ماذا تفعل فى حالة حدوث زلزال قوى ( تجربة واقعية )

**Matrixawy** · 15-07-2008 06:31 PM

اذا حدث زلزال قوى لا قدر الله

بالنسبة لأصحاب الادوار العليا
عليك بترديد الشهادتين
و الدخول الى اقرب دولاب
و لماذا الدولاب
لسهولة الوصول الى الجثة

اما بالنسبة لأصحاب الادوار السفلى
فعليك بترديد الشهادتين
و الجرى نحو الشارع فورا

**Ahmed Samy** · 15-07-2008 06:38 PM

الأدوار العليا

1 - اجري على المطبخ و خد شاليمو و قزازة بلاستيك و قمع
2 - لف حواليك مرتبة
3 - ادخل الدولاب (في الجزء الضيق بلاش أبو بابين علشان ماتتخبطش كتير)

المرتبة علشان تمتص الصدمات

الدولاب علشان الحماية الخارجية

القزازة علشان يبقى فيها ميه تشرب منها

و الشاليمو علشان الحتة ضيقة مش هاتعرف ترفع القزازة على بقك

اما القمع ...فعلشان لو القزازة فضيت تبقى تملاها (أصلك ممكن تفضل في الدولاب كام يوم ) :)

**Opel_Rekord** · 15-07-2008 06:47 PM

طب ممكن احلق دقنى قبل ماعمل الحاجات دى ؟؟

ايه ياعم هو حد هايلحق يعمل الحاجات دى كلها والزلزال بيهد الدنيا عليه :):):)

**Ahmed Samy** · 15-07-2008 07:33 PM

المشاركة الأصلية كتبت بواسطة Opel_Rekord

طب ممكن احلق دقنى قبل ماعمل الحاجات دى ؟؟

ايه ياعم هو حد هايلحق يعمل الحاجات دى كلها والزلزال بيهد الدنيا عليه :):):)

ماهو المفروض يكون كل بيت فيه في "شنطة الزلازل الأولية" و خوذة كمان

و المفروض يبقى في واحدة في العربية

مش يمكن عمارة تتهد عليك وانت سايق

و المرور هايفتش على احاجات دي مع الاسعافات و المثلث

و أهم حاجة الحزام ........علشان لو العمارة وقعت عليك

...راسك ماتتخبطش في القزاز لا قدر الله :Angel_anim:

**hussein** · 15-07-2008 07:58 PM

ماذا تفعل فى حالة حدوث زلزال قوى ( تجربة واقعية )

فين باءه التجربة الواقعية؟؟؟؟
اكيد انت من سكان الدور الارضى فبتجرى على طول:)

**Matrixawy** · 16-07-2008 01:23 AM

المشاركة الأصلية كتبت بواسطة hussein

فين باءه التجربة الواقعية؟؟؟؟
اكيد انت من سكان الدور الارضى فبتجرى على طول:)

الزلزال القوى كان الزلزال الشهير فى اكتوبر سنة 1992
و كنت فى دور ارضى فعلا بالسيدة زينب و بداخل الحمام أخذ دوش

و فجأة وجدت جدتى تصرخ و تقول اجرى يا محمد البيت بيقع
اخذت البشكير على جسمى بالصابون و خرجت اجرى على الشارع
على اعتقاد ان البيت بيقع فعلا لكن عندما خرجت الى الشارع وجدت البيوت كلها بترقص من حولى و ستقع عليا

فادركت وقتها فقط انه زلزال قوى و لم اقف مرعوب مثل الناس
بل بحثت عن مكان واسع بعيد عن هذه البيوت االتى ترقص من حولى

حيث ان شوارع السيدة ضيقة و البيوت قديمة جدا و الهروب من بينها
افضل حل فى هذا الوقت

اهم شىء رباطة الجأش و التصرف السليم
و ان تكون على يقين بأن لن يصيبنا الا ما كتب الله لنا
و كل انسان له موعد انتهاء اجله و مستحيل يهرب منه
و دائما قوة الايمان خير سند فى الشدائد

**zakiali** · 16-07-2008 01:42 AM

وهو وقت المصايب دي الواحد هيفكر في قمع وشاليموه برده !

المخ بيتبرمج علي حاجه واحده بس في الأوقات دي " Run "

.

**islambana** · 16-07-2008 02:29 AM

وممكن كمان تطلب كنتاكي يجيلك قبل ماتدخل الدوب عشان يمكن تجوع ولا حاجه

**Eng.Osama.Afifi** · 16-07-2008 03:06 AM

أنا بكتفي بترديد الشهادتين بس .... أصل أنا جسمي بيتلبس مش بعرف أعمل حاجة

**مصراوي جدا** · 16-07-2008 09:34 AM

أنا فاكر من زلزال 92 التوصية اللي اتقالت وقتها ان كل واحد يجهز عنده في البيت صفارة علشان لو حصل حاجة لا قدر الله يقدر يصفر والناس بره تسمعه

اشهر واحد في زلزال 92 كان اسمه (أكثم) قعد تحت انقاض عمارة مصر الجديدة ميدان هليوبوليس اللي انهارت في الزلزال كام يوم على ما طلعوه

الموضوع: ماذا تفعل فى حالة حدوث زلزال قوى ( تجربة واقعية )

LinkBack

أدوات الموضوع

عرض

-

-

-

-

-

-

-

المواضيع المتشابهه

ماذا تفعل اذا صدمت شخص بسيارتك ؟؟( تجربة واقعيه )

ماذا تفعل اذا صدمتك سيارة اخرى اثناء قيادة سيارتك ( تجربة واقعية )

ماذا تفعل اذا ركنت سيارتك بمكان و اقفلت عليك سيارة اخرى ( تجربة واقعية )

ماذا يحدث عند حدوث ماس

ماذا يحدث عند حدوث ماس

الكلمات الدلالية لهذا الموضوع

المفضلات

المفضلات

ضوابط المشاركة