في صوت ظهر في العربية من يومين مش عارف دا مشكلة ولا ايه ... وانا بلف الدركسيون والعربية واقفة علشان اطلع من حتة مزنوقة بسمع صوت زي طقطقة ..... انما وانا ماشي مفيش صوت بظهر .
ارجو الإفادة
عرض للطباعة
في صوت ظهر في العربية من يومين مش عارف دا مشكلة ولا ايه ... وانا بلف الدركسيون والعربية واقفة علشان اطلع من حتة مزنوقة بسمع صوت زي طقطقة ..... انما وانا ماشي مفيش صوت بظهر .
ارجو الإفادة
صوت تزيق من قدام؟ و العربية مانيوال ولا اوتو
من موضوع تاني عرفت إن صاحب الموضوع عربيتة مانوال مش أوتو.
طيب حضرتك لما بتلف الدركسون وتسمع الصوت ده، بتكون دايس فرامل ولا مش شرط؟ خد بالك إتأكد عشان تفرق.
وصوت الطقطة لما بتلف الدركسون ده، وإنت واقف مكانك ولا وإنت بتتحرك، يعني الصوت مرتبط بتحريك الدركسيون والعربية واقفة تماما ولا مرتبط بحركة العربية وإنت كاسر الدركسيون بالفعل؟
انا برضه ساعات بتحصل معايا ومش عارف السبب بس العربية زي الفل ومش باشتكى من حاجه .. اعتقد مادام صوت الطقطقة ع الواقف تبقى قصة كبالن
لأ الكبالن طقطقتها و انت ماشي و بتلف
لو دايس فرامل و بتلف الدريكسيون و العربية محملة على قدام طبيعي ان الصوت ده يظهر
+١١١١١١١١
الكبالن ببتعرف من صوت الطقطقة وإنت ماشي وبتلف، زي اليوترن والدخول في شارع عمودي على طريقك مثلا. أنا عشان كده بسأل صاحب الموضوع لأن زي أستاذ جبريل ما بيقول لو واقف ودايس فرامل وبعدين جه يلف الدركسيون بيبقى فيه مقاومة بين ظغط التيل والحركة العجلة فبيعمل الصوت ده، على الأقل ده الحال عندي في الأوتو ، بس نفس الموضوع ممكن يحصل في المانوال لو نفس الظروف إتوفرت (العربية واقفة + دايس فرامل + بتلف الدركسيون).
صوت الكبالن والعربيه ماشيه وف الملفات بس .. ممكن تكون الطقطقه دي من الاسكترا والمقصات بس دي بتكون ف الغالب عايزه تنضيف وتشحيم للكاوتشات بتاعتهم مش اكتر
شكراً لإهتمامكم
هو الصوت بيظهر وانا دايس على الفرامل ، وبلف الدركسيون