بخرة بيضاء وانا بدوس بنزين .
السلام عليكم و رحمه الله و بركاته
من كام يوم يا رجالة لاحظت ظهور بخرة بيضاء من الشكمان وانا بدوس على دواسة البنزين وأتاكدت من وجود البخرة لما برضه شوفتها وانا واقف بالعربية وبدوس على دواسة البنزين .
مسحت بصباعي فوهه الشكمان مالقتيش أثار اي زيت محروق .... مع ملاحظة ان الزيت مش بينقص عندي الا قليل اوي اوي وعلى فترات .
في حاجة عايز اقولها , كاوتش الصبابات عندي عايز يتغير عشان بلاقي دخنة بيضاء الصبح في بداية الدوارة بس انا مكسل اعملها دلوقتي .... تفتكروا انها سبب ظهور برضه بخرة وانا ماشي بالعربية ؟؟
العربية عاملها عمرة من حوالي سنه وكنت ماشي على زيت شل الاصفر , واخر مرة غيرت فيها زيت استعملت فالفولين مع اضافة السيراتك ومن ساعتها حصلت البخرة , وبعديها غيرت لزيت فيسكو 3000 واختفت البخرة وبعيدن ظهرت تاني من كام يوم .
العربية لانوس 2 موديل 2000 وعاملة 195000 كم .
وشكرا