الموضوع: انا فى حيرة انى انقل شغلى لدبى فى الامارات

المشاركة الأصلية كتبت بواسطة أحمد كمال

1- حضرتك ما قلتش مجالك ايه و دي هتفرق في عوامل كتير جدا تنقل و لا تقعد ..... لاننا ما نعرفش 1- نوع النشاط 2- الطلب عليه هناك 3- نوع العمالة المحتاج لها لتسيير اعمالك هناك ..... و رواتبها هناك بالمقارنة بهنا (التكلفة بالمقارنة ...... و كذلك سعر البضاعة او الخدمة بالمقارنة) ...... 4- حجم السيولة المطلوب الخ الخ الخ

2- مفيش حاجة اسمها شركة تابعة هناك مملوكة بالكامل لشركة مصرية لان الشركات هناك يا اما هتفتح في المنطقة الحرة يا اما هتفتج جوة البلد بس لازم شريك محلي ساعتها .......

كنت مستنى شوية الاسئله ديه من زماان فيك ياراجل ههههههه

بص ياسيدى :

نوع النشاط واخد 3 توكيلات ملابس امريكيه تيشرتات ثرى دى لسه نازله مصر والشرق الاوسط جديد وتوكلين تانين لايف ستايل بيعملو من الكوتشى للنضاره الشمس وامريكى برضه وحاجات كلاس نضيف وعالى وبالفعل ابتديت اسوقلهم هنا وماشيه الدنيا بس طبعا السوق دلوقتى صعب جدا جدا فى الى احنا فيه ده

الطلب عليه هناك على حد علمى واستفساراتى الفتره الى فاتت ان الملابس وادوات الرياضه زى السباحه والغطس واكسسوارات البدى بلدنج ماشيه كويس جدا وده مجالى بافعل

- نوع العمالة المحتاج لها لتسيير اعمالك هناك.... و رواتبها هناك بالمقارنة بهنا (التكلفة بالمقارنة ...... و كذلك سعر البضاعة او الخدمة بالمقارنة) ......

النقطه ديه انا هبتدى ب فرتوال اوفيس هناك فى المنطقه الحره بافعل علشان مش عايز شركاء من البلد خالص ولا اخش فى مشاكل قانونيه مع حد وهشتغل مع شركه تسويق اوت سورس للموضوع فى بدايه اول سنه

- حجم السيولة المطلوب مقدرش اقول كام بس هى فوق الربع مليون اكيد يعنى من 250 الف وانت طالع تقريبا

'طب معلشي هما 250000 دول ينفع ابدأ استورد بيهم ملابس من الصين ولا شوية

معلشي بره الموضوع

المشاركة الأصلية كتبت بواسطة subhimust

'طب معلشي هما 250000 دول ينفع ابدأ استورد بيهم ملابس من الصين ولا شوية

معلشي بره الموضوع

اشترى ب 10 الاف شغل وسوق بالباقى ده الى اقدر اقهولك


الفكره مش معاك تجيب ايه ولا بكام ؟ الفكره تقدر تسوقلهم ازاى وفاتح شغل مع ناس ازاى
وايه الميزه الى عندك تخليهم ياخدو منك ميخدوش من غيرك وهكذا

ده غير ان لو دخلت فى الملابس فانصحك شغل الصين ده هيبقا عملاءك كلهم موسكى وعتبه ومناطق شعبيه مبقاش حد دلوقتى بيحترم الشغل الصينى الا قليل اوى ومش موجود فى مصر المستوى ده من الشغل ففكر كويس وربنا يوفقك واسال ناس ليها خبره فى المجال كتير

لان الملابس الصينى والتركى بقا سوق مليان بشكل غير طبيعى فى مصر من كتر التجار فيه

حضرتك فكرت فى التسويق الإليكترونى على مستوى العالم العربى ؟ زى موقع نفسك دوت كوم و موقع sukkar الإماراتى . بيعرضوا منتجات مميزة و فى نفس الوقت اسعار مناسبة و مش هنضطر ننزل و نبحث ؟ الموضوع ده فكرته منتشرة جدا فى الفترة الحالية

المشاركة الأصلية كتبت بواسطة eng_doaa

حضرتك فكرت فى التسويق الإليكترونى على مستوى العالم العربى ؟ زى موقع نفسك دوت كوم و موقع sukkar الإماراتى . بيعرضوا منتجات مميزة و فى نفس الوقت اسعار مناسبة و مش هنضطر ننزل و نبحث ؟ الموضوع ده فكرته منتشرة جدا فى الفترة الحالية

طبعا يافندم

انا شركتى عباره عن جروب للانشطه التجاريه

عندى النشاط التجارى الخاص بالتوكيلات والملابس

والاداره التانيه خاصه بالتسويق الالكترونى وانا املك موقع كبير وله اسمه بدون ذكره ولكن متخصص فى العروض والخصومات وليس البيع المباشر والاقبال عليه اكبر من نفسك دوت كوم كمان

والنشاط ده هفتحه هناك فعلا لان السوق هناك بيحب طريقه الشغل ديه جدا

شكرا لتوضيحك