انا لسه جايبها جديد موديل 96 انا مش بفهم خالص في العربيات بس لاحظت لما بجيب ال 120 بشم ريحة دخان جوا العربيه معرفش دي مشكلة كبيره ولا ايييه ارجوكم ردو عشان قلقت اوي
عرض للطباعة
انا لسه جايبها جديد موديل 96 انا مش بفهم خالص في العربيات بس لاحظت لما بجيب ال 120 بشم ريحة دخان جوا العربيه معرفش دي مشكلة كبيره ولا ايييه ارجوكم ردو عشان قلقت اوي
مبروك عليك فليشيتك الجميلة ربنا يديك خيرها ويكفيك شرها وشر الطريق....
ومرحب بك اخى الكريم اسكدياوى جديد وإن شاء الله بكرة تبقى مهندس كبير وحتفهم كل حاجه فيها ن الفليشيا عربية بسيطة غير معقدة وسهلة الفهم جدا جدا ....*
موضوع الدخنة فى الصالون دى سببها حاجتين
اولا ممكن يكون جوان الشكمان عاوز يتعير ودا سعرة 5 جنية تجيب اثنين واى ميكانيكى يركبهولك
ثانيا ممكن يكون فى كسر فى الشكمان وغالبا بيبقى بسبب احتكاك عصا الفتيس لنها تمر بجوار الشكماتن مباشرة ودى اى حد بتاع شكمان يريحلك المسألة دى....
كلامك مظبوط ياعم صبحى بس عاوز اضيف كمان حاجه على كلامك
ممكن يكون كوتش باب الشنطه فى فتحه من الكوتش بتاع باب الشنطه او فى خلوص علشان كده ممكن يدخل داخنه راجع على باب الشنطه علشان لو مش مقفول كويس هيدخل داخنه فى الصالون
او يبص على الشكمان من تحت العربيه ممكن يلاقى كيس بلاستك او حتة بلاستك لازق فى الشكمان من تحت و لما الشكمان يسخن بتسيح تعمل ريحه ده احتمال كمان
و فى كمان احتمال خرطوم الفايز بتاع الزيت لو مفكوك او مشقوق او مش موجود يعمل ريحه فى الصالون كل دى ياعم اسباب الدخنه فى الفلشيا
و اهلا بيك معانا فى بيتنا هنا اسكودا
وربنا يكفيك شرها
تحياتى ليك
م / احمد سيد
ربك المستعان
علي حظي قطعت حاجه اسمها مشط الكتروني مش عارف ده اجيبه منين
علي ما اظن يمشي عليها المشط بتاع اللادا سمارا او الجولف
اسمه مشط 5 طرف تقريبا او 6 طرف
لان انا كنت بجيب قطع غيار عربيتي من توكيل واخد لادا وسكودا في اسكندريه وسعره ما بين 90:120 جنيه
طيب احنا عارفين مشكلة الفليشيا الاسخونه طيب هيا كانت استعمال حريمي فا سخنت منها جابت جوان انا اكتشفت ده بعد ما جيبتها اللي فهمته منها ان الميكانيكي قال ان الزيت يفضل فيها شويه ميتغيرش بقي عامل زي الطحينه الكلام ده صح طب و يتسبب فدخنه سوده لما اكبس بنزين
اولا الف مبروك العربية ومبروك انك بقيت عضو لعائلة سكودا عموما
ثانيا موضوع السخونية فالعربية مش سهل ومش صعب يعنى مش سهل لو اهملت فى صيانة العربية ومتابعتها ومش صعب لو انت خدت بالك من الاسباب اللى بتؤدى لسخونة العربية
ثالثا العربية جابت جوان قبل كده ده مايعيبهاش بس الفكرة كلها فى الميكانيكي اللى اشتغل وعمل الشغل الله اعلم بيه المفروض العربية اول مابتجيب جوان وبتغير الجوان بتعمل حاجة اسمها تنظيف دورة الزيت ودورة التبريد يعني الزيت اللى كان موجود قبل جوان وش السلندر بينزل ويتحط زيت 1000 مثلا وتمشي بيها بتاع 500 كيلو او اسبوع وترجع تنزله وتورح للدكتور الميكانيكي يشد على وش السلندر وتغير زيت بعد كده عادى وكمان تنظف دورة التبريد ويستحسن تحط مية خضرا
رابعا لما تكبس بنزين جامد وتلاقى دخنة سودا يبقي ده بنزين وهتلاحظ ان العربية بتاكل منك بنزين وانت كده محتاج لحد بتاع كربراتير يظبطلك هوا وبنزين بس
كل الحاجات دى بسيطة ومتقلقش منها بس عايز تتاكد ان العربية جوانها اللى راكب كويس ولا لا شوف نسبة المية فى القربة بتاعة الردياتير معدل نقصانها اد ايه وكمان ممكن تكبس بنزين جامد وتبص على الشكمان لو فيه مية