السلام عليكم
النهاردة اتسرقت من عندنا فى الشارع عربية هيونداى النترا 2009 وكمان من 3 ايام اتسرقت من نفس الشارع كيا سيراتو 2010 (ربنا يعوض على اصحابها)
الهونداى كا صاحبها حاطط القفل الى بيمسك الفرامل بالدريكسيون ومع ذلك اتسرقت
عايز اسال على الايموليزير الى موجود فى اللوجان هل هو كويس يعنى ولا برضه تامين العربية برضة مش كفاية ؟؟؟
(كله فى الاول وفى الاخر نصيب برضه وربنا يسترها)
متابع
أنا المرة الوحيدة إللي سمعت فيها عن لوجان إتسرقت، قطروها ههههه ... بجد.
بصراحة غير إن العربية مبتدورش غير بالمفتاح بتاعها معرفش، أعتقد الموضوع أمان إلا لو كانت ممكن تتقطر. بس برضة الإحتياط واجب، إحنا عندنا عبقريات سبقت كل عقول البشر في العالم في السرقة أكتر من أي شئ.
متقلقش يا باشا ان شاء الله فعال =)
بص هوا الايموبيليزر وظيفته انه لو فك التابلوه ووصل السلكتين ببعض برضه العربيه ماتدورش لأن فيه شفرة في الدايرة الالكترونية بتاعت العربيه لازم عشان تتفك المفتاح السليم بس هوا اللي يفكها ..... دا مش مجرد بيقطع الدايره الكهربيه او بيفصل البطاريه عشان لو حد فاهم كده لأ دا بيخلي ال ECU ماتقومش الموتور اصلا ولا تدي اي اشاره لأي فالفات تفتح ولا أي حاجه خالص الا لو المفتاح الاصلي اتركب و عرف يفك الشفرة
و المشكله دي كانت حصلت معايا قبل كده في ان كان معايا مفتاح اصلي - بس الكلام دا في عربية كليو - كان المفتاح اصلي و شغالين بيه 8 سنين متواصل بس كان صدي شويه و فجأة جينا بنحطه و ندور ماكانتش بتدور لدرجة اننا جبنا كهربائي و كشف ع البطاريه و قعد يلعب في الفازات وطلع عينه ساعتين و ف الاخر قالك العربيه دي لازم التوكيل هوا اللي يفهم فيها و ف الاخر بعد دا كله كانت المشكله مشكلة المفتاح و الايموبيليزر!!!
فا اطمن علي اد ما تقدر من الموضوع دا عن تجربة ..... ولو لاحظت حاجه انك لازم اما تيجي تدور العربيه لازم تستني ثانيه كده ع الاقل مابين المفتاح في وضع stand by و ما بين التدويره و لو جربت تدور علي طول علي مرة واحده من اول ما تحط المفتاح الاصلي السليم مش هاتدور .. من الاخر كده نام و ارتاح و حط في بطنك بطيخه نمس :D
ربنا يطمنك يا spider_007 ويريح قلبك
وشكرا يا رجالة على مشاركتكم
الله يطمنك