعرف نقفل هيونداي


لا طبعا الكلام ده غلط 100*100 لانك ما تقدرش تحكم على شركتين او اكتر على ان اللي فيهم بيقفلوه صح والتانيين لا بصراحة الاربعة الاسئلة اللي فوق لو جاوبناهم هانعرف ايه الفرق بين تقفيل البي ام والمرسيدس وغيره من العربيات زي الادا الهيونداي وغييييييييييييييييييييييي ييييره

صح ولا لا موش نقول تقفيل زبالة لاه يا سيدي ابعد عن المصري






بصراحة الكلام ده غلط


اقرب حاجة هات نيسان صني تقفيل بره مصري وتقفيل مصري واتفرج وادعي للخواجة

الموضوع يتلخص فى مصلحتى .
ازاى !!؟؟

قدامى منتج مصرى ب 20 جنيه , وقدامى منتج مستورد بنفس الجوده او احسن 15 جنيه . حشوف مصلحتى واجيب المستورد .

قدامى منتج مصرى ب 20 جنيه ومنتج مستورد ب 20 جنيه و بجوده احسن حجيب المستورد .

ده شعار انا اتخذته بعد ارتفاع اسعار البنزين ..... مصلحتى ثم مصلحتى . مع العلم انى كنت من مشجعى الصناعه الوطنيه "و خصوصا صناعات دكتور احمد بهجت ... ومعظم اجهزه البيت من د- بهجت .... حتى مشترك فى انترنت مصر " تبع شركه بهجت " .

لكن الحق يتقال جبنا غساله دايو " مصرى " طلع فيها مشكله و جه فنى الصيانه كذا مره و الصيانه مش عارفه تصلح الغساله وعاوزين يقنعونى ان تصميمها كده !!! و وصلت لطريق مسدود . بعد ما اقنعنى الفنى ان تصميم الكورين للغساله كده !!!:chef:. ( عاوزين يقنعونى ان تصميم الكورين للغساله انها ماتغسلش غسيل اقل من 1 كيلو !!) طبعا تهريج وكلام فارغ .

جبت تلفزيون جروندج " مصرى " و اتركن فتره ... لما جينا نستعمله كان بايظ و محتاج قطع غيار ب 600 جنيه تقريبا !!!!:eek_yello::pinch::pinch:


ازاى اتكلم عن تشجيع منتج بلدى ... اذا كان الى بيصنع المنتج ده مش بيصنعه بضمير .. او بيصنعه بجوده متدنيه ؟؟؟؟

عموما انا معنديش ادنى اعتراض انى اشترى منتج مصرى طلاما انه على جوده ممتازه ..... او على جوده جيده بس يكون بسعر منافس واقل من المستورد . غير كده مش حضحك عليكم بشعارات .:innocent:

ايوة بالزبط كده يا استاذ MohabSaeed مصلحتي الاول والافضل فين

اقتباس:

---

غير كده مش حضحك عليكم بشعارات .:innocent:

---

وده الكلام المزبوط

اقتباس:

---

المشاركة الأصلية كتبت بواسطة M_HaFeZ

معلش يازيزو حضرتك كام سنه فى مصر؟

---

هما مش كتير (32 ) سنة

عارف كل العيوب اللى فيها وتكاد تكون مفياش مميزات بس برضه بحـــــــــــــــــبها لان العيب مش فيها العيب فينا احنا بنعيب واحنا العيب فينا


.



.

نعيب زماننا و العيب فينا ...... وما لزماننا عيب سوانا

ممكن تتوقع عيوب في اي منتج لأي مْصنع لان

عملية التصنيع فيها جزء بشري والكمال لله وحدة

لكن من الطبيعي ان نسبة وجود العيوب بتكون

نسبة ضئيلة وشبة منعدمة في كثير من الاحيان.



لكن هنا في مصر انت بتشتري المنتج او بمعنى ادق

هقول العربية المتقفلة في مصر وانت عارف ومتأكد

ان فيها عيوب تقفيل وصناعة وبلاوي سودة. ودة مش

جاي من فراغ لأ دي نتيجة للفهلوة والاهمال والتكاسل

والجشع وغياب الضمير.


هو دة الفرق بين الشك واليقين!! .... وعجبي!!

طبعا ماجبش التقفيل المصري....
اسأل مجرب و لا تسأل طبيب:(

فكره التقفيل المصري طبعا بيفرق من شركه لشركه
و طبعا غبور واخد 5 نجوم في رداءه التجميع
و علي فكره بجد ....التجميع لما بيكون غلط من الاول هتلاقي حاجات كتير غلط في الأخر....
يعني الموضوع مش مشكله ولا اتنين بس

اقتباس:

---

المشاركة الأصلية كتبت بواسطة Nader

ممكن تتوقع عيوب في اي منتج لأي مْصنع لان

عملية التصنيع فيها جزء بشري والكمال لله وحدة

لكن من الطبيعي ان نسبة وجود العيوب بتكون

نسبة ضئيلة وشبة منعدمة في كثير من الاحيان.



لكن هنا في مصر انت بتشتري المنتج او بمعنى ادق

هقول العربية المتقفلة في مصر وانت عارف ومتأكد

ان فيها عيوب تقفيل وصناعة وبلاوي سودة. ودة مش

جاي من فراغ لأ دي نتيجة للفهلوة والاهمال والتكاسل

والجشع وغياب الضمير.


هو دة الفرق بين الشك واليقين!! .... وعجبي!!

---

كلام مظبوط واحب ازود كمان حاجه
الا وهيا ان اللي عارف مشكلة الناس هيعرف هما هينتجوا ازاي كده

يعني
الناس بصراحه في بلدنا ينقصها كثيرا كثيرا من احساس الجودة او يعني ايه تقفيل جيد او احساس بجودة المعيشة ونظافتها

يعني ازاي انا ابقى معيشتي زي الزفت ومعنديش خبرات سابقه في اني ارى كل شئ منظم وجميل وفي مكانه وعاوزني ادخل انتجلك حاجه متقفله في مكانها صح

الأحساس ده لو مش موجود عند العامل
هتبقى العمليه ماشيه زي اي نظام لو غاب المسؤول او الريس هيعمل اللي في دماغه وخلاص وخلص يا عم احنا فيقينلهم

هيا دي اهم حاجه

يا جماعه انا ماركبتش عربيه الا وكانت تقفيل مصرى (شاهين ,لانوس ,صنى) الحمد لله مكنش فيها اى عيوب تقفيل والشاهين عدت ال200 الف منه غير ما يتعمل فى موتورها اى غير الصيانات العاديه وانا مش مقتنع بحاجه اسمها عيوب تقفيل فى المصرى والناس بتخلط بين عيوب تقفيل وعيوب صناعه
-

يعنى ايه اشجع منتج وطنى او تجميع مصرى
ازا كان هوا ما حترمنيش وبيضحك عليا وبيغشنى
ومشاكل غبور لا حصر لها
ازا كان هوا بيسرقنى عينى عينك ومغلى سعر السيارة اكثر من ثمنها الاصلى بمراحل
ازا كان لو انا احتجتله فى الصيانة بيبيع ويشترى فيا
الدولة مرحمتنيش من الغلاء وزودت اسعار البنزين وسعر الغيار فى الطالع
مين بقى هيمد ايدة ويدفعلى فلوسى مع غبور دا
انا فلوسى اهم عندى من القرف دا
انا اشترى التقفيل الخارجى لانهم بيكون عندهم ضميير اكتر وبيحافظوا على اسمهم
ممكن اشترى مستعمل متقفل برة احسن ما اجيب مصرى مغشوش
لو معايا 80 الف اشترى بى ام دبانة المانى احسن ما اجيب زيرو ورقه فى مهب الريح
واشترى راحه بالى وفلوسى اللى تعبت فيها
افتح كدا عربية مصنوعة فى المانيا مثلا وشوف التقفيل والخامات وشوف كاوتش الباب عامل ازاى وشوف تقفيل الفينش بتاعها
تحس انهم عاوزين يرضوك ويديك منتج يعيش معاك سنيين وسنيين

طيب انتوا ليه سايبن كل حاجه وماسكين فى غبور هو غبور بس اللى بيجمع

ماعندك النيسان صنى تحفه بسم الله ما شاء الله الجيب شيروكى فى مصانع الهئيه العربيه للتصنيع مفيش كلام عليها وعندك الشاهين اللى ماشيه فى شوراعنا زى الفل والتاكسى شغاله عليها


ياجدعان عملين تقول البنزين البنزين ما طبيعيى ان اسعاره تبقى كده ما تشوف سعره بره وصل كام احنا بنستورده فلازم نتاثر بالسعر الخارجى اكيد

اقتباس:

---

المشاركة الأصلية كتبت بواسطة yahyanaabil

يا جماعه انا ماركبتش عربيه الا وكانت تقفيل مصرى (شاهين ,لانوس ,صنى) الحمد لله مكنش فيها اى عيوب تقفيل والشاهين عدت ال200 الف منه غير ما يتعمل فى موتورها اى غير الصيانات العاديه وانا مش مقتنع بحاجه اسمها عيوب تقفيل فى المصرى والناس بتخلط بين عيوب تقفيل وعيوب صناعه
-

---

وانا احب اضيف انى ركبت النوبيرا تقفيل مصرى وكانت ممتازه
وركبت التويوتا كورلا موديل 1998 وكانت كله عيوب تصنيع وليس تقفيل .

وايضا السكودا فيلشيا تقفيل تشيكى وبها عيوب .

واخيرا التويوتا الجديده ايضا بها عيوب فى الفتيس .

يا جماعه هو حلال ليهم انه يغلط وحرام على المصرى .

انا معايا نوبيرا 2008 ونيسان صنى
بصراحة محدش يقدر يطلع فيهم حاجة واحدة غلط فى التقفيل بسم الله ما شاء الله

اقتباس:

---

المشاركة الأصلية كتبت بواسطة yahyanaabil

يا جماعه انا ماركبتش عربيه الا وكانت تقفيل مصرى (شاهين ,لانوس ,صنى) الحمد لله مكنش فيها اى عيوب تقفيل والشاهين عدت ال200 الف منه غير ما يتعمل فى موتورها اى غير الصيانات العاديه وانا مش مقتنع بحاجه اسمها عيوب تقفيل فى المصرى والناس بتخلط بين عيوب تقفيل وعيوب صناعه
-

---

يا عالم لو كنت جربت مره واحده عربيه أوربي او ياباني كان سعتها رايك هيكون ايه:Zb_sor1[1]:

اللي أعرفه ان اللي بيركب مثلا عيون أو شيروكي معمولة في بلدها وبعدين يركب المصري بيقول ان المصري سيئ وأسوأ بكتير من الألماني أو الأمريكي ودا بالنسبة لواحد راكب العربية
انا أختي جابت أفيو (اوتوماتيك - تقفيل مصري) في أول مشوار لي بيها لقيت الطارة واخدة لفة يمين والعربية عادي ماشية استرييت وخليتهم عدلوها في صيانة الخمسة وكشفت على الزوايا ( بصراحة قلقت من اليي باسمعه من تصليح الحوادث وبيع العربية تاني وكدة وطلعت زي الفل والحمد لله)
والمشاركة رقم 16 فيها الشفاء

مفيش حاجه مصنعه وكامله.......الا صنع الخالق سبحانه وتعالى.....ففيه كل الكمال.................

بس أحنا فى مصر ينقصنا شوية مراقبه للمولى جل جلاله........على الرغم من توافر كل المؤهلات لبناء أنسان مصرى متفوق......علشان الفكر المصرى فيه أمكانيات ملهاش حل....بس ياخساره....مفيش أحتضان وتشجيع لهذه الكفاءات

يا جماعة العملية عملية ضمير
الى يراعى ربنا في شغله ربنا هيكرمه لو كان فى ماليزيا &مصر&الصين
اى حته

ايوة بالزبط كده يا استاذ MohabSaeed مصلحتي الاول والافضل فين

فى حاجه مهمه يا جماعه و هى :
العربيه تقفيل ايه ؟؟مصرى مثلا طيب قطع غيارها ايه ؟؟
يعنى مثلا انا معايا استرا 2006 قطع غيار برازيلى تقفيل مصرى ........... و الله العيوب الى فيها مش بسبب التقفيل لا دى بسبب قطع الغيار البرازيلى لانها متقفله فى نفس المصنع الى قفل الفيكترا 1994 و 1998 و 2001 و دول مفيهومش عيوب تقفيل ليه ؟؟لانهم قطع غيار المانى ......
يبقى مينفعش نظلم التقفيل المصرى اوى كده .


بس انا بفضل انى اركب كل عربيه حسب بلداه يعنى اوبل اجيبها المانى و فولكس المانى و سكودا تشيكى ...
مرسيدس و بى ام معرفش اجيبهم غير مصرى .......

اقتباس:

---

المشاركة الأصلية كتبت بواسطة cobraa2008

لا بصراحة انا احنا احسن ناس بنجمع عربيات من زمااااااااااااااااااااااا ااااان


بس الكلام ده لما كان الناااااااااااااااااس اللي بتجمع سوا اصحاب الشركات او العمال مابقاش عنده ضميييييييييييييييييييييير بس هي ده المشكلة


ليه بقى احنا بنقول اه التجميع المصري لا يعلى عليها ده احنا بنجمع مرسيدس وبي ام وجيب ومنها مايصدر الى الخارج ايضا و لاكن هناك سؤال يطرح؟؟؟

1- العامل اللي بيشتغل في ابو غالي زي اللي بيشتغل في غبووووووووووووور
2- هل نفس الظروف اللي في الشغل متوفرة في الاتنين
3- هل نفس المرتب بياخدوه الاتنين
4- هل نفس المعدات والخبراء اللي موجودين هيا هيا
5- بالنسبة للخبراء في الشركة هل هو (( مصري * من نفس الجنسية اللي بتصنع فيها العربية )) اما لا


ده اللي مفروض يتقال موش احنا بنقفل مرسيدس وبي ام وموش هانعرف نقفل هيونداي


لا طبعا الكلام ده غلط 100*100 لانك ما تقدرش تحكم على شركتين او اكتر على ان اللي فيهم بيقفلوه صح والتانيين لا بصراحة الاربعة الاسئلة اللي فوق لو جاوبناهم هانعرف ايه الفرق بين تقفيل البي ام والمرسيدس وغيره من العربيات زي الادا الهيونداي وغييييييييييييييييييييييي ييييره

صح ولا لا موش نقول تقفيل زبالة لاه يا سيدي ابعد عن المصري






بصراحة الكلام ده غلط


اقرب حاجة هات نيسان صني تقفيل بره مصري وتقفيل مصري واتفرج وادعي للخواجة

---

+1111111111111

زى ماقال الاستاذ مهاب مصلحتى
مش معقول اروح اشترى مثلا تليفزيون مصرى بنفس سعر او اقل شويه من تليفزيون مستورد ومعروف انه اقل عمر وجودة علشان اشجع صناعة بلدى كدا ابقا مغفل !
اللى بيصنع المصرى او بيجمعه هو اللى يحاول يطلع منتجه منافس للمستورد !

اقتباس:

---

المشاركة الأصلية كتبت بواسطة NaviGator_13

زى ماقال الاستاذ مهاب مصلحتى
مش معقول اروح اشترى مثلا تليفزيون مصرى بنفس سعر او اقل شويه من تليفزيون مستورد ومعروف انه اقل عمر وجودة علشان اشجع صناعة بلدى كدا ابقا مغفل !
اللى بيصنع المصرى او بيجمعه هو اللى يحاول يطلع منتجه منافس للمستورد !

---

صح كدة !! دي مسئولية اللي بيصنع هو اللي المفروض يشجع الصناعة الوطنية انه يخليها بلاش أرخص بس على الأقل بمستوى جودة ينافس المستورد:K_crying[1]:

سنة 1954 وفد من شركة nec و ما ادراك ما هى .سافر الى كوريا عشان احنااااااااااا نعلم الكوريين ازاى يعملوا تلفزيون

السنة دى كان اقتصاد كوريا من اسوأ 10
دلوقتى كوريا سابع احسن اقتصاد
وفى الاخر يقولك "تجميع مصرى"
يا جدعان مرسيدس بتصرف مليون يورو كل يوم عشان البحث و التطوير و سعادتك هنا روحت تشترى شاشة بنص مليون عشان الناس تشوف تامرحسنى المزور والهارب من خدمة الوطن و هو بيغنى فى جامعة المنصورة
على رأى سعد زغلول "غطينى يا صفية و صوتى عليا"

يغور المنتج المصرى....و تغور صناعة بلدى....
فى سبيل فلوسى اللى شقيت و طلع عينى عشان اجيبها...

خلى الصناعة المصرية الرديئة تندثر يمكن يطلع غيرها صناعة مصرية محترمة...

اكبر تشجيع للمنتج المصرى الردىء انى مش اشتريه...لأ اولع فيه...

اقتباس:

---

المشاركة الأصلية كتبت بواسطة NaviGator_13

زى ماقال الاستاذ مهاب مصلحتى
مش معقول اروح اشترى مثلا تليفزيون مصرى بنفس سعر او اقل شويه من تليفزيون مستورد ومعروف انه اقل عمر وجودة علشان اشجع صناعة بلدى كدا ابقا مغفل !
اللى بيصنع المصرى او بيجمعه هو اللى يحاول يطلع منتجه منافس للمستورد !

---

هل الكلام ده ينطبق على الماركات العالميه اللى بتتصنع فى مصر زى مثلا توشيبا وشارب اللى بيتجمعوا فى مصر لان مثلا تلفزيون توشيبا 20 بوصه تجميع العربى بيعمل 900 جنيه تفتكروا اليابانى منه لو موجود اصلا يعمل كام ..اكيد اكتر من الضعف

علي فكره مصر ترتبها في التقفيل كويس جدا تقريبا رابع او سادس دوله مش فاكر بالتحديد بس المشكله ان احنا مش عايزين نقتنع بالكلام ده
مثلا للسيارات المجمعه محليا المرسيدس و بتصدر للخارج