تقرير تركيب فتيس اوتوماتيك a41998
الموضوع بدا بنتشه فى الفتيس ثم رزعه فى الغيار التانى مع ان التسارع بتاع العربيه ممتاز و المفاجىء شغال و تمام التمام بس الموضوع طول و بقى مدايقنا فى المشى فقلنا نتكل على الله و نجيب فتيس و طبعا كلنا عارفين ان العربيه دى هى الباسات موتور و عفشه
اتكلنا على الله و نزلنا الحرفيين عند واحد محترم جدا و بيتكلم بخجل جدا فى موضوع الفلوس و دا شىء نادر هناك فى الحرفيين بس كلنا رايحنلو بواسطه بردو .... المهم شال لنا الفتيس من على عربيه باسات ربع كان مقطع عندو ..... و خلصناة على 3500 جنيه طبعا سعر جميل جدا و معروف ان سعر الفتيس دة 5000 جنيه ورقه بوسطه دا غير الزيت ب 500 دا غير التركيب ب 600 بالكهربائى بالكمبيوتر ..... احنا الحمد لله ركبناة ب 400 و كان الفتيس فيه الزيت بتاعه الاوريجنال و الحمد لله التركيب خد يومين و استلمنا و جربناة على طريق مصر اسماعيليه .... الغريب ان العربيه بقت ناعمه اوى و مبقناش نسمع صوت الموتور زى الاول .... و كان عندو الموتور بردو بتاع العربيه و بحاله الزيرو و لو كانت الفلوس كفت كلنا خدناة كمان الموتور كان ب 4000 جنيه بكنتروله بدفيرة الكهرباء بدون التركيب طبعا التسقيط ب 500 و الكهربائى 500 بردو و طبعا سعر ببلاش بردو عشان لما كلنا بندور على موتور من سنتين كلنا بنسمع ارقام غريبه 7 و 8 الاف من غير اى حاجه