السلام عليكم ورحمة الله وبركاته،،،
هل توجد مستشفى ممكن أدخله الصبح عشان يعملولي فحص دوري كامل ... يعني تحاليل وآشعات وفحوصات وأمشي بعد أما أخلص كل الفحوصات دية في مكان واحد؟
يا ترى إيه المستشفيات اللي بتقدم الخدمه دية؟ والتكلفه في حدود قد إيه؟
شكراً
عرض للطباعة
السلام عليكم ورحمة الله وبركاته،،،
هل توجد مستشفى ممكن أدخله الصبح عشان يعملولي فحص دوري كامل ... يعني تحاليل وآشعات وفحوصات وأمشي بعد أما أخلص كل الفحوصات دية في مكان واحد؟
يا ترى إيه المستشفيات اللي بتقدم الخدمه دية؟ والتكلفه في حدود قد إيه؟
شكراً
كليوبنرا بس معرفش بكام
فى برنامج حلو فى البرج
اسمه اطمن وطمنهم حلو برده تمام يعنى لو مش عايز تروح مستشفى
ألف شكر يا أستاذ محمداقتباس:
المشاركة الأصلية كتبت بواسطة mohamed_selim
يا ريت يا جماعه لو حد يعرف رينج السعر بيكون كام؟
ألف شكر بس يا ترى معمل البرج ده عنده آشعه برضه؟اقتباس:
المشاركة الأصلية كتبت بواسطة beso516
شكراً
البرج مفيش اشعه تحاليل بس
ممكن تكلم المستشفى فى التليفون و تسال
السلام الدولى فى المعادى فيها وحدة check up ممتازة جدا
بس مش عارف السعر صراحتا
كلمهم على الرقم ده من 10 ل 10 وهيقولولك كل حاجه
25240250
أعتقد و الله أعلم أن المختبر/مؤمنة كامل فيه أشعة بس مش فى كل الفروع........و ليها مواعيد.
عملت أشعة من فترة هناك.
حضرتك افضل مكانين للفحص الدورياقتباس:
المشاركة الأصلية كتبت بواسطة marsguy
المركز الطبي العالمي
دار الفوءاد
Check up Programs _ New Kasr El Aini Teaching Hospital : Cairo Egypt
القصر العيني الفرنساوي عندهم قسم للفحص الدوري
بس هتحتاج تحجز معاهم الاول
بتروح من الساعه 8 و تكون صايم عن الاكل 12 ساعه
ممكن حضرتك تروح لدكتور باطنة يكشف عليك واللى التحاليل واللاشعة اللى هيطلبها اعملها بدل ماتعمل حجات مش محتاجها وعموما لو مكان واحد معمل المختبر المركز الرئيسى فى جامعة الدول فيه تحاليل واشعة وعيادة باطنة فى نفس المكان
ألف شكر يا جماعه
ربنا يكرمكم.
أنا هاروح لدكتور طبعاً إن شاء الله, بس أنا رحت لدكتور من 3 سنين وطلب مني كمية تحاليل وآشعات لا حصر لها وعملتها في أماكن كتير. السنه دي عاوز أعملها في مكان واحد أكيد هاتكون أوفر وأريح.
موضوع القصر العيني ده شكله كويس وسعره كويس، بس يا رب تكون الخدمه كويسه. يا ترى حد جربها قبل كده؟
شكراً
ان شاء الله يكون كله خير
شوف ياباشا هو حضرتك بتعاني من اي شكوي مرضية ؟
وهل في مرض منتشر عندكم في العائلة ؟
وسن حضرتك كام ؟
وحضرتك بتشتغل ايه ؟
___________________________
لان لو مافيش اي اعراض عندك ومافيش اي مرض منتشر في العائلة وسن حضرتك صغير ومش بتتعرض لاي عدوي في شغلك يبقي مش لازم تعمل تحاليل كتييرةعشان تتطمن علي نفسك
انت ممكن تعمل
1/ صورة دم
2/ نسبة alt
3/نسبة كرياتنين
4/تحليل بول وبراز
5/اشعة تلفزيونية علي البطن والحوض
والحاجات دي كفاية جداااا انك تطمن علي نفسك
والحاجات دي كلها لا تتعدي 150 جنية قد تزيد اول تقل حسب المكان
والتحاليل كلها ممكن تعملها في اي معمل وبعد كده اي مركز اشعة هايعمل لك الاشعة التلفزيونية
او لو انت ساكن قريب من الزقازيق ممكن تشرفني في مستشفي الجامعة هاتعمل التحاليل كلها تقريبا ب 30 جنية وانا هاعمل لك الاشعة ببلاش :)
دار الفؤاد
وبتتكلف حوالى 4000 جنيه
السلام عليكم ورحمة الله وبركاته،،،اقتباس:
المشاركة الأصلية كتبت بواسطة abo mostafa
ألف شكر على الرد الوافي:
حضرتك بتعاني من اي شكوي مرضية ؟ بقالي 3 سنين كل فتره باحس بإعياء شديد لدرجة إني مش باكون قادر أطلع صوتي حتى. الحالع دية بتجيلي على فترات وتختفي على فترات.
وهل في مرض منتشر عندكم في العائلة ؟ إرتفاع ضغط الدم
وسن حضرتك كام ؟ 33
وحضرتك بتشتغل ايه ؟ مهندس كومبيوتر
أنا فعلاً عملت التحاليل دية من 3 سنين لما رحت للدكتور وتقريباً ماكانش فيها مشاكل إلا شوية دهون على الكبد بس الأعراض ما راحتش تماماً من ساعتها برضه.
إن شاء الله هاروح للدكتور الأسبوع ده وهاشوف هو هايطلب تحاليل وآشعات إيه وأعملها.
سألت على التحاليل لقيت معمل البرج عامل عرض كويس: مجموعة تحاليل شامله بـ 370 جنيه بس مش هاعملها إلا أما الدكتور يطلبها.
شكراً على عرض الآشعه :) ربنا يكرمك. بس أنا من القاهره ومش باروح الزقازيق خالص.
شكراً مره ثانيه
ألف شكر :)اقتباس:
المشاركة الأصلية كتبت بواسطة hany a fattah
ربنا يكرمك