اذا حدث زلزال قوى لا قدر الله
بالنسبة لأصحاب الادوار العليا
عليك بترديد الشهادتين
و الدخول الى اقرب دولاب
و لماذا الدولاب
لسهولة الوصول الى الجثة
اما بالنسبة لأصحاب الادوار السفلى
فعليك بترديد الشهادتين
و الجرى نحو الشارع فورا
اذا حدث زلزال قوى لا قدر الله
بالنسبة لأصحاب الادوار العليا
عليك بترديد الشهادتين
و الدخول الى اقرب دولاب
و لماذا الدولاب
لسهولة الوصول الى الجثة
اما بالنسبة لأصحاب الادوار السفلى
فعليك بترديد الشهادتين
و الجرى نحو الشارع فورا
الأدوار العليا
1 - اجري على المطبخ و خد شاليمو و قزازة بلاستيك و قمع
2 - لف حواليك مرتبة
3 - ادخل الدولاب (في الجزء الضيق بلاش أبو بابين علشان ماتتخبطش كتير)
المرتبة علشان تمتص الصدمات
الدولاب علشان الحماية الخارجية
القزازة علشان يبقى فيها ميه تشرب منها
و الشاليمو علشان الحتة ضيقة مش هاتعرف ترفع القزازة على بقك
اما القمع ...فعلشان لو القزازة فضيت تبقى تملاها (أصلك ممكن تفضل في الدولاب كام يوم ) :)
طب ممكن احلق دقنى قبل ماعمل الحاجات دى ؟؟
ايه ياعم هو حد هايلحق يعمل الحاجات دى كلها والزلزال بيهد الدنيا عليه :):):)
ماهو المفروض يكون كل بيت فيه في "شنطة الزلازل الأولية" و خوذة كمان
و المفروض يبقى في واحدة في العربية
مش يمكن عمارة تتهد عليك وانت سايق :svengo:
و المرور هايفتش على احاجات دي مع الاسعافات و المثلث :dupe:
و أهم حاجة الحزام ........علشان لو العمارة وقعت عليك:ANSmile05: ...راسك ماتتخبطش في القزاز لا قدر الله :Angel_anim:
فين باءه التجربة الواقعية؟؟؟؟اقتباس:
ماذا تفعل فى حالة حدوث زلزال قوى ( تجربة واقعية )
اكيد انت من سكان الدور الارضى فبتجرى على طول:)
الزلزال القوى كان الزلزال الشهير فى اكتوبر سنة 1992
و كنت فى دور ارضى فعلا بالسيدة زينب و بداخل الحمام أخذ دوش
و فجأة وجدت جدتى تصرخ و تقول اجرى يا محمد البيت بيقع
اخذت البشكير على جسمى بالصابون و خرجت اجرى على الشارع
على اعتقاد ان البيت بيقع فعلا لكن عندما خرجت الى الشارع وجدت البيوت كلها بترقص من حولى و ستقع عليا
فادركت وقتها فقط انه زلزال قوى و لم اقف مرعوب مثل الناس
بل بحثت عن مكان واسع بعيد عن هذه البيوت االتى ترقص من حولى
حيث ان شوارع السيدة ضيقة و البيوت قديمة جدا و الهروب من بينها
افضل حل فى هذا الوقت
اهم شىء رباطة الجأش و التصرف السليم
و ان تكون على يقين بأن لن يصيبنا الا ما كتب الله لنا
و كل انسان له موعد انتهاء اجله و مستحيل يهرب منه
و دائما قوة الايمان خير سند فى الشدائد
وهو وقت المصايب دي الواحد هيفكر في قمع وشاليموه برده !
المخ بيتبرمج علي حاجه واحده بس في الأوقات دي " Run "
.
وممكن كمان تطلب كنتاكي يجيلك قبل ماتدخل الدوب عشان يمكن تجوع ولا حاجه
أنا بكتفي بترديد الشهادتين بس .... أصل أنا جسمي بيتلبس مش بعرف أعمل حاجة
أنا فاكر من زلزال 92 التوصية اللي اتقالت وقتها ان كل واحد يجهز عنده في البيت صفارة علشان لو حصل حاجة لا قدر الله يقدر يصفر والناس بره تسمعه
اشهر واحد في زلزال 92 كان اسمه (أكثم) قعد تحت انقاض عمارة مصر الجديدة ميدان هليوبوليس اللي انهارت في الزلزال كام يوم على ما طلعوه
ويكون معاك لابتوب وبطاريته مشحونة .... يمكن تقعد كام يوم .... اكيد مش ح تقدر تستغنى عن نايل موتورز
طب هتدنك واقف فى الدولاب
وانت داخل جر معاك كرسى
بس اعمل حسابك وهات كرسى متنجد علشان يبقى مريح فى القعده
ولا اقول لك كرسى من بتوع اميركان فيرنيتشر اللى ممكن يتقلب سرير
وتخليهم يركبوا فيه حزام
ولو خايف على حياتك ركب له قواعد رياضية علشان لما يقع بيك مش تحس
حد حس بهزه ارضيه يوم 15/7 الساعه 6:26 صباحا انا حسيت بيها لانى ساكن فى الدور التاسع كنت صاحى وممدد على السرير لقيت السرير بيتهز فقمت وعرفت انه زلزال وعلشان اتأكد خرجت فى الصاله لقيت النجف كله عمال يتهز طبعا اترعبت ونزلت وقفت ساعه تحت العماره خايف من التوابع بس الحمد لله جت سليمه
بعد زلزال 1992 وزعوا علينا بالمدارس كتيب عن التصرف وقت الزلازل اذكر منه:
1- في الأماكن المزدحمة (المدرسة أو الجامعة) يجب الاحتماء بالمناضد (الديسكات) وإخلاء المبنى بهدوء (معظم الإصابات والضحايا تحث نتيجة التدافع على السلالم والهلع الشديد، والمثال القريب لذلك حادث المعهد الازهري للفتيات)
2- في المنازل الادوار العليا الاحتماء بالمناضد والتجمع تحت كمرة السقف (أظن أن مكان الكمرة بالسقف مكان متين لا يتفتت بسهولة في حالة انهيار المبنى مما يزيد من فرص النجاة)
طبعا الحالتان تتطلبان تدريب من الدفاع المدني لأن الهلع عادة يسود في هذه اللحظات مما يزيد من آثار الحوادث
يعني في حالة معهد المنصورة للفتيات شرارة كهرباء سقطت على كتف فتاة صرخت في هلع .. البنات هرعن وتدافعن على السلالم وحدثت حالات الوفاة والإصابات الخطيرة والسبب شرارة صغيرة وعدم خبرة بالتصرف في مثل هذه الحالات