السلام عليكم يا رجاله نايل موتورز
انا عايز اعمل رخصه دوليه اعملها ازاى
ويا ترى شكلها عامل ازاى
وتتكلف كام
؟؟؟؟
عرض للطباعة
السلام عليكم يا رجاله نايل موتورز
انا عايز اعمل رخصه دوليه اعملها ازاى
ويا ترى شكلها عامل ازاى
وتتكلف كام
؟؟؟؟
ورقه كده زي البسبور بس صغيره
فيها صورتك بتتعمل في التحرير ف نادي السيارات او ممكن الاسم مختلف
بصوره البطاقه وصوره الرخصه وصوره شخصيه او اكتر صالحه لمده سنه فقط
بكام مش فاكر
هيا الرخصة الدولية معناها اني ممكن اسوق بيها في أي بلد؟؟ يعني مثلاً انا ناوية اسافر دبي و كنت ناوية اطلع رخصة هناك, هل الرخصة دي تغني عن اني اطلع رخصة هناك ولا ايه؟؟
انا عملتها زمان من نادي السيارات الي في وسط البلد كانت ب ١٠٠ جنية
بس المشكلة. في دول مبتعترفش بيها. وبالذات لو معاك اقامة يقولك بلها واشرب ميتها حتى مبيطلعوش عليها رخصة محلية ... بس الزيارة بيعترفوا بيها .... ويسبوك تعدي
حتي في المانيا يا ياريس باشا ..؟
(منقول من موقع الحكومه الالكترونيه بتصرف)
الحصول على رخصة القيادة الدولية
الجهة المؤدية للخدمة
نادي السيارات و الرحلات المصري .
المستندات والأوراق المطلوبة
أن يكون الطالب مصريا أو أجنبيا مقيما في مصر وقت تقديم طلب الحصول على الرخصة .
أن يكون حاصلا على رخصة قيادة مصرية وفقا لأحكام قانون المرور ولائحته التنفيذية وسارية المفعول لمدة لا تقل عن سنة .
موافقة الإدارة العامة للمرور على صحة بيانات الرخصة المصرية (شهادة تحريات) .
يتم تقديم طلب الحصول على الرخصة الدولية الي نادي السيارات و الرحلات المصري .
الرسوم والمبالغ المطلوبة
سداد الرسوم المقررة بنادى السيارات والرحلات المصرى .(حوالى ١٠٠ جنيه)
عدد ٢ صوره شخصيه
ملاحظات
مواعيد العمل
يوميا من الساعة 8 صباحا وحتى الساعة الثانية ظهرا .
ملاحظات:
- هناك حوالى ١٨٠ دوله بيقبلوا الرخصه الدوليه بيبقوا مكتوبين اسمائهم على الرخصه الدوليه
- الرخصه مدتها سنه يمكن القياده بها بالخارج طالما الرخصه المصريه ساريه
- فى حاله الاقامه الرخصه دى لا تصلح فى الاغلب و يجب أداء اختبار القياده بتاع الدوله اللى انت فيها و يجب مراجعه قوانين البلد لان فى بلاد يمكن مبادله الرخصه المصريه على طول برخصه اجنبيه اعتقد منها بلجيكا
الف شكر على الرد والاهتمام
ممكن فى اى بلد تسوقى بيها لكن شرط انها تكون زياره بغرض السياحه او زياره لاى غرض
عدا ذلك لا يجوز يعنى لو اقامه او عمل لا يعترف بيها ويبقى لازم تطلعى رخصه من هناك
نعم انا عايز اطلعها بغرض زياره سياحه
واشكرك على المعلومات والاهتمام
جزاك الله خيرا على المعلومات
بارك الله فيك
والموضوع ده فيه كل حاجه
ووافى جدااااااااا
جزاك الله خيرا
اقدم خالص الشكر لكل من ساهم فى الموضوع لمساعدتى لعمل الرخصه الدوليه
والحمد لله رحت عملتها يوم الاربعاء الماضى 9\1\2013
والاجراءات كالتالى
الذهاب الى الاداره العامه للمرور بمدينه نصر من اجل الحصول على
موافقة الإدارة العامة للمرور على صحة بيانات الرخصة المصرية وتسمى (شهادة تحريات)
وده مش بتاخد اكتر من 5 دقائق
ثم الذهاب الى نادى السيارات بالتحرير بجوار جروبى فى عماره بالدور الثالث
تدفع رسوم الحصول على الرخصه الدوليه وهى 150 جنيها
وسوف يعطيك استماره بيانات تقوم بملئها وهى عربى وانجليزى نفس البيانات
ثم تعطى الموظف الاستماره وشهاده التحريات اللى جبتها من مدينه نصر و2 صوره شخصيه وصوره الرخصه
ثم يقول لك الموظف تعالى الساعه 2 استلم الرخصه وبالفعل روحت تانى الساعه 2 استلمتها
وهى عامله زى جواز السفر بس على اصغر ولونها بنى
ومكتوب فيها ارشادات والبلاد المتعاقد معها للسماح بالسير بيها
وانها ساريه لمده سنه
وتنبيه انه لا يجوز استعمالها فى مصر
الرخصة الدولية مايو 2016:
- مبقاش من الخطوات انك تروح مرور مدينة نصر علشان شهادة التحريات, كل حاجة بقت بتخلص من التحرير من نادى السيارات, انا دبيت المشوار لمدينة نصر ودفعت 3 جنية بارك على الفاضى :)
- المكان ميدان طلعت حرب تقريبا واسأل هناك بعد جروبى بعمراتين
- بيفتحو من 9:30 الصبح وشغالين السبت
- التكلفة 260 جنية شامل كل حاجة حتى شامل تصوير الباسبور والرخصة
- خد معاك الباسبور والرخصة السارية وصورتين أو صورة مش فاكر :)
- بتطلع صالحة لسنة واحدة من وقت الأصدار
- انا خلصتها فى ربع او نص ساعة تقريبا (كل حاجة)