اولا تسلو ايدك و موضوع هايل و ثانيا ربنا يصاح حالك و ييسرك امرك ان شاء الله و يجزيك خير علي مجهودك
رقم العضوية : 120598
تاريخ التسجيل : 17Feb2012
المشاركات : 7,632
النوع : ذكر
الاقامة : المنيا
السيارة: لا يوجد
السيارة[2]: Megane II 2007
دراجة بخارية: عجلة فاين آند فاين
الحالة :
السلام عليكم بتواجهنا مشكلة الذبذبة والوشوشة من السماعة سواء أمامية أو خلفية والإصلاح كالتالى
أولا نقرأ الموضوع دا بحرص
http://www.nilemotors.net/Nile/213589-2.html
أنا فكيت الباب قبل كدا لكن مجاش على بالى فكرة إصلاحها إلا بعد ما لاحظت بعض الأعضاء الكرام هنا صلحوها ولما سنحت الفرصة نفذت الموضوع بنجاح
الأدوات المستخدمة مثل الموضوع السابق
مفتاح 10 + طقم مفاتيح ألان كى نجمة ألتروكس هنستخدم منهم مقاسين + علبة سيليكون أو لحام 2 و 11
المفك اللى فى الصورة دا أنا استخدمته عشان أضغط على المكسب اللى فى علبة السيليكون عشان تطلع سيليكون العلبة دى باين عليها نوع أى كلام وسعرها 7 جنيه فيه أنواع أنضف ممكن تستخدموها إنتو بقى
هنفك فرش الباب أولا زى ما موضوع الأستاذ أحمد ما شرح فى الصورة اللى تحت فيه غطاء ليه مكان كدا بأى مفك هنشيله لبرا وهيفضل ثابت هنلاقى مسمار ألانكيه نفكه مشاور عليه بسهم أحمر
كدا حررنا أكرة فتح الباب ولو شديناها بالبرواز البلاستيك هتطلع بس هتفضل معلقة بالسلك بتاعها وأحنا مش محتاجين نفكها خالص هتفضل معانا كدا
بعدين هنفك المسمار الألانكيه اللى مثبت زرار رفع الزجاج بمفتاح ألانكيه أصغر شوية بعد ما نفك المسمار
بنشدها من على الشمال هتطلع معانا عشان ليها لسان من على اليمين زى ما موضوع استاذ احمد ما شارح
ودا اللسان
فيه فيشة هنفكها أنا علمت عليها بالأزرق خفت لأحسن تكون بتركب على أى ناحية لكن أتضح لى إنها بتركب من ناحية واحدة وبس يعنى مينفعش تركبها غلط
هى ليها ودنين هندوس عليهم ونشدها هتلطع هيطلع معانا الزرار بالعلبة بتاعته
كدا الباقى إننا هنشد الفرش علينا لبرا هو ماسك شوية وغلس بس هيطلع معانا بالعافية آه بالعافية
إبدأ فك من فوق ولو بدأت من تحت مفيش مشاكل بس هو غلس شوية
بعد ما يطلع معانا طبعا هنعدى الأكرة منه هتعدى معانا عادى ونطلعه برا
الجزء التانى البلاستيك اللى هنفكه هو اللى فيه السماعة نبص فى الصورة معلم بالأحمر على مسمارين ألانكيه نجمة هنفكهم
فيه مسمار تحت خالص زى ما موضوع الأستاذ أحمد مصوره هنفكه بمفتاح 10
الجزء البلاستيك داخل ضغط هنشده من على الشمال من ال جنب فى الأول لحد ما يتفك هيفضل متعلق من اليمين
هنرفعه من اليمين ونشده لبرا هيطلع معانا بس قبل ما نطلعه هنخلع الزجاجة بتاع لمبة الباب اللى فيها اللمبة من الفيشة بتاعتها ليها ودن بندوس عليها ونشدها
وكمان نفك الفيشة بتاع السماعة ليها ودن برضه ندوس عليها ونشدها
ودا الباب الصاج
نلاحظ حاجة فى الصورة دى فيه حتة زى جلد ملزوقة كدا بس هى ناشفة شوية ومينفعش تطلع حتة واحدة بتكسرها وبتسيب زى بقعة مكانها لو عندك سمكرة فى الجزء دا لازم تشيلها ودى فايدتها إنها تعزل
وإن تبين إذا كان العربية فيها شغل سمكرة ولا لأ
ودى آلة الرفع الموتور والبكرة اللى ملفوف عليها من جوا السلك
ودا الجزء البلاسيتك والسماعة راكبة فيه ليها مسمارين ألانكيه هنفكهم ونطلع سماعتنا
هنا هنبدأ التصليح العملية بسيطة بس نفهم إيه اللى حصل عندى
أنا بصيت على السماعة من فوق ملاحظتش حاجة مقطوعة لكن قلت هجرب شغلت الكاسيت بصوت عالى على الأغنية اللى لاحظت فيها صوت الشوشرة جامد وهى أغنية الأخت الفاضلة نانسى عجرم (بتفكر فى إيه حبيبى وساكت بس ليه ) فى بداية الأغنية فيه شغل جيتار بيخلى السماعة دى تهيس
شفت السماعة لقيتها بتتنفض وترقص من على الحواف بتاع السماعة لاحظت الرق الأسود القماش بتاع السماعة بيفلت من مكانه ويعدى هواء وهو دا القطع اللى عندى
اللى عملته جبت السيليكون وغطيت الجزء دا عشان أثبته
استعملت صباعى الصغيرة عشان موسخش السماعة
ونفس الكلام عملته فى ظهر السماعة من جوا من على الحوافى
ودا شكلها
هو المفروض نسيبها برا يوم مثلا عشان تنشف خالص خصوصا لو نوع السيليكون تعبان ومش بيشد بسرعة زى اللى أنا استعملته
أو ممكن نستعمل سيليكون نوع نضيف
أو نستعمل 2 و 1 بس أنا حبيت السيليكون أكتر عشان بياخد ويدى بس أنا كان لازم أجمع كل حاجة تانى فى نفس الوقت عملت إيه
شغلت الكاسيت قبل ما أركب حاجة لسة وجبت الإيكوليزر من ال Expert واخترت التوازن بتاع السماعات إن السماعات اللى قدام بس اللى تشتغل وجمعت كل حاجة تانى
أنا عملت حاجة تانية زرار رفع الزجاج عاملاه شركة فاليو مصنوع فى فرنسا هو ليه إضاءة خافتة كدا بتلاحظها فى الليل كانت مش شغالة أنا فكيته من العلبة اللى راكب فيها
وفكيته نفسه من نفسه بس مش عارف الصور راحت فين وهزيت اللمبة بتاعته اشتغلت تانى الحمد لله متبقاش غير الصورة دى
ملحوظة مهمة جدا :
بالنسبة للباب الخلفى أحنا فكيناه تمام زى ما موضوع الأستاذ أحمد شارح
بس ناخد بالنا لما نيجى نركبه من حاجة
الباب بيركب من النص الأول أزاى ؟؟
فى الصورة دى فى صاج الباب هنلاحظ شنكلين معلم عليهم بالأحمر
الجزء البلاستيك فيه فتحتين بيدخلو فى الشنكلين دول الأول وبعدينن بترفعه سنة لفوق وتثبت الكلبسات اليمين الأول
ناخد بالنا إن الشنكل اللى تحت بيعدى من تحته السلوك اللى رايحة لفيشة نور الباب لأحسن وأحنا بنركب نضغط على السلوك نقطعها ناخد معلش الباب ممكن يتعب شوية وإنت بتركبه ياريت نفك فى النهار
عشان محدش يدعى عليا بس
ياريت يا أصدقاء تدعولى ربنا يصلح حالى وييسر أمرى اليومين دول تعبان شوية
سبحان الله والحمد لله ولا إله إلا الله ولا حول ولا قوة إلا بالله العلى العظيم
رقم العضوية : 119992
تاريخ التسجيل : 04Feb2012
المشاركات : 173
النوع : ذكر
الاقامة : suez
السيارة: none
السيارة[2]: lancer 1.6 half sport
دراجة بخارية: no
الحالة :
اولا تسلو ايدك و موضوع هايل و ثانيا ربنا يصاح حالك و ييسرك امرك ان شاء الله و يجزيك خير علي مجهودك
رقم العضوية : 129788
تاريخ التسجيل : 29Sep2012
المشاركات : 532
النوع : ذكر
الاقامة : ِِAlexandria,Egypt
السيارة: Megane II 06
السيارة[2]: بيجو 405- 307SW
الحالة :
الله عليك يا كبيييييييييييييييييييييير متميز كعادتك مش عارف اقولك ايه ...... يلا عقبال الفرش بتاع الباب الرخم اللي قدام لانه جبلي جنان مستني الموضووووووووع ده بشده
و يارب يصلح حالك و ييسرلك امرك و يجعل مواضيعك في ميزان حسناتك
رقم العضوية : 82712
تاريخ التسجيل : 04Dec2010
المشاركات : 287
النوع : ذكر
الاقامة : القاهره
السيارة: رينو سينيك 2008
السيارة[2]: رينو ميجان 2
دراجة بخارية: لا
الحالة :
موضوع هايل شكرا على المجهود
رقم العضوية : 2316
تاريخ التسجيل : 25Sep2007
المشاركات : 16,640
النوع : ذكر
الاقامة : Nasr City - UAE
السيارة: Accent 2006
السيارة[2]: Megane II 2005/Megane II 2007
دراجة بخارية: لا يوجد
الحالة :
مجهود ممتاز كالعادة يا محمد
ربنا ييسرلك حالك بما فيه الخير ليك إن شاء الله
يا بلادى يا بلادى.........أنا بحبك يا بلادى
رقم العضوية : 120598
تاريخ التسجيل : 17Feb2012
المشاركات : 7,632
النوع : ذكر
الاقامة : المنيا
السيارة: لا يوجد
السيارة[2]: Megane II 2007
دراجة بخارية: عجلة فاين آند فاين
الحالة :
ربنا يبارك فيكم جميعا يا إخوانى الأعزاء
والله يا أستاذ أحمد كنت لسة هبعتلك رسالة أقولك يعنى مش ظاهر
وبالنسبة للأستاذ dodo ryo حضرتك عايز تفك الباب الأمامى ليه ؟؟
بالنسبة لفكه مش هيختلف كتير اللى يعرف يفك الباب الخلفى هيعرف يفك الباب الأمامى
الفرق هيبقى فى العلبة اللى فى الباب ودى لو بصيت جواها هتلاقى مسامير بلاستيك من ع الجنب تقريبا هتفكها
فيه كمان الدراع اللى فيه زرار المرايا دا بتشده عليك لبرا وهتكمل فك عادى
وغطاء اللى على السماعة الأمامية هيتفك زى ما موضوع الأستاذ أحمد ما شرح فيه
وموضوع الأستاذ أحمد الصور منسقة ومرتبة وواضحة هيفيدك أكتر بالنسبة للفك بالنسبة للسماعة
سبحان الله والحمد لله ولا إله إلا الله ولا حول ولا قوة إلا بالله العلى العظيم
رقم العضوية : 120598
تاريخ التسجيل : 17Feb2012
المشاركات : 7,632
النوع : ذكر
الاقامة : المنيا
السيارة: لا يوجد
السيارة[2]: Megane II 2007
دراجة بخارية: عجلة فاين آند فاين
الحالة :
ربنا يبارك فيكم جميعا يا إخوانى الأعزاء
والله يا أستاذ أحمد كنت لسة هبعتلك رسالة أقولك يعنى مش ظاهر
وبالنسبة للأستاذ dodo ryo حضرتك عايز تفك الباب الأمامى ليه ؟؟
بالنسبة لفكه مش هيختلف كتير اللى يعرف يفك الباب الخلفى هيعرف يفك الباب الأمامى
الفرق هيبقى فى العلبة اللى فى الباب ودى لو بصيت جواها هتلاقى مسامير بلاستيك من ع الجنب تقريبا هتفكها
فيه كمان الدراع اللى فيه زرار المرايا دا بتشده عليك لبرا وهتكمل فك عادى
وغطاء اللى على السماعة الأمامية هيتفك زى ما موضوع الأستاذ أحمد ما شرح فيه
وموضوع الأستاذ أحمد الصور منسقة ومرتبة وواضحة هيفيدك أكتر بالنسبة للفك بالنسبة للسماعة
سبحان الله والحمد لله ولا إله إلا الله ولا حول ولا قوة إلا بالله العلى العظيم
رقم العضوية : 129788
تاريخ التسجيل : 29Sep2012
المشاركات : 532
النوع : ذكر
الاقامة : ِِAlexandria,Egypt
السيارة: Megane II 06
السيارة[2]: بيجو 405- 307SW
الحالة :
هو موتور الزجاج مثبت في الفيبر بتاع الباب ده اللي جنني لاني خايف للبكره تتكسر من الموتور و تبقي فتحت في الشتا و هيه هات يا مطر هنا في اسكندريه
رقم العضوية : 5939
تاريخ التسجيل : 18Feb2008
المشاركات : 797
النوع : ذكر
الاقامة : Cairo
السيارة: Clio 04 1200L/Fo
السيارة[2]: Clio 05 1200L/Fo
دراجة بخارية: no
الحالة :
مجهود رائع ياباشا وشكرا عالأفاده
وممكن كمان تستخدم الكوله العاديه ( الشعله ) انا عملت بيها سماعات الكليو من سنه والحمد لله شغاله زي الفل لحد دلوقت وكمان بتنشف على طول
واخيرا تسلم ايديك
رقم العضوية : 120598
تاريخ التسجيل : 17Feb2012
المشاركات : 7,632
النوع : ذكر
الاقامة : المنيا
السيارة: لا يوجد
السيارة[2]: Megane II 2007
دراجة بخارية: عجلة فاين آند فاين
الحالة :
المفضلات