سؤال بخصوص لمبة Check Engine
مساء الخير
الحقيقة كنت بغسل السيارة بالكامل اليوم
وقام الشخص المسئول بغسل الموتور دون ربط الكيس على (المكان مش عارف إسمه لكن بشوفهم بيربطو كيس على حاجة معينة) بالجاز أولا ثم بالصابون ثم بالماء المندفع بقوة
بعد الغسيل بساعتين ... دورت العربية وفوجئت بلمبة التشيك نورت
كنت زمان أعرف إن الخرطوم الرفيع الخاص بالإنجيكشن عندما ينفصل عن الحساس يكون هو السبب الرئيسى فى إنارة لمبة التشيك وتختفى ما أن أعيد الخرطوم فى مكانه
لكن دلوقتى كل حاجة فى مكانها
ممكن يكون إيه ؟
لو حد كان رأيه فحص السيارة بالكمبيوتر أرجو إرشادى لأحد الورش فى محيط الهرم وكم يتكلف الفحص
أما إذا كان فى حد تعرض لنفس الموقف فأرجو التفسير
ولكم منى جزيل الشكر
