الإخوة الكرام ، كنت عايز أعرف تكلفة سمكرة ودوكو كامل لإبيزا 98 ، بما فيها تكلفة وكميات و افضل انواع الخامات الممكن إستخدامها والمصنعيات ، وافضل مكان لشراء الخامات.
تحياتي
عرض للطباعة
الإخوة الكرام ، كنت عايز أعرف تكلفة سمكرة ودوكو كامل لإبيزا 98 ، بما فيها تكلفة وكميات و افضل انواع الخامات الممكن إستخدامها والمصنعيات ، وافضل مكان لشراء الخامات.
تحياتي
بس يا سيدي احنا الاخ محمد ابيزا عاملة عربيته ابيزا94 سمكرة ودوكو انت ممكن تبعتله على الخاص او تستناه لما يخشى
وان شاء الله هايديك كل المعلومات على العموم هو اول ما يخش ويشوف موضوعك هايجاوبك على طول
(( على فكرة العربية الي عاملها له مزبطها والحمد الله يا عني كان شغل علة مية بيضة))
بص يا باشا اولا عايزك تقولي السمكرة اللي فيها عبارة عن ايه يعني انا مثلا كان عندي حتتين بارومة صغيرين و خبطتين صغيرين ورا و تجريحات متعدش و ترييحات و كان في 5 كيلو بطاطس واقعين علي الكبوت بجد مش هظار و حاجات كده هي مش جوهرية لكن كتير و طبعا دخلتها دوكو كامل و بصراحة التشطيب و التقفيل و كان زي الفل و اتنعمت بقت علي الشعرة عشان ميبقاش في عالي و واطي و خدت معجون علي الاد و الفلاير الاخراني و الكلام ده كله عموما عربيتك بتاخد 2 كيلو بوية و 2 كيلو ورنيش بعد البوية عشان يديها اللمعة بتاعتها شوف انت بقي عايز بوية اوميجا الكيلو ب 80 جنيه و دي اقل نوع بس شغال و كويس مش وحش عايز بوية rm و دي الكيلو ب 200 تقريبا دي نوع حلو جدا عايز بقي بوية سكينز اللي هي نمرة واحد و مفيش اعلي منها سعرها مش هيقل عن 350 جنيه تقريبا انا رأيي حط الاوميجا ناس كتيييييييييييييييييير عملتها و زي الفل و للعلم هتقولي البوية ممكن تضرب و تشقق و بتاع هقولك الكلام ده بيعتمد علي التشطيب و النضافة في المعجون و الحاجات دي و البوية مجرد صبغة و طبعا صبغة عن صبغة تفرق لكن الاوميجا اختيار معقول حلو الكلام كده و عموما انا عربيتي كلها كلفتها حوالي 1200 بس طلعت زي الفل و عملتها جنبي هنا في ورشة خالد صلاح الله يرحمه في الهرم هنا لسه ميت من 4 ايام في حادثة فمش عارف الورشة شغالة من بعده ولا لا :( و اي سؤال انا موجود زي ما كوبرا قالك
و بتاع البوية هو اللي بيشتري الخامات و اللي عملت عنده بيجيب من الشركة مش من السوق عشان في السوق بيبقوا ضايفين عليها نفط و كده بس بصراحة كانوا ناس في منتهي الامانة
اولا الف شكر ياباشا على الاهتمام ، اما بالنسبة للعربية فحالتها كالآتي ، خدوش كتير ماتعدش وشوية ترييحات وخبطات بسيطة على الرفارف الامامية والسوك الخلفية والحمد لله مافيش بارومة بس للاسف العربية تاني يد وصاحبها الاولاني كان موديها لسمكري وبتاع دوكو محترمين فتلاقي المعجون عليها بالكيلو وحتت مرشوشة على الورنيش القديم من غير ما ينسحق ، فانا شايف اني انزل بوية العربية بالكامل على الصاج وتتجاب من الاول على نظافة ، ياترى ده يكلف كام تقريبا وياخد وقت قد ايه ، وعموما انا هاحاول ارفع صور للعربية علشان تاخد فكرة كاملة عن حالتها .
تحياتي
لا شكر علي واجب :)
انا عندي سحقولي الحتت اللي كانت معمولة قبل كده لانها كانت وحشة و المعجون علي الاد طبعا نضيفة بصراحة و انا كان عندي نص 3\4 العربية فابريقة كدهان يعني العربية عندي اتعملت كلها في 12 يوم بظبط سمكرة و دوكو و كل ما يتعلق بيهم من ورنيش و السحق قبل البوية و الكلام ده و التنعيم و الكلام ده كله و ظبطولي تقفيل الموتور لان زي ما انت عارف العبد لله و مستخدمي السيارة مبيرحموش ههههه و ارفعلي صور كده بس هي ان شاء الله مش هتتعدي المدة دي
للأسف مش عارف ارفع صور ولا اعمل اي حاجة خالص بسبب وقوع المنتدى ، وحتى بعد مارجع اصبح بطيىء جدا ، عموما لو حبيت اعمل العربية عند الناس اللي انت عملت عندهم تفتكر ان المسالة دلوقت تبقى مضمونة وخصوصا بعد وفاة صاحب الورشة - الله يرحمه - ، وياريت اعرف تقييمك الكامل لشغلهم وهل محتاجين متابعة اول بأول ولا المسالة بتكون إزاي .
تحياتي
بص يا باشا الراجل السمكري اسمه محمود لسه موجود و البوهيجي موجود برضه علي فكرة وراني البويه قبل ما تروح الفرن عشان اشوف الدرجة بتاعة اللون بصراحة شغلهم انا لحد دلوقتي مش عارف اطلع فيه غلطة الحمد لله زي الفل و الراحل السمكري انا سبته لحد ما العربية دخلت مرحلة المعجون بعدها قمت مظبطه علي جنب كده مع انه مكانش محتاج توصية بصراحة بس برضه يعني زيادة اهتمام مش وحش :) انا كنت في فترة امتحانات و اهلي برضه كانوا بيروحوا يبصوا كل 3 4 ايام كده يلاقوا شغل جديد اتعمل و العربية بتتشطب خلاص في موضوع هنا اسمه الابيزا تحت الاصلاح في كل حاجة بالصور من الاول خاااااااااالص لحد الاخر لما العربية كانت بتاخد الفلاير و الحمد لله العربية طلعت جميلة و ملعلطه:D:D
ده اكبر غلط ممكن تعمله في العربية , انك تشيل البوية بالمزيل او بالرشم بالنار لغاية الصاج
لان انت كده بتشيل طبقة الفيلر اللى بتترش في المصنع علشان تعزل و تمنع الصدا انه يوصل للصاج بسهولة ,
و حتى لو الصاج عندك ظاهر من كتر الخدوش ,
برضوا بلاش تشيل الجزء المتبقي لانك بتحمي باقى المساحة المتغطية و بتطول عمرها من ناحية التآكل و مقاومة البارومة ..
اسلم حاجة , انه يعمل سحق للطبقة الاولى و الثانية و بس لغاية اما يجيب بطانة العربية و يسحقها و تكون هي دي نقطة بداية شغله .
وضع معجون الاستوك و باقي المراحل المتعارف عليها